Jeremaia 21:7 - Vakavakadewa Vou kei na iVola tale eso

⁷ A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Ai Vola Tabu (Vakadewa Makawa Vakavoutaki 2021)

⁷ Ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe-ni-vanua—ko ira sa vo e na koro oqo ka bula mai na mate dauveiveitauvi, kei nai seleiwau, kei na viakana—ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea. Ia ena yaviti ira ko koya e nai seleiwau; ena sega ni vosoti ira, ka na sega talega ni vakabula e dua, se me yalololoma.’

AI VOLA TABU

⁷ ni sa oti o qori, sa kaya ko Jiova, kaʼu na soli Sitikiya na tui Juta, kei ira na nonai talatala, kei ira na tamata, kei ira sa vo e na koro o qo mai na mate dauveitauvi, kei nai seleiwau, kei na viakana, ki na liga i Nipukatiresari na tui Papiloni, kei na ligadra na nodra meca, kei na ligadra era qarai ira me ra vakamatea: ia ena yaviti ira ko koya e na bati ni seleiwau; ena sega ni vosoti ira, ena sega talega ni yalovinaka, se yalololoma.

Vakavakadewa Makawa

⁷ ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Ai Vola Tabu Ena Vakavakadewa Vou

⁷ Ia me baleti iko, o ira na nomu vakailesilesi, kei na tamata kece ena koro oqo era bula mai na i valu, kei na mate ca, kei na dausiga — au na soli kemuni ki na liga i Nepukanesa na tui Papiloni kei na ligadra na kemuni meca, o ira era via vakamatei kemuni. Ena vakamatei kemuni o Nepukanesa. Ena sega ni vakabula e dua vei kemuni, se yalololoma, se me yaloveivosoti vei kemuni.”

Jeremaia 21:7 Iomraidhean Croise

Aisea 27:11

Sa madu na kena veitaba ni kau ka ramusu, Ka ra sa mai tomika na marama me buka. Ni sai ira oqo na tamata era sa sega ni yalomatua, Ka sa sega ni lomani ira kina, Se vinakati ira o koya sa buli ira.

Aisea 47:6

Au a cudruvi ira na noqu tamata. Ka'u a cakava vei ira na i vakarau me vaka era sa sega ni noqu tamata: Au a soli ira yani ki na ligamu, Ia o sa sega ni lomani ira; Ka vakacakacakataki ira vakaukauwa na qase.

Jeremaia 13:14

Au na qai botobotolaki ira vata me vaka na saqa, o ira na qase kei ira na luvedra. Sa na sega tale na loloma, se na yalo veivosoti se yalo loloma me na tarova na noqu vakamatei ira.”

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 15:5

A sa kaya o Jiova, “O cei me na lomani kemuni na kai Jerusalemi, Se o cei me na tagicaki kemuni? O cei me na bau tu vakadua me taroga Se sa vakacava tiko na nomuni i lakolako?

Jeremaia 15:9

Sa sega ni vakilai koya Na yalewa sa vakasucuma e vitu na luvena, Ka sa vuki na nona rarama me butobuto; Sa vakamaduataki na tauvi mate ni yalona. Ka'u sa laivi ira na kemuni meca Me ra vakamatei ira era sa bula tiko.” A sa kaya vakaoqo o Jiova.

Jeremaia 19:7

Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Jeremaia 20:4

A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 22:25

Ka soli iko vei ira era via vakamatei iko, o ira o sa rerevaki ira. Au na soli iko vei tui Nepukanesa mai Papiloni kei ira na nona sotia.

Jeremaia 27:6

Oi au ga au a soli ira na veimatanitu kece oqo ki na liga ni noqu dauveiqaravi o Nepukanesa na tui Papiloni; ka'u bau soli ira talega na manumanu kila me ra qaravi koya.

Jeremaia 32:4

Ena sega sara ni dro rawa o Setekaia mai na ligadra na kai Papiloni. Ena soli yani o koya vua na tui Papiloni; e rau na veivosaki sara ka raici koya ena matana dina.

Jeremaia 34:3

O na sega ni dro tani rawa mai vua. O na vesu ka soli ki na ligana. O na raica sara na matana o na veivosaki kaya; ia o na qai kau ki Papiloni.

Jeremaia 36:29

A tukuna vua o Jiova me tukuna vei Jo-akimi na tui, “O sa vakama na i vola vivigi, baleta ni sa volai kina ni na lako mai na tui Papiloni ka vakarusa na vanua oqo, ka vakamatei ira na kena i taukei kei na kena manumanu.

Jeremaia 37:17

A lewa o Setekaia na tui me kau mai vua o Jeremaia, ka mai vakatarogi koya vuni ena valenitui, “E bau dua li na i tukutuku mai vei Jiova?” A qai kaya o Jeremaia, “Sa tiko oqo,” a vakuria tale, “O na soli yani ki na ligana na tui Papiloni.”

Jeremaia 50:17

O ira na Isireli era sa vaka na sipi era sa cemuri vei ira na laione ka ra veiseyaki. E a valuti ira e liu na tui Asiria, ia e muri a qai musulaka na suidra o Nepukanesa na tui Papiloni.”

Lele i Jeremaia 2:20

Mo ni raica mada oqo, i Jiova! A cava o ni sa totogitaki keimami kina vakaoqo? Me ra kania li na yalewa na vua ni ketedra, Na gone era sa vakasucuma? O ira na bete kei na parofita Era sa vakamatei ena loma ni Valenisoro!

Lele i Jeremaia 2:22

O ni sa sureti ira na kequ meca mai na veivanua Me vaka ga ni sa dua na siga ni solevu. Ia ena siga ni cudru waqawaqa i Jiova Sa sega ni dua e dro bula rawa kina; O ira kece ka'u a susuga ka tubera Era sa vakarusai kecega mai vua na kequ meca.

Isikeli 23:28

Ni sa kaya vakaoqo na Kalou o Jiova: “Raica, au na soli iko ki na ligadra na tamata o sa cata, ki na ligadra talega sa vuki tani mai kina na lomamu;

Isikeli 7:9

Au na sega ni vosoti iko ka'u na sega talega ni yalololoma vei iko. Au na sauma ga vei iko me vaka na nomu i valavala vakasisila ka sa tu oqori vei iko. Ia o na qai kila kina ni sai au o Jiova ka'u sa ia na veitotogitaki.”

Isikeli 8:18

O koya oqo, ka'u na vakayaco-ka kina ena cudru. Au na sega ni vakavoca na nodra bula ka'u na sega talega ni yalololoma vei ira. E dina ga ni kevaka era sa tagi vakadomoilevu ki daligaqu, au na sega ga ni rogoci ira.

Isikeli 9:10

Ia oi au, ena sega talega ni veivutuni na mataqu, au na sega talega ni yalololoma, ka'u na sauma vei ira na veika era sa vakayacora vakatani vei ira tale eso.”

Vakarua 28:50

Era na vakaraitaki i tovo kaukauwa vei kemuni ka sega ni lomana e dua, se ra gone se qase cake.