Jeremaia 23:6 - Vakavakadewa Vou kei na iVola tale eso

⁶ Ena qai galala o Juta ena nona gauna ni veiliutaki ka ra na qai tiko sautu na lewe i Isireli. Era na vakatoka na tui o ya me yacana, ‘O Jiova na noda yalododonu.’

Ai Vola Tabu (Vakadewa Makawa Vakavoutaki 2021)

⁶ E na nona gauna era na vakabulai kina na Juta, ia ko ira na Isireli era na tiko vinaka. Ia oqo na yacana ena vakatokai kina, ‘Ko Jiova na noda Yalododonu’ (ko Jiova-sikenu).

AI VOLA TABU

⁶ e na nona gauna era na vakabulai kina na Juta, ia ko ira na Isireli era na tiko vinaka ga: ia o qo na yacana ena vakatokai kina, Ko Jiova na noda yalododonu.

Vakavakadewa Makawa

⁶ e na nona gauna era na vakabulai kina na Juta, ia ko ira na Isireli era na tiko vinaka: ia oqo na yacana ena vakatokai kina, KO JIOVA NA NODA YALODODONU.

Ai Vola Tabu Ena Vakavakadewa Vou

⁶ Ena qai galala o Juta ena nona gauna ni veiliutaki ka ra na qai tiko sautu na lewe i Isireli. Era na vakatoka na tui o ya me yacana, ‘Ko Jiova na noda yalododonu.’

Jeremaia 23:6 Iomraidhean Croise

1 Tui 4:25

Era a tiko vinaka ka sautu ena gauna kece i Solomoni na Juta kei na Isireli, na tamata ena ruku ni nona vunivaini, kei na ruku ni nona vunilolo, me vakatekivu mai Tani, ka yaco ki Perisepa.

NA SAME 45:5

Sa gata sara na nomuni gasau ni dakaititi, Ka sa coba ki na utodra na kemuni meca; Era sa bale e ruku ni yavamuni na veimatanitu.

Lako Yani 9:26

A sa sega ga ni tau na uca cevata ena vanua o Qoseni, oqori na vanua era sa tiko kina na Isireli.

Aisea 2:4

Ena vakatulewa vei ira na veimatanitu o koya. Era na tukitukia na nodra i seleiwau me bati ni siviyara, Kei na nodra moto me i sele ni sasamaki. Era sa na sega tale ni veivaluvaluti na veimatanitu, Se vakavakarau tale ki na i valu.

Aisea 32:1

Raica, ena yaco me veiliutaki e dua na tui yalodina; Ka ra na vakayacora na turaga na lewa dodonu.

Aisea 32:18

Ena yaco na bula sautu kei na vakacegu, Ena nodra vanua na tamata ni Kalou, Ka vagalalataki mai na nodra nuiqawaqawa.

Aisea 33:22

Ni sa noda turaganilewa ka i liuliu o Jiova. Sa noda Tui o koya ka na vakabulai keda.

Aisea 33:5

Me laveti ga o Jiova! Io sa cecere na nona i tikotiko; Ena vakasinaiti Jerusalemi Ena lewa dodonu kei na yalodina.

Aisea 35:9

Ena sega e kea na laione, Ka na sega na manumanu daukata me lako kina. Sa i ira ga sa sereka o Jiova, Era na lesu ki na nodra vanua ena sala oqo.

Aisea 42:6

“Oi au o Jiova, ka'u sa kacivi iko ena dua na i naki vinaka. Au a taura na ligamu ka maroroi iko. Ena vukumu au na cakava kina e dua na veiyalayalati Vata kei ira na tamata kecega, Ka kauta mai na rarama ki na veimatanitu kecega.

Aisea 45:17

Ia sa vakabulai Isireli o Jiova Ena tawa mudu na nona qaqa, Ka ra na sega ni vakamaduataki na lewena.’ ”

Aisea 54:17

Ia ena sega ni dua na i yaragi e buli Me na vakamavoataki iko. O na sauma rawa na nodra vosa era sa beitaki iko. Au na taqomaki ira na noqu tamata Ka solia vei ira na qaqa.” Ni sai Jiova ga ka sa tukuna oqo.

