Jeremaia 22:3 - Vakavakadewa Vou kei na iVola tale eso

³ Sa kaya o Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Ai Vola Tabu (Vakadewa Makawa Vakavoutaki 2021)

³ Sa kaya vakaoqo ko Jiova: Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana. Ia dou kakua ni vakararawataki ira na vulagi, kei na luveniyali, kei na yada, ka kakua ni dou vakadavea e na yasana oqo na dra sa sega ni cala.

AI VOLA TABU

³ Sa vosa vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia na vulagi, kei na luveniyali, kei na alewa dawai, dou kakua ni vakararawataki iratou, kei na dra tawa cala kakua ni dou vakadavea e na yasana o qo.

Vakavakadewa Makawa

³ Sa kaya vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia dou kakua ni vakararawataki ira na vulagi, kei na luveniyali; kei na yada, ka kakua ni dou vakadavea e na yasana oqo na dra sa sega ni cala.

Ai Vola Tabu Ena Vakavakadewa Vou

³ Sa kaya ko Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Jeremaia 22:3 Iomraidhean Croise

2 Samuela 23:3

Sa vosa na nodra Kalou na Isireli; sa kaya vei au na nodra Kaukauwa na Isireli; Ni sa dua na dauvakataulewa dodonu vei ira na tamata, ka lewa tiko ena nona rerevaka na Kalou.

2 Tui 24:4

ka vakabibi na nona vakamatei ira na tamata e sega ni dua na nodra cala. A sa sega ni rawa ni vosoti Manasa o Jiova ena vuku ni veika oqo.

Jope 22:9

E sega wale ga ni o besetaka na vukei ira na yada, O butakoci ira talega ka vakatotogani ira na luveniyali.

Jope 24:9

O ira na tamata ca era sa vakabobulataki ira na gone luveniyali, Ka tauri ira na luve ni dravudravua me ra i vakadei ni kena saumi lesu na dinau.

NA SAME 68:5

Na Kalou, o koya ka sa tiko ena nona vale tabu, Sa tamadra na luveniyali ka taqomaki ira na yada.

NA SAME 82:4

Ni sereki ira na dravudravua kei na vakaloloma, Ka vakabulai ira mai na nodra kaukauwa na tamata.

NA SAME 94:21

Era sa bukiveretaki ira na tamata vinaka, Ka vakatauca na i totogi mate vei ira na tamata dodonu.

NA SAME 94:6

Era sa vakamatei ira na yada kei na luveniyali, Ka labati ira na vulagi era tiko ena neimami vanua.

Lako Yani 22:21

“Mo kakua ni vakasosataka se vakasaurarataka e dua na vulagi, ni o a tiko vulagi talega ena dua na gauna mai na vanua o Ijipita.

Lako Yani 22:22

Ni kakua ni vakasosataka e dua na yada se dua na gone luveniyali.

Vosavakaibalebale 23:10

Kakua sara ni tosoya e dua na i yalayala ni vanua makawa se taura na vanua era sa taukena na luveniyali.

Vosavakaibalebale 6:17

na rai vakaviavialevu, na yame lasulasu, na liga sa vakamatea na tamata sa sega ni cala,

Aisea 1:23

O ira na nomuni turaga era sa dau talaidredre, Ka ra nodra i tokani na daubutako. Era sa dau taleitaka me soli vei ira na i loloma, Ka taura na ka era saumi kina me ra cakava na ka ca. Era sa sega ni taqomaki ira na luve ni yali, Ka sega ni via rogoca na ka e baleti ira na yada.

Aisea 58:6

Na mataqali lolo au vinakata e vaka oqo: E luvata tani na i vesu ni veitabaki sobu Kei na i colacola tawa dodonu, Ka laivi ira era vakararawataki me ra sereki.

Aisea 58:7

E vota na kena vei ira era viakana, Ka dolava na nona vale vei ira na dravudravua e sega na nodra vale. Ena solia na i sulu vei ira e sega na ka era daramaka, Ka via vukei ira na wekadra.

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 21:12

Raica me caka na lewa dodonu ena veisiga. Taqomaka na tamata sa vakaisini mai vei koya sa veivakaisini, kevaka o na cakava, na noqu cudru ena waqa me vaka na buka ena sega ni boko rawa.

Jeremaia 22:17

Ia o iko O sa raica ga na ka o gadreva vakataki iko; O sa vakamatei ira na tamata yalododonu, Ka tabaki ira sobu vakaukauwa na nona tamata. Sa vosa ga vakaoqo o Jiova.

Jeremaia 26:16

Era a qai kaya na nodra i liuliu kei ira kece na tamata vei ira na bete kei na parofita, “Sa sega ni dodonu me tau vua na tamata oqo na i totogi mate, baleta ni sa vosa vei keda ena yaca ni Turaga na noda Kalou.”

Jeremaia 5:28

Era sa levulevu ka lumilumisa. Sa sega ni vakaiyalayala na nodra caka ca ka ra sa sega ni vakatulewa ena lewa dodonu, ena vu ni leqa ni luveniyali me tuberi ira cake, era sega talega ni taqomaka na nodra dodonu na dravudravua.

Jeremaia 7:23

Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Jeremaia 9:24

Ia kevaka e dua e via boletaka e dua na ka, Me boletaka ga na nona yalomatua ni sa kilai au. Ni sai au o Jiova, Ka'u sa vakaraitaka na noqu yalo loloma. Au sa vakayacora na ka dodonu Kei na ka dina e vuravura. Sa i koya oqo na veika au sa vinakata.”

