Jeremaia 23:8 - Vakavakadewa Vou kei na iVola tale eso

⁸ Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Ai Vola Tabu (Vakadewa Makawa Vakavoutaki 2021)

⁸ ia era na kaya ga, ‘Sa bula ko Jiova, ko koya ka kauta cake mai ka tubera na nodra kawa na vale i Isireli mai na vanua ki na vualiku, kei na veivanua kecega ka'u a dui vakasevi ira kina’; ka ra na tiko ga e na nodra vanua.”

AI VOLA TABU

⁸ ia ko ya ga, Sa bula ko Jiova, o koya ka kauta cake mai ka tubera na nodra kawa na mataqali i Isireli mai na vanua mai na mata ni tokalau, kei na veivanua kecega kaʼu a dui vakasevi ira kina; a ra na tiko ga e na nodra vanua.

Vakavakadewa Makawa

⁸ ia era na kaya ga, Sa bula ko Jiova, ko koya ka kauta cake mai ka tubera na nodra kawa na mataqali i Isireli mai na vanua ki na tokalau, kei na veivanua kecega ka'u a dui vakasevi ira kina; ka ra na tiko ga e na nodra vanua.

Ai Vola Tabu Ena Vakavakadewa Vou

⁸ Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Jeremaia 23:8 Iomraidhean Croise

Aisea 11:11

Ena siga o ya, ena vakayagataka tale na nona kaukauwa na Turaga me kauti ira lesu tale mai na vo-ni-bula vei ira na nona tamata mai Asiria, Ijipita, Pucirosi, Eciopea, Ilama, Saina, Emaci kei na veibaravi.

Aisea 14:1

Ena qai lomani ira tale na nona tamata o Jiova ka digitaki ira me ra nona. Sa na vakalesui ira mai ki na nodra vanua o koya; era na qai lako mai vei ira na kai veimatanitu tani ka mai tiko kei ira.

Jeremaia 16:14

A sa kaya o Jiova, “Raica ena yaco mai na gauna sa na sega kina na bubului vei au na Kalou bula o koya ka a kauti ira tani mai na Isireli mai na vanua o Ijipita.

Jeremaia 16:15

Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Jeremaia 23:3

Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Jeremaia 29:14

Au na laivi kemuni mo ni kunei au, sa kaya o Jiova, ka'u na qai vakalesuya vei kemuni na nomuni kalougata ka kumuni kemuni vata mai na veivanua ka'u a vakasavi kemuni kina. Ka'u na kauti kemuni lesu ki na veivanua au a kauti kemuni vakavesu mai kina.”

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 30:3

baleta ni na yaco mai na gauna au na kauti ira lesu tale kina na noqu tamata, na Isireli kei Juta. Au na kauti ira lesu tale mai ki na vanua au a solia vei ira na nodra qase me ra taukena tale.”

Jeremaia 31:8

Au na kauti ira mai cake, Vaka ki na vualiku Ka soqoni ira vata Mai na i yalayala kei vuravura Era sa lako vata mai Kei ira na lokiloki, Na mataboko, na yalewa bukete Kei ira na sa voleka ni vakasucu; Era sa lesu tale mai Me dua na matanitu levu.

Jeremaia 32:37

Au na soqoni ira vata na tamata mai na veimatanitu kece sara au a vakasavi ira kina, ena noqu rarawa, na cudru, kei na yalo katakata, ka'u na kauti ira lesu mai ki na vanua oqo ka laiva me ra mai tiko ena galala.

Jeremaia 8:3

Sa dodonu me ra taleitaka cake vakalevu na mate mai na bula o ira kece sara na vo-ni-bula era lewe ni vuvale ca oqo ena veivanua kece ka'u a dui biuti ira kina,” a sa kaya o Jiova ni lewevuqa.

Isikeli 28:25

A kaya vakaoqo na Kalou o Jiova: Ni sa vakasoqoni ira na mataqali i Isireli mai vei ira na dui mataqali era sa dui vakasevi ira kina, ka vakamacalataka na noqu yalo dodonu vei ira e matadra na veimatanitu, era na qai tiko ena nodra vanua ka'u sa solia vua na nodra i talatala o Jekope.

Isikeli 34:13

Ia ka'u na kauti ira tani mai vei ira na veimataqali tamata, ka vakasoqoni ira mai na veivanua, ka kauti ira mai ki na nodra vanua; ka'u na vakani ira ena veiulunivanua i Isireli, ena veimata ni wai, kei na i tikotiko kece ni vanua.

Isikeli 36:24

Ni'u na kauti kemuni mai vei ira na veimatanitu tani, ka vakasoqoni kemuni mai na veivanua kecega, ka kauti kemuni ki na nomuni vanua.

Isikeli 36:35

Era na qai kaya, ‘Na vanua ka lala tu oqo e liu, sa qai yaco me vaka na i teitei o Iteni; ia na veikorokoro ka sa lala ka i rusarusa se benubenu tu sa qai tawa tale, ka sa viribaiti vakaivalu.’

Isikeli 37:25

Era na tiko ga ena vanua ka'u sa solia vua na noqu tamata o Jekope, na vanua era sa tiko kina na nomuni qase; ka ra na tiko kina, kei ira na luvedra, kei na makubudra, ka sega ni mudu.

Isikeli 39:28

Era na qai kila ni sai au o Jiova na nodra Kalou, ka'u a vakauti ira tani vakabobula ki na veimatanitu tani: ia ka'u na qai vakasoqoni ira vata mai ki na nodra vanua. Au na sega sara tale ni vakalaiva e dua vei ira me vo laivi tiko mai vei ira na veimatanitu;

Joeli 3:7

Ia oqo au na vakayavalati ira mai na vanua dou a volitaki ira kina, kau na qai sauma lesu e ulumudou na nomudou i valavala.

Maika 7:15

Ni vakayacora mada na cakacaka mana eso ena vuku i keimami, me vaka na veisiga eso o ni a kauti keimami tani kina mai Ijipita.

Sefanaia 3:20

Sa lako tiko mai na gauna! Au na vakalesui ira kina sa veituyaki ki na nodra vanua; Au na vakarogoi kemuni kina e vuravura taucoko Ka vakayacora mo ni bula sautu tale mada.” A veika oqo sa kaya o Jiova.