Aisea 7:14

O Jiova ga vakai koya ena solia vei kemuni e dua na i vakatakilakila. Raica ena bukete e dua na gone yalewa ka na vakasucuma e dua na gone tagane ka na vakatoka me yacana o Imanueli.

Aisea 9:6

Sa sucu mai e dua na gone me noda! Sa soli mai vei keda e dua na gonetagane! O koya ena yaco me liutaki keda. Ena vakatokai na yacana o, “Na i Vakavuvuli Veivakurabuitaki,” Na “Kalou Kaukauwa,” na “Tama ni Gauna Tawamudu,” Na “Ravouvou ni Vakacegu kei na Sautu.”

Jeremaia 29:11

Sa i au taudua ga au sa kila na noqu i naki ena vukumuni, na noqu i naki mo ni tiko vinaka me vaka o ni sa nuitaka me na yaco mai muri.

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 31:23

A sa kaya na Turaga o Jiova ni lewevuqa, na nodra Kalou na Isireli, “Ena gauna au sa na vakalesui ira tale kina na tamata ki na nodra vanua, era na kaya tale ena vanua o Juta kei na kena veikoro. ‘Me vakalougatataka o Jiova Na ulunivanua tabu mai Jerusalemi, Na tikina tabu sa tiko kina.’

Jeremaia 32:37

Au na soqoni ira vata na tamata mai na veimatanitu kece sara au a vakasavi ira kina, ena noqu rarawa, na cudru, kei na yalo katakata, ka'u na kauti ira lesu mai ki na vanua oqo ka laiva me ra mai tiko ena galala.

Jeremaia 33:15

Ena veisiga kei na gauna o ya au na vakatubura tale kina e dua na kawa i Tevita, ena vakayacora na ka dina kei na ka dodonu ena loma ni vanua taucoko.

Jeremaia 33:16

Ni sa na yaco mai na gauna o ya, era na vakabulai na lewe i Jerusalemi. Ena vakatokai na nodra vanua kei na nodra koro me yacana ‘Sa vakabulai keda o Jiova.’

Isikeli 21:27

Au na vukica me rusa, me rusa, io me rusa; ena sega wale mada ga ni kune e dua na tikina, me yacova ni sa lako mai o koya sa dodonu me nona; ia ka'u na solia vua.

Isikeli 28:26

Ena tudei na nodra tiko kina, ka ra na tara na nodra veivale ka tea na nodra loganivaini. Ena tudei na nodra tiko kina, ena gauna ka'u sa na vakatauca kina na noqu lewa vei ira kecega na kai nodra: o ira ka ra i valavala beci vei ira. Era na qai kila ni sai au na Kalou o Jiova.

Isikeli 38:14

“O koya oqo, o iko na luve ni tamata, mo ia kina na parofisai, ka kaya vei Koki, ‘Sa kaya vakaoqo na Kalou o Jiova: Ena siga o ya ni ra sa tiko vinaka ka dei o ira na noqu tamata na Isireli,

Isikeli 48:35

Ia na kena balavu vakavolivolita na koro me sa na 9,000 na mita. Ia na yaca ni koro me vakatekivu mai na siga o ya, o Jiova sama.

Taniela 9:24

Sa loku e vitusagavulu na macawa, me baleti ira na kai nomu kei na koro tabu, me vakaoti kina na nomuni dau caka cala kei na nomuni i valavala ca tiko. Ni oti na gauna oqori, sa na bokoci na i valavala ca, ka sorovaki na caka cala me vakayacori na i valavala ka vakadeitaki na raivotu kei na vosa ni parofisai, ka na qai vakatabui na Tikina Tabu Sara.

