Jeremaia 23:2 - Vakavakadewa Vou kei na iVola tale eso

² Oqo na ka a kaya o Jiova na nodra Kalou na Isireli me baleti ira na i liuliu ka nanumi me ra qarauni ira na nodra tamata. “O ni sa vuna na nodra veiseyaki na noqu tamata ka vakasavi ira tani; o ni sa sega ni qarauni ira. Ia oqo au sa na vakaitotogitaki kemuni ena vuku ni ka ca o ni cakava.

Ai Vola Tabu (Vakadewa Makawa Vakavoutaki 2021)

² O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi: “Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira. Raica, au na cudruvi kemudou e na vuku ni ca ni nomudou i valavala, sa kaya ko Jiova.

AI VOLA TABU

² O koya o qo sa vosa vakaoqo kina ko Jiova na Kalou nei Isireli vei ira nai vakatawa era sa vakani ira na noqu sipi; Oi kemudou, dou sa vakatolosevi ira na noqu sipi, ka vakasavi ira tani, ka sega ni laʼki raici ira: raica, au na cudruvi kemudou e na vuku ni ca ni nomudoui valavala, sa kaya ko Jiova.

Vakavakadewa Makawa

² O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Ai Vola Tabu Ena Vakavakadewa Vou

² Oqo na ka a kaya ko Jiova na nodra Kalou na Isireli me baleti ira na i liuliu ka nanumi me ra qarauni ira na nodra tamata. “O ni sa vuna na nodra veiseyaki na noqu tamata ka vakasavi ira tani; o ni sa sega ni qarauni ira. Ia oqo au sa na vakaitotogitaki kemuni ena vuku ni ka ca o ni cakava.

Jeremaia 23:2 Iomraidhean Croise

Lako Yani 32:34

Ia oqo, mo lako ka liutaki ira na tamata ki na vanua ka'u a kaya vei iko; raica na noqu agilosi ena liutaki iko, ia ena yaco ga mai na siga ka'u na totogitaki ira kina na tamata oqo ena vuku ni nodra i valavala ca.

Jeremaia 10:21

Era sa lialia Na nodra i liuliu na tamata, Era sa sega ni taroga Na i vakasala ni Turaga. O ya na vuna era sa sega kina ni toro cake; Ka ra sa veiseyaki kina na tamata.

Jeremaia 11:22

O koya oqo a qai kaya kina o Jiova me baleti ira, “Au na totogitaki ira! Era na mate na nodra cauravou ena i valu; ka ra na mate na luvedra ena viakana.

Jeremaia 13:17

Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Jeremaia 13:20

Ni raica na lewe i Jerusalemi! Era sa lako sobu mai na kemuni meca mai cake, vaka ki na vualiku. Sa e vei o ira na tamata era soli ki na ligamu? O ira na nomu tamata era vaka e dua na qele ni sipi totoka.

Jeremaia 13:21

A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Jeremaia 17:10

Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Jeremaia 21:12

Raica me caka na lewa dodonu ena veisiga. Taqomaka na tamata sa vakaisini mai vei koya sa veivakaisini, kevaka o na cakava, na noqu cudru ena waqa me vaka na buka ena sega ni boko rawa.

Jeremaia 23:34

Ni kevaka sa vakayagataka na vosa oqo, ‘na i colacola i Jiova’ e dua vei ira na noqu tamata se parofita, au na totogitaki ira kei na nodra dui vuvale.

Jeremaia 44:22

Ena siga sara ga edaidai sa rusa tu ga na nomuni vanua ka lala tu. Sa yaco me ka e veivakidacalataki ka ra vakayagataka na tamata na yacana me ka ni veivakamaduataki baleta ni sa sega ni vosota rawa o Jiova na nomuni tovo ca ka vakasisila.

Jeremaia 5:29

A sa kaya o Jiova, “Me'u na sega li ni lewai ira ena vuku ni veika oqo. Me'u na sega li ni ia na veivakadodonutaki ena matanitu sa vaka tu oqo?

Jeremaia 5:9

Me'u kakua li ni totogitaki ira Ena ka oqo? Me'u kakua li ni sauma ki na dua na vanua Na ka oqo?

Jeremaia 8:12

Kemuni na noqu tamata, o ni a sega ni o ni a vakayacora na i valavala vakasisila? Sega, o ni a sega sara ni bau madua vakalailai, o ni sega ni bau vakarisevacu, O koya oqo o ni na bale vata kina kei ira era sa bale; ena gauna au na totogitaki kemuni kina, o ni sa na qeavu vakadua,” sa kaya o Jiova na Turaga.

Isikeli 34:5

Era a dui veiseyaki na sipi ena vuku ni a sega na kedrai vakatawa; ka ra kani ira kecega na manumanu ni vanua.

Osea 2:13

Au na cudruvi koya talega baleta ni sa guilecavi au ena veigauna ni nona solevu vei Peali, ni sa ia kina o koya na vakamai ni ka boi vinaka, sa ukutaki koya ena mama kei na i ukuuku talei ka sa daumuri ira ga na nona veidomoni eso. Sa kaya vakaoqo o Jiova.

Maika 7:4

O ira sara mada ga na nodra tamata nuitaki ka dina era vaka ga na kau vakavotona. Ia sa yaco mai na siga me na totogitaki ira kina na tamata na Kalou, me vaka sa veivakasalataki oti kina ena gusudra na i vakatawa, o ira na parofita. Era sa qai veilecayaki tu ena gauna oqo.

Sakaraia 10:3

Sa kaya o Jiova, “Sa waqa na noqu cudru vei ira na kai tani era lewai ira tiko na noqu tamata, ka'u na totogitaki ira. Era sa noqu tamata o ira na Juta, ka'u na maroroi ira oi au, o Jiova ni lewevuqa. Era na noqu ose kaukauwa ni vala.

Sakaraia 11:16

Au sa lesia e dua na i vakatawanisipi me qaravi ira na noqu qele ni sipi, ia sa sega ga ni bau vukei ira sa voleka tu ni yacovi ira na rusa, se vakasaqarai ira sa yali, se qaravi ira era mavoa, se vakani ira na kena vo. Na ka ga e vakayacora voli sai koya me dau kania tiko na sipi urouro duadua ka basuraka laivi na nodra i taukuku.

Maciu 25:36

au a luvawale, o ni a vakasulumi au; au a tauvimate, o ni a qaravi au; au a tiko e valeniveivesu, o ni a sikovi au.’

Maciu 25:43

au a vulagi voli, ia o ni a sega ni kauti au ki vale; luvawale, ia o ni a sega ni vakasulumi au; tauvimate, ka tiko ena valeniveivesu, ia o ni a sega ni mai sikovi au.’

Jemesa 1:27

Ia oqo na veika sa raica na Kalou o Tamada ni dusia na lotu dina ka savasava: me ra kauwaitaki ka qaravi o ira na luveniyali kei ira na yada ena nodra rarawa, ka me qarauni vinaka na bula yadua me kakua ni vakadukadukalitaki ena veika vakavuravura.