Jeremaia 23:3 - Vakavakadewa Vou kei na iVola tale eso

³ Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Ai Vola Tabu (Vakadewa Makawa Vakavoutaki 2021)

³ Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na vakaluveni ka tubu.

AI VOLA TABU

³ Ia koi au, kaʼu na vakasoqoni ira vata mai na kedra vo ni noqu sipi mai na veivanua kecega kaʼu sa dui vakasevi ira kina, ia kaʼu na kauti ira tale mai ki na nodra lomanibai; a ra na luvea ka tubu.

Vakavakadewa Makawa

³ Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu.

Ai Vola Tabu Ena Vakavakadewa Vou

³ Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Jeremaia 23:3 Iomraidhean Croise

NA SAME 106:47

Ni vakabulai keimami, i Jiova na neimami Kalou Ka kauti keimami lesu mai na veimatanitu, Me keimami mai vakacaucautaka kina na yacamuni tabu, Ka marau ni vakavinavinaka vei kemuni.

Jeremaia 16:15

Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Jeremaia 29:14

Au na laivi kemuni mo ni kunei au, sa kaya o Jiova, ka'u na qai vakalesuya vei kemuni na nomuni kalougata ka kumuni kemuni vata mai na veivanua ka'u a vakasavi kemuni kina. Ka'u na kauti kemuni lesu ki na veivanua au a kauti kemuni vakavesu mai kina.”

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 30:3

baleta ni na yaco mai na gauna au na kauti ira lesu tale kina na noqu tamata, na Isireli kei Juta. Au na kauti ira lesu tale mai ki na vanua au a solia vei ira na nodra qase me ra taukena tale.”

Jeremaia 31:7

A sa kaya o Jiova, “Ni sere ena marau ena vuku i Isireli, Ka vakatudomo vei ira na tui ni veimatanitu. Ni laveti koya, ka vunau, ka tukuna, “I Jiova, ni vakabulai ira na nomuni tamata, Na vo-ni-bula ni Isireli.”

Jeremaia 31:8

Au na kauti ira mai cake, Vaka ki na vualiku Ka soqoni ira vata Mai na i yalayala kei vuravura Era sa lako vata mai Kei ira na lokiloki, Na mataboko, na yalewa bukete Kei ira na sa voleka ni vakasucu; Era sa lesu tale mai Me dua na matanitu levu.

Jeremaia 32:37

Au na soqoni ira vata na tamata mai na veimatanitu kece sara au a vakasavi ira kina, ena noqu rarawa, na cudru, kei na yalo katakata, ka'u na kauti ira lesu mai ki na vanua oqo ka laiva me ra mai tiko ena galala.

Jeremaia 46:27

“Kemuni na kawa i Jekope na noqu tamata ni kakua ni rere. Kemuni na Isireli ni kakua ni taqaya. Au na vakabulai kemuni mai na vanua yawa oqori, Mai na vanua o ni bobula tu kina. O ni na lesu tale mai ka mai bula ena sautu, O ni na galala ka na sega e vakarerei kemuni.

Jeremaia 50:19

Au na vakasukai ira lesu na Isireli ki na nodra vanua. Era na kania na kakana era tubu ena ulunivanua o Kameli kei na yasayasa vaka-Pasani, ka ra na kania na ka kece era vinakata mai na veika era bula ena vanua o Ifereimi kei Kiliati.

Jeremaia 8:3

Sa dodonu me ra taleitaka cake vakalevu na mate mai na bula o ira kece sara na vo-ni-bula era lewe ni vuvale ca oqo ena veivanua kece ka'u a dui biuti ira kina,” a sa kaya o Jiova ni lewevuqa.

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Isikeli 36:11

ia ka'u na vakalewevuqataka vei kemuni na tamata kei na manumanu, ka ra na tubu ka luvea levu; ka'u na cakava mo ni vanua tawa tale me vaka na veigauna e liu, ka na qai levu sara na veika vinaka cake ka'u na cakava vei kemuni, mai na kena e liu. Ia o ni na kila kina ni sai au o Jiova.

Isikeli 36:24

Ni'u na kauti kemuni mai vei ira na veimatanitu tani, ka vakasoqoni kemuni mai na veivanua kecega, ka kauti kemuni ki na nomuni vanua.

Isikeli 36:37

Sa kaya vakaoqo na Kalou o Jiova: “Ia oqo talega au sa na vakalaiva kina vei ira na mataqali i Isireli me ra vakamasuti au me'u cakava vei ira na ka oqo: me'u vakalewevuqataki ira na nodra tamata me ra dua na i soqosoqo levu.

Vunau ni Soro 26:9

Au na vakalougatataki kemuni ka vakatubura na nomuni kawa; ka'u na maroroya na noqu veiyalayalati kei kemuni.

Maika 2:12

“Ia ka'u na vakasoqoni kemuni vata, oi kemuni kece sara na Isireli sa vo tiko. Au na kauti kemuni vata mai me vaka na sipi era sa lesu ki na kedra bai. Me vaka na i kanakana sa sinai ena sipi, ena qai yaco me sinai tale vakakina na nomudou vanua vei ira na lewenivanua.”

Maika 7:12

Era na qai lesulesu tale mai vei kemuni mai na veivanua kecega o ira na wekamuni — mai Asiria vaka ki na tokalau, mai Ijipita vaka ki na ceva, mai na veiwasawasa yawa kei na veiulunivanua yawa.