Taniela 9:7

Oi kemuni na Turaga, o ni sa yalo dodonu, ia oi keimami ga keimami sa dau cakava na ka ni veivakamaduataki ka vaka talega kina o ira era tiko mai Juta kei Jerusalemi, kei ira kecega na Isireli o ni a vakasavi ira me ra talabusese ki na veivanua voleka kei na veivanua yawa ena vuku ni nodra gole tani mai vei kemuni.

Osea 1:11

Era na qai vakaduavatataki tale o ira na Juta kei ira na Isireli. Era na digitaka vakai ira e dua me liutaki ira; era na qai tubu cake ka tiko vinaka tale ena nodra vanua. Io, na siga i Jesireli ena dua dina na siga lagilagi!

Osea 1:7

Ia ka'u na lomana ga na mataqali i Juta. Au na vakabulai ira, oi au o Jiova, ia ka'u na sega ni vakabulai ira ena dakai, se na i selewau, se na i valu, se na ose, se na mataivalu vodo ose.”

Osea 2:18

Ia ena siga o ya, au na ia na veiyalayalati ena vukumu kei ira na manumanu kila, na manumanu vuka, kei na ka sa qasi voli ena dela ni qele. Au na kauta tani talega na veiyaragi kece ni valu mai na vanua, na i selewau kece kei na dakaititi, ka'u na laivi ira na noqu tamata me ra tiko vakacegu ka taqomaki.

Opetaia 1:17

“Ia eso ga ena Ulu i Saioni era na dro bula, Ka yaco me vanua tabu na ulunivanua o ya. Era na taukena na kawa i Jekope Na vanua e dodonu me nodra.

Opetaia 1:21

O ira sa vakabulai era na cabe cake Ki na Ulunivanua o Saioni Me ra valuti Itomi ka lewa. Ena qai Tui ga vakai koya o Jiova.”

Sefanaia 3:13

O ira na vo-ni-bula e Isireli era na sega sara ni caka ca vua e dua tale, se vosa lasu, se veivakacalai. Era na vutuniyau ka tiko dei, ka sega ni dua na tamata me ra rerevaka.”

Sakaraia 10:6

Au na vakaukauwataki ira na Juta; Ka'u na vueti ira cake na Isireli. Au na yalo loloma vei ira Ka kauti ira lesu kece tale mai ki na nodra vanua. Era na qai vaka ga ni'u a sega ni biuti ira laivi. Oi au o Jiova na nodra Kalou; Ka'u na sauma na nodra masu.

Sakaraia 3:10

Ena siga o ya, o ni na dui sureti ira na wekamuni ka mai wasea vata na bula vakacegu kei na tiko sautu, ka vakawavoliti mai na nomuni veiloganivaini kei na lolo.”

Roma 3:22

Io, sa vakadonui ira na tamata na Kalou ena vuku ni nodra vakabauti Jisu Karisito. Sa kitaka na ka oqo na Kalou vei ira kecega era sa vakabauti Jisu Karisito, ka ni da sa tautauvata kecega;

1 Korinica 1:30

Ia sai koya ga na Kalou sa vu ni nomuni veiwekani kei Karisito Jisu, ka sa vakayacori Karisito na Kalou me noda vu ni vuku, kei na vu ni veivakadonui, kei na vu ni veivakasavasavataki, kei na vu ni bula,

2 Korinica 5:21

Ena vukuda ga sa vakayacora kina na Kalou me valavala ca o koya sa sega na nona i valavala ca, me da yaco rawa kina oi keda me da nona tamata yalododonu na Kalou.

Filipai 3:9

ka me keirau sa veisemati dina sara. Sa sega kina ni tu vei au na veivakadonui ena vukuqu ga, ka sa rawati oqo mai na kena vakamuri na Lawa. Sa tu ga vei au oqo na veivakadonui sa soli ena vuku ni vakabauti Karisito, na veivakadonui sa taka mai vua na Kalou ka yavutaki ena vakabauta.