Jeremaia 22:5 - Vakavakadewa Vou kei na iVola tale eso

⁵ Ia kevaka o ni sega ni muria na veivosa oqo au sa yalataka vakataki au vei kemuni ni na rusa na i tikotiko vakatui oqo. Oi au, o Jiova, sa vosa vakaoqo.

Ai Vola Tabu (Vakadewa Makawa Vakavoutaki 2021)

⁵ Ia kevaka dou na sega ni rogoca na vosa oqo, ka'u sa cavuti au ni'u sa bubului, sa kaya ko Jiova, ni na rusa ga na vale oqo.

AI VOLA TABU

⁵ Ia kevaka dou na tawa rogoca na vosa o qo, kaʼu sa cavuti au niʼu sa vosavavakini, sa kaya ko Jiova, ni na rusa ga na vale o qo.

Vakavakadewa Makawa

⁵ Ia kevaka dou na sega ni rogoca na vosa oqo, ka'u sa cavuti au ni'u sa bubului, sa kaya ko Jiova, ni na rusa ga na vale oqo.

Ai Vola Tabu Ena Vakavakadewa Vou

⁵ Ia kevaka o ni sega ni muria na veivosa oqo au sa yalataka vakataki au vei kemuni ni na rusa na i tikotiko vakatui oqo. Oi au, ko Jiova, sa vosa vakaoqo.

Jeremaia 22:5 Iomraidhean Croise

Vakatekivu 22:16

“Au sa bubului ki na yacaqu ni'u na vakalougatataki iko vakalevu sara ena nomu vakayacora na ka oqo, ka sa sega ni o bureitaka vei au na luvemu e duabau ga;

2 Veigauna 7:19

Ia kevaka o ni vuki tani, ka biuta na noqu i lesilesi, kei na noqu vunau ka'u sa tauca e matamuni, ka lako ka la'ki qarava na kalou tani, ka soro vei ira;

2 Veigauna 7:21

Ia na vale cecere ka dokai oqo, era na kurabui ka kaya kecega na lako voleka kina, A cava li na vuna ka a kitaka kina vaka oqo o Jiova ki na vanua, kei na vale oqo?

2 Veigauna 7:22

Era na qai kaya, Ni ra a biuti Jiova na nodra Kalou na nodra qase, o koya ka a kauti ira tani mai na vanua o Ijipita, ka ra la'ki taura na kalou tani eso, me ra soro kina, ka qarava. Ena vuku ni ka oqo, a vakayacora kina vei ira o koya na veika ca kecega.

NA SAME 95:11

Au a qai cudru ka yalataka vei ira vakaoqo: O ni na sega ni yaco ki na vanua me'u na solia kina vei kemuni na vakacegu.”

Aisea 1:20

Ia kevaka o ni bese ka talaidredre, O ni na mate ena i seleiwau. Oi au, o Jiova, sa kaya oqo.

Jeremaia 12:7

Sa kaya o Jiova, “Au na vakanadakui ira na noqu tamata, Au na biuta laivi na noqu matanitu digitaki. Ka'u na soli ira na tamata au sa lomani ira Ki na ligadra na kedra meca.

Jeremaia 17:27

Ia kevaka o ni sega ni talairawarawa vei au, mo ni maroroya na Siga ni Vakacecegu, ka sega ni colata e dua na ka ena veimatamata kei Jerusalemi ena siga o ya; au na vakama na veimatamata ni koro kei Jerusalemi. Ena kama na veitikotiko vakaturaga mai Jerusalemi ka na sega ni dua me na bokoca rawa.”

Jeremaia 26:4

A sa kaya o Jiova vei Jeremaia, “Tukuna vei ira ni a tukuna o Jiova kevaka o ni na sega ni talairawarawa vei au ena nomuni muria na veivakavuvuli au a solia vei kemuni,

Jeremaia 39:8

Era a qai vakama na kai Papiloni na valenitui, na nodra veivale na tamata ka ra basuraka sobu na bai ni koro kei Jerusalemi.

Jeremaia 44:26

Ia ni rogoca mada na vosa ni Turaga na lewe i Juta kece o ni tiko e Ijipita. “Raica au sa bubului ena yacaqu levu ni na sega tale ni dua na lewe i Juta e tiko e Ijipita me na bubului ki na yacaqu ka kaya, ‘Me vaka sa bula o Jiova na Kalou.

Emosi 6:8

A sa vosa vakaoqo na Turaga, o Jiova ni lewe vuqa: “Au sa besetaka na nodra viavialevu na Isireli; au sa cata na nodra veitikotiko ni valu kaukauwa. Io au na solia ki na ligadra na meca na nodra koro turaga kei na ka kecega sa sinai kina.”

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.

Maciu 23:38

Ena ka oqo sa biu wale tu ga kina ka laladidi na nomu Valenisoro.

Iperiu 3:18

Se kivei cei li sa bubului kina na Kalou ni ra na sega ni curu ki na nona vakacegu? E sega li ni vakayacori oqo vei ira ga era sa talaidredre?

Iperiu 6:13

Ena gauna sa vosa yalayala kina na Kalou vei Epara-ama, sa bubuluitaka ni na vakayacora na ka sa yalataka. Ia me vaka ni sega ni tiko e dua e cecere cake vua, sa vakayagataka ga na yacana vakai koya me bubului kina.

Iperiu 6:17

O koya oqo ni gadreva na Kalou me vakatakila vakavinaka sara vei ira era na taukena na ka e yalataki na kena sega ni rawa ni veivukiyaki na nona i naki, a mani vakadeitaka kina na nona yalayala ena bubului.