Jeremaia 22:8 - Vakavakadewa Vou kei na iVola tale eso

⁸ E muri, era na lakova na vanua oqo na tamata mai na veivanua tani, ka ra na qai dui taroga o ira na nodra dui i tokani se na cava sa cakava kina na ka levu oqo o Jiova ki na koro.

Ai Vola Tabu (Vakadewa Makawa Vakavoutaki 2021)

⁸ “ ‘A ra na lako sivita na koro oqo ko ira na lewe ni veivanua e vuqa, ka ra na dui veikayaka ki na kai nona, “E na vuku ni cava sa cakacaka kina vakaoqo ko Jiova ki na koro levu oqo?”

AI VOLA TABU

⁸ A ra na lako voli mai na lewe ni veivanua e vuqa ki na koro o qo, a ra na dui kaya yadua ki na kai nona, E na vuku ni cava sa caka vakaoqo kina ko Jiova ki na koro levu o qo?

Vakavakadewa Makawa

⁸ A ra na lako sivita na koro oqo ko ira na lewe ni veivanua e vuqa, ka ra na dui veikayaka ki na kai nona, E na vuku ni cava sa cakacaka kina vakaoqo ko Jiova ki na koro levu oqo?

Ai Vola Tabu Ena Vakavakadewa Vou

⁸ E muri, era na lakova na vanua oqo na tamata mai na veivanua tani, ka ra na qai dui taroga o ira na nodra dui i tokani se na cava sa cakava kina na ka levu oqo ko Jiova ki na koro.

Jeremaia 22:8 Iomraidhean Croise

Jeremaia 16:10

‘Ena gauna o sa tukuna kina na veika oqo vei ira, era na qai taroga vei iko se na cava na vuna au sa nakita kina me'u vakaitotogitaki ira ena ka ca rerevaki oqo. Era na taroga se na ka cava era sa cala kina se i valavala ca cava era sa vakayacora e matana o Jiova na nodra Kalou.

Jeremaia 40:2

A kauti Jeremaia vakatikitiki na turaganivalu liu ka kaya vua, “Sa tukuna o Jiova na nomuni Kalou me yaco mai na veivakarusai ena vanua oqo,

Jeremaia 40:3

ia oqo sa vakayacora na ka e tukuna me na cakava. Sa yaco na veika kece oqo baleta ni o ni sai valavala ca vei Jiova ka sega ni talairawarawa vua.

Lele i Jeremaia 4:12

Era sega ni vakabauta na tui kei vuravura, Sa sega talega ni dua na kai vuravura, Me na rawa ni curu mai na meca Ki na matamata ni koro o Jerusalemi.

Isikeli 12:16

Ia ka'u na vakalaiva me ra dro bula eso vei ira mai na i seleiwau, mai na dausiga kei na mate dauveitauvi, ka me rawa ni ra tusanaka kina na nodra veika vakasisila kece ki na veimatanitu era dui yaco kina, ka ra na kila ni sai au o Jiova.”

Isikeli 14:23

Era na vakacegui kemuni, ni o ni sa raica na nodra i tovo kei na i valavala; o ni na qai kila kina ni'u sa sega ni cakava wale na ka kece ka'u sa vakayacora kina,” sa kaya na Kalou o Jiova.

Isikeli 39:23

Era na kila na veimatanitu tani ni ra sa vakabobulataki na mataqali i Isireli ena vuku ni nodra caka cala: ni ra sa veretaki au vakaidina, ka'u na tabonaka kina na mataqu vei ira, ka soli ira yani ki na liga ni kedra meca, ka ra sa bale kece ena i seleiwau.

Isikeli 5:15

“Ia o na yaco mo vakalialiai ka vosa vakacacataki, me ra vunauci ka domobula, talega kina na veimatanitu ka ra tu voliti iko, ena gauna ka'u na vakataulewa kina vei iko ena cudru katakata ni veivakanakuitataki — oi au, o Jiova, ka'u sa kaya vakaoqo.

Taniela 9:7

Oi kemuni na Turaga, o ni sa yalo dodonu, ia oi keimami ga keimami sa dau cakava na ka ni veivakamaduataki ka vaka talega kina o ira era tiko mai Juta kei Jerusalemi, kei ira kecega na Isireli o ni a vakasavi ira me ra talabusese ki na veivanua voleka kei na veivanua yawa ena vuku ni nodra gole tani mai vei kemuni.