Jeremaia 21:6 - Vakavakadewa Vou kei na iVola tale eso

⁶ Au na vakamatei ira kece sara era tiko ena koro oqo; ena tautauvata ga ki na tamata kei na manumanu kecega era na mate ena dua na mate ca levu sara.

Ai Vola Tabu (Vakadewa Makawa Vakavoutaki 2021)

⁶ Ia ka'u na yaviti ira na lewe ni koro oqo, na tamata kei na manumanu. Era na mate ga e na mate dauveiveitauvi.

AI VOLA TABU

⁶ Ia kaʼu na yaviti ira na lewe ni koro o qo, na tamata kei na manumanu: e na mate dauveitauvi era na mate ga kina:

Vakavakadewa Makawa

⁶ Ia ka'u na yaviti ira na lewe ni koro oqo, na tamata kei na manumanu: era na mate ga e na mate dauveiveitauvi:

Ai Vola Tabu Ena Vakavakadewa Vou

⁶ Au na vakamatei ira kece sara era tiko ena koro oqo. Na tamata kei na manumanu kecega era na mate vakatautauvata ena dua na mate ca levu sara.

Jeremaia 21:6 Iomraidhean Croise

Vakatekivu 6:7

ka sa qai kaya, “Au na vakarusa na tamata kece sara au a bulia mai na dela i vuravura. Au na vakarusa na tamata, na manumanu yava i va, na manumanu qasi voli kei na manumanu vuka kece sara. Au sa rarawataka dina na noqu a buli ira.”

Aisea 6:11

Au sa qai taroga, “Kemuni na Turaga, ena vakacava soti na kena dede?” A sauma lesu ka kaya: “Me yacova ni ra sa vakacacani na veikoro lelevu Ka sa lala ni sega na kedra i vakatawa, Ka sega na tamata e loma ni veivale, Ka vakaleqai na vanua;

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 20:4

A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 32:24

Era sa viria cake na i kabakaba na kai Papiloni ka binia cake na qele wavokita na koro me ra vakamalumalumutaka, ka ra samuta sara tikoga. Na i valu, na viakana kei na mate ca ena vakavuna na kena soli na koro ki ligadra. Kemuni Turaga o ni sa raica ni sa yaco na ka kece sara o ni a tukuna.

Jeremaia 33:12

A sa kaya tale o Jiova ni lewevuqa, “Ena vanua sa lala tu oqo ka sa sega ni bula kina e dua na manumanu kei na kena veikoro kece sara, ena kune kina na veico me ra vakania tale na nodra sipi na i vakatawanisipi.

Jeremaia 34:17

O koya oqo a kaya tale kina o Jiova, “O ni sa sega ni solia vei ira na nomuni tokani Iperiu me ra galala. Sa vinaka, au sa na solia vei kemuni na galala; na galala mo ni mate ena i valu, mate ca kei na viakana. Au na cakava me ra rere na veimatanitu kecega e vuravura ena ka kecega au na cakava vei kemuni.

Jeremaia 36:29

A tukuna vua o Jiova me tukuna vei Jo-akimi na tui, “O sa vakama na i vola vivigi, baleta ni sa volai kina ni na lako mai na tui Papiloni ka vakarusa na vanua oqo, ka vakamatei ira na kena i taukei kei na kena manumanu.

Jeremaia 42:22

Mo ni kila vinaka sara oqo: o ni na mate ena i valu, na viakana se ena mate ca ena vanua o ni sa vinakata mo ni lako ka la'ki tiko kina.”

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Isikeli 12:16

Ia ka'u na vakalaiva me ra dro bula eso vei ira mai na i seleiwau, mai na dausiga kei na mate dauveitauvi, ka me rawa ni ra tusanaka kina na nodra veika vakasisila kece ki na veimatanitu era dui yaco kina, ka ra na kila ni sai au o Jiova.”

Isikeli 14:13

“Luve ni tamata, ni sai valavala ca vei au e dua na vanua ni sa talaidredre sara, ka'u na qai dodoka yani kina na ligaqu, ka muduka na kakana e bula kina, io, na madrai, ka vakavuna kina na viakana, ka muduka tani mai kina na tamata kei na manumanu.

Isikeli 14:17

“Ia kevaka ka'u sa vakayacora ki na vanua na i seleiwau, ka kaya, Laiva na i seleiwau me lako voli yani ki na loma ni vanua; ka me'u muduka tani mai kina na tamata kei na manumanu;

Isikeli 14:19

“Se kevaka ka'u na vakayacora ki na vanua na mate dauveitauvi, ka sovaraka kina na noqu cudru ena mate, me'u muduka tani kina na tamata kei na manumanu;

Isikeli 14:21

Ni sa kaya vakaoqo na Kalou o Jiova, “Me na vakavica tale na noqu vakanakuitataki Jerusalemi ena va na i totogi ni veivakarusai ni noqu cudru, o ya na i seleiwau, na dausiga, na manumanu ca, kei na mate dauveitauvi, me'u muduka tani mai kina na tamata kei na manumanu!

Isikeli 33:27

Mo kaya vakaoqo vei ira, ‘Sa kaya vakaoqo na Kalou o Jiova: Me vaka na dina ni noqu bula, era na mate ga ena i seleiwau o ira ka vakatawa na veitiki ni vanua lala; ia o koya talega mai na i bili ka'u na soli koya vei ira na manumanu me ra kania; o ira ka ra tu ena vale kaukauwa vakaivalu, na ulu vatu, kei na qara vatu, era na mate ena mate dauveitauvi.

Isikeli 33:29

Era na qai kila ni sai au o Jiova, ni'u sa vakalala na vanua ka me rusa ena vuku ni nodra i valavala vakasisila kecega era sa cakava.’

Isikeli 7:15

Sa tiko e taudaku na i seleiwau; sa tu e loma ni vale na mate dauveitauvi kei na dausiga; ia o koya sa tiko ena lomanivanua ena mate ena i seleiwau; o koya sa tiko mai na koro, ena kani koya na dausiga kei na mate dauveitauvi.

Osea 4:3

O koya oqo sa tagi kina na vanua era sa vakacauoca na tiko kina, o ira kei na manumanu kila kei na manumanu vuka, na ika talega ni waitui era sa qeavu yani.

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.

Sefanaia 1:3

na tamata kei na manumanu kecega, na manumanu vuka kei na ika. Au na vakavuna na nodra vakamalumalumutaki na tamata ca. Au na vakarusa vakadua na kawa tamata, ka'u na sega ni vakavoca tale e dua e vuravura. Oi au, o Jiova, sa vosa vakaoqo.

Luke 21:24

Era na vakamatei ena i seleiwau, ka ra na kau vakabobula ki na veivanua eso; ka ra na buturaki Jerusalemi sobu na veimatanitu tani, me yacova ni sa oti na nodra gauna.