Lele i Jeremaia 3:36

Ena gauna sa cala kina na mataveilewai — E sega li ni raica tu na veika oqo o Jiova?

Isikeli 18:12

ka vakasaurarataka na dravudravua kei na luveniyali, ka na butako; ka sega ni vakasuka na i vakadei ni yalayala, tacake na matana ki na veimatakau, cakava na ka vakasisila, ka solia na dinau ka vakatubu vakailavo,

Isikeli 18:7

ka sega ni vakasaurarataka e dua, ka vakauta tale na kena i vakadinadina vua a kerea e dua na ka me i vakadei, ka sega ni butako, soli kakana vua sa viakana, ka vakaisulutaki koya ena i sulu e dua sa luvawale,

Isikeli 22:7

Era sa beci na tama kei na tina ka ra tiko vei iko; ka ra sa vakasaurarataki ira na nomu vulagi; ka ra sa vakacalai na yada kei ira na luveniyali, era sa tiko kei iko.

Isikeli 45:9

Sa kaya vakaoqo na Kalou o Jiova: Oi kemuni na dauveiliutaki e Isireli, sa rauta mada! Ni muduka na nomuni i valavala kaukauwa kei na veivakacacani. Ni vakayacora mada na caka dodonu kei na lewa dodonu. Ni tarova na nomuni dau vakatalai ira tani na noqu tamata. Ni sai au ga o Jiova ka'u sa kaya oqo.

Joeli 3:19

Ena vaka na vanua dravuisiga o Ijipita Ka yaco o Itomo me vanua lala, Baleta ni ra a valuta na vanua o Juta, Ka vakamatei ira sa sega nodra cala.

Vunau ni Soro 19:15

“Mo kakua ni vakatanitaka na lewa dodonu; mo kakua ni vakaduiduitaki ira na dravudravua mai vei ira na vakaitutu lelevu, ia mo tauca ga na lewa dodonu vua na kai nomu.

Emosi 5:15

ni cata na ka ca, ka vinakata na ka vinaka, ka vakadeitaka na lewa dodonu ena matamata ni koro; de na rawa ni yalololoma kina na Turaga o Jiova ni lewe vuqa, vei ira na vo-ni-bula ena kawa i Iosefo.

Emosi 5:24

Ia, ni laiva ga na lewa dodonu me drodro yani me vaka e dua na uciwai lailai, kei na i valavala dodonu me vaka na uciwai sa sega ni mamaca rawa.

Maika 3:11

O ira na dauveiliutaki era sa veiliutaki ga ena vuku ni i lavo ni veitemaki se veivaqumi era sa saumi kina, o ira na bete era sa vakamacalataka ga na i balebale ni lawa ena vuku ni kedra i sau, o ira na parofita era sa dauvakatakila ga na ka ena vuku ni i lavo — ka ra sa kaya kecega ni sa tiko vata kei ira o Jiova. Era sa kaya ga vakaoqo, “Ena sega sara ni yacovi keda e dua na leqa. Sa tiko vata ga kei keda o Jiova.”

Maika 6:8

E sega, sa tukuna oti ga vei keda o Jiova na ka e vinaka. Na ka e vinakata o koya vei keda sai koya oqo: me vakayacori ga na ka dodonu, me vakatakilai ga na yalololoma sa sega ni yalani, ka me ia ga na talairawarawa kei na veitokani veivolekati kei na noda Kalou ena yalomalumalumu.

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Maciu 23:23

“Dou na kalouca dina na daunilawa kei na Farisi! Dou tamata dauveivakaisini! Ni dou sa dau solia ga na i katini ni veimataqali co kei na kau eso, ia dou sa vakawaletaka na vakatavulici ni veika bibi ni Lawa me vaka na lewa dodonu, kei na yaloveivosoti, kei na dina. Na veika oqo e dodonu mo dou vakayacora, ka me kakua talega ni vakaweleweletaki na kena vo.

Vakarua 10:18

Sa ia na lewa dodonu ena vukudra na luveniyali kei na yada. Sa lomani ira na vulagi ka solia na kedra kei na nodra i sulu.

Vakarua 24:17

Mo ni kakua ni kauta tani na nodra dodonu na kai matanitu tani kei ira talega na luveniyali. Kua sara ni kauta na nona i sulu e dua na yada me i vakadei ni ka sa kerea.

Vakarua 24:7

O koya vei kemuni e vesuka e dua tale na luve i Isireli, ka vakabobulataki koya, se volitaki koya yani ena makete ni bobula, me vakamatei na tamata o ya. Ena sala o ni na vakawabokotaka kina na i tovo ca oqo.

Vakarua 25:1

Kevaka e rua na tamata e rau veileti ka kauta sara ki na mataveilewai me vakatulewa na turaganilewa ena vukudrau, ia sa qai kune ni dua vei rau e dodonu, ka dua e cala.

Vakarua 27:19

“ ‘Ena yaco na cudru ni Kalou vei koya sa tabaka sobu na nodra dodonu na vulagi, na luveniyali kei na yada.’ “Me ra na qai sauma kece na tamata, ka kaya, ‘Emeni!’

Jemesa 1:27

Ia oqo na veika sa raica na Kalou o Tamada ni dusia na lotu dina ka savasava: me ra kauwaitaki ka qaravi o ira na luveniyali kei ira na yada ena nodra rarawa, ka me qarauni vinaka na bula yadua me kakua ni vakadukadukalitaki ena veika vakavuravura.