Jeremaia 21:10 - Vakavakadewa Vou kei na iVola tale eso

¹⁰ Au sa nakita e lomaqu me'u kakua tale ni vakabula na koro oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Ai Vola Tabu (Vakadewa Makawa Vakavoutaki 2021)

¹⁰ Ni sa duatani na mataqu ki na koro oqo me sa ca ga, me kakua ni vinaka, sa kaya ko Jiova: ena soli ga ki na liga i tui Papiloni, ia ena vakama e na bukawaqa ko koya.’

AI VOLA TABU

¹⁰ niʼu sa vaqara na mataqu ki na koro o qo me ca, me kakua ni vinaka, sa kaya ko Jiova: ki na liga i tui Papiloni ena soli ga kina, ia ena vakama e na buka ko koya.

Vakavakadewa Makawa

¹⁰ ni sa dua tani na mataqu ki na koro oqo me sa ca ga, me kakua ni vinaka, sa kaya ko Jiova: ena soli ga ki na liga i tui Papiloni, ia ena vakama e na bukawaqa ko koya.

Ai Vola Tabu Ena Vakavakadewa Vou

¹⁰ Au sa nakita e lomaqu me'u kakua tale ni vakabula na koro levu oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Jeremaia 21:10 Iomraidhean Croise

2 Veigauna 36:19

Era sa vakama na Valenisoro, ka talaraka sobu na bai kei Jerusalemi, ka vakama na kena veivale vakaturaga kece, ka vakacacana na kena veiyaya vinaka taucoko.

NA SAME 34:16

Ia, sa saqati ira ga era sa dau caka ca, Me ra kakua ni nanumi tale e vuravura.

Jeremaia 17:27

Ia kevaka o ni sega ni talairawarawa vei au, mo ni maroroya na Siga ni Vakacecegu, ka sega ni colata e dua na ka ena veimatamata kei Jerusalemi ena siga o ya; au na vakama na veimatamata ni koro kei Jerusalemi. Ena kama na veitikotiko vakaturaga mai Jerusalemi ka na sega ni dua me na bokoca rawa.”

Jeremaia 26:6

Au na cakava na vale oqo me vakataki Sailo, ka ra na vakayagataka na veimatanitu kecega e vuravura na yaca ni koro oqo me vaka e ka beci ka veivakamaduataki.

Jeremaia 33:5

Eso era na valuti ira na kai Papiloni, ka ra na vakasinaita na koro ena yago ni mate ni tamata ka'u na mokuta mate ena noqu cudru kei na rarawa. Au sa vakanadakuya na koro oqo baleta na veika ca era sa vakayacora na lewena.

Jeremaia 34:2

A sa kaya o Jiova na nodra Kalou na Isireli vei Jeremaia me lako ka tukuna vei Setekaia na tui Juta. “Raica au na solia na koro vua na tui Papiloni ka na vakama ena bukawaqa.

Jeremaia 34:22

Au na vakarota ka ra na lesi mai ki na koro oqo. Era na samuta ka vakadruka, ka ra na vakama. Au na cakava na veikoro e Juta me vaka na vanua lala e sega ni dua e bula kina