Jeremaia 21:4 - Vakavakadewa Vou kei na iVola tale eso

⁴ me tukuna vei Setekaia, ni Turaga na Kalou ni Isireli, a kaya, “Au na ravuta na nomu mataivalu ka na vala tiko kei na mataivalu nei tui Papiloni. Au na binia na nodra i yaragi kece ni vala na nomu mataivalu ena lomadonu ni koro.

Ai Vola Tabu (Vakadewa Makawa Vakavoutaki 2021)

⁴ ‘Sa kaya vakaoqo ko Jiova na Kalou ni Isireli; Raica, au na vakalesuya tani nai yaragi ni valu e na ligamudou, dou sa veivaluti kina kei tui Papiloni, kei ira na kai Kalitia, era mai kabai kemudou mai daku ni bai, ia ka'u na vakasoqoni ira mai ki loma ni koro oqo.

AI VOLA TABU

⁴ Sa vosa vakaoqo ko Jiova na Kalou nei Isireli; Raica, au na vakalesuya tani nai yaragi ni valu e na ligamudou, a ya dou sa veivaluti kina kei tui Papiloni, kei ira na kai Kalitea, era mai kabai kemudou mai daku ni bai, ia kaʼu na vakasoqoni ira mai ki loma ni koro.

Vakavakadewa Makawa

⁴ Sa kaya vakaoqo ko Jiova na Kalou ni Isireli; Raica, au na vakalesuya tani nai yaragi ni valu e na ligamudou, dou sa veivaluti kina kei tui Papiloni, kei ira na kai Kalitia, era mai kabai kemudou mai daku ni bai, ia ka'u na vakasoqoni ira mai ki loma ni koro oqo.

Ai Vola Tabu Ena Vakavakadewa Vou

⁴ me rau laki tukuna vei Setekaia ni ko Jiova, na nodra Kalou na Isireli, sa kaya vakaoqo, “I Setakaia, au na ravuta na nomu mataivalu ka vala tiko kei na mataivalu nei tui Papiloni. Au na binia na nodra i yaragi kece ni vala na nomu mataivalu ena lomadonu ni koro.

Jeremaia 21:4 Iomraidhean Croise

Aisea 10:4

Ena sega tale na ka e vo, Ia o ni na yarataki, Ena kedra maliwa era kau vakavesu, Se bale vei ira era sa moku mate. Na veika kece oqo ena sega ni vakaotia na cudru ni Turaga, A se dodo tikoga mai na ligana me veitotogitaki.

Aisea 13:4

Rogoca mada na rorogo mai na veiulunivanua, Sa vaka na nodra maue na lewe vuqa. Rogoca mada na lomada na veivanua, Na nodra soqoni vata na veimatanitu. Sa vakarautaki ira na nona mataivalu O Jiova ni lewevuqa me ra vakarau ki na i valu.

Aisea 5:5

Ia oqo au na tukuna vei kemuni, Na ka au na cakava ki na noqu loganivaini. Au na kauta tani na veikau era tubu wavokita Ka basuraka sobu na kena bai, Au na qai laivi ira na manumanu kila me ra buturaka sobu.

Jeremaia 20:4

A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 21:3

A qai vosa vei au na Kalou, ka'u qai tukuna vei rau ni a talai mai vei au,

Jeremaia 32:24

Era sa viria cake na i kabakaba na kai Papiloni ka binia cake na qele wavokita na koro me ra vakamalumalumutaka, ka ra samuta sara tikoga. Na i valu, na viakana kei na mate ca ena vakavuna na kena soli na koro ki ligadra. Kemuni Turaga o ni sa raica ni sa yaco na ka kece sara o ni a tukuna.

Jeremaia 32:3

A sogoti koya e kea o Setekaia na tui ni a beitaki koya ena nona kacivaka ni a kaya o Jiova, “Au na solia na koro oqo vua na tui Papiloni ka sa na taura.

Jeremaia 32:5

Sa na kau yani o Setekaia ki Papiloni ka na tiko ga mai kea me yacova ni'u sa qai sikovi koya tale. Kevaka ena vala kei ira na kai Papiloni ena sega ni qaqa.”

Jeremaia 33:5

Eso era na valuti ira na kai Papiloni, ka ra na vakasinaita na koro ena yago ni mate ni tamata ka'u na mokuta mate ena noqu cudru kei na rarawa. Au sa vakanadakuya na koro oqo baleta na veika ca era sa vakayacora na lewena.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 39:3

Ena gauna a vakadrukai kina o Jerusalemi era a qai lako na nona vakailesilesi cecere kecega na tui Papiloni ka la'ki tiko ena matamata ni koro e loma: o Nekali Sarisa, Samaka Nipa, Sasikimi kei na dua tani tale na Nekali Sarisa.

Jeremaia 52:18

Era a kauta talega na i sivi kei na ka e dau tawa kina na dravusa ka dau vakayagataki ena kena vakasavasavataki na i cabocabonisoro, na i bokoboko ni cina, na beseni era dau tawa kina na dra ni manumanu vakacabori, kei na beseni e dau tawa kina na ka boi vinaka me vakamai, kei na veiyaya parasa kecega e dau vakayagataki ena Valenisoro.

Lele i Jeremaia 2:3

A sa muduka o koya ena cudru waqawaqa Na kaukauwa kece i Isireli; A sa sega ni dodoka mai na ligana i matau Me vukei keimami e matadra na meca; Sa cudruvi keimami me vaka na bukawaqa Ka sa vakama na veika kecega sa volita.

Lele i Jeremaia 2:5

Sa yaco o Jiova me vaka e dua na meca; Sa vakarusai Isireli o koya; Sa vakarusa na veivale vakatui kecega, Ka sa vakarusa na kena veibainivalu kaukauwa, Ka sa kauta mai kivei ira na Juta Na rarawa kei na vutugu sa sega ni oti rawa.

Lele i Jeremaia 2:7

Sa besetaka o Jiova na nona i cabocabonisoro, Ka sa lako tani mai na nona Valenisoro tabu; A sa solia ki na ligadra na meca Na lalaga ni nodra veivale vakatui. Era sa kaila ga ena qaqa Ena tikina keimami a dau sokalou kina ena reki.

Isikeli 39:3

ia ka'u na taviraka tani na nomu dakaititi mai na ligamu i mawi, ka vakalutuma tani na nomu gasau mai na ligamu i matau.

Osea 9:12

Ia kevaka era mani susuga cake na luvedra, au na kauti ira tani kece sara ka sega ni vakabula e dua. Ena yacovi ira na veika rerevaki ena gauna ka'u sa vakanadakui ira kina.

Sakaraia 14:2

Ena kauti ira kece vata mai na veimatanitu o Jiova me ra valuti Jerusalemi. Ena vesuki na koro, ena butakoci na i yau ni veivale, ka ra kucuvi na yalewa. Era na kau vakabobula e veimama na lewe ni koro, ia o ira na kena vo era na sega ni kau tani.

Maciu 22:7

Sa cudru sara kina na tui, ka qai tala yani na nona mataivalu ka vakamatei ira na daulaba o ya, ka vakama na nodra koro.