Jeremaia 21:9 - Vakavakadewa Vou kei na iVola tale eso

⁹ O ira era na tiko ena loma ni koro era na mate ena i valu, se ena viakana se ena mate ca. Ia o koya ena curu yani ki tuba ka soro vei ira na kai Papiloni era sa samuta tiko oqo na nodra koro era na sega ni vakamatei ka ra na vakabulai me i toki ni valu.

Ai Vola Tabu (Vakadewa Makawa Vakavoutaki 2021)

⁹ Ko koya sa tiko ga e na koro oqo ena mate e nai seleiwau, kei na mate dauveiveitauvi; ia ko koya sa curu ki tautuba, ka dro vei ira na kai Kalitia era mai kabai kemudou, ena bula, ena soli vua na nona bula me nona i toki-ni-valu.

AI VOLA TABU

⁹ o koya sa tiko e na koro o qo ena mate e nai seleiwau, kei na mate dauveitauvi: ia ko koya sa curu kitautuba, ka dro vei ira na kai Kalitea era mai kabai kemudou, ena bula, ena soli vua na nona bula me nonai toki ni valu:

Vakavakadewa Makawa

⁹ ko koya sa tiko ga e na koro oqo ena mate e nai seleiwau, kei na mate dauveiveitauvi: ia ko koya sa curu ki tautuba, ka dro vei ira na kai Kalitia era mai kabai kemudou, ena bula, ena soli vua na nona bula me nonai toki ni valu:

Ai Vola Tabu Ena Vakavakadewa Vou

⁹ O ira era na tiko ena loma ni koro era na mate ena i valu, se ena viakana, se ena mate ca. Ia o ira era curu yani ki tuba ka soro vei ira na kai Papiloni, o ira ka sa valuta tiko oqo na koro levu, era na sega ni vakamatei; era na vakabulai me i tokinivalu.

Jeremaia 21:9 Iomraidhean Croise

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 21:7

A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Jeremaia 24:10

Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Jeremaia 27:11

Ia kevaka e dua na matanitu ena vakarorogo ki na lewa ni tui Papiloni ka qaravi koya, au na laiva me na tiko ga ena nona vanua me teivaka, ka tiko ga kina,” a kaya o Jiova.

Jeremaia 27:12

A tukuna talega na ka o ya o Jeremaia vei Setekaia na tui Juta, “Soli iko mo vakarorogo vua na tui Papiloni. Mo qaravi koya kei ira na nona tamata, o na qai bula kina.

Jeremaia 27:13

A cava na ka mo mate kina kei ira na nomu tamata ena i valu, na viakana kei na mate ca? Oqo na ka sa kaya o Jiova ni na yaco ki na dua ga na matanitu e sega ni qarava na tui Papiloni.

Jeremaia 38:2

E a tukuna vei ira ni a kaya na Turaga o Jiova. Na tamata yadua ena tiko ga ena koro oqo ena mate ena i valu, viakana, se ena mate ca. Ia, o koya ena lako yani ka soli koya vei ira na kai Papiloni ena sega ni vakamatei, ena drotaka wale ga na nona bula ka na vakabulai.”

Jeremaia 38:3

E a tukuna talega vei ira o Jeremaia ni a kaya o Jiova, “Au na solia na koro oqo ki na mataivalu i tui Papiloni me na vakadruka.

Jeremaia 39:18

Au na taqomaki iko mo bula ka o na sega ni vakamatei. O na drotaka rawa na nomu bula baleta ni o sa vakadinati au. Sa i Jiova ga sa kaya vakaoqo.

Jeremaia 45:5

Kevaka o na vakasaqara na veika lelevu mo rogo kina? O na mate wale. Baleta ni'u na vakarusa na tamata kecega,’ sa kaya o Jiova, ‘Ia, au na taqomaka na nomu bula mo drotaka rawa kina na veivakarusai, ena vanua kece o lako kina.’ ”

Isikeli 5:12

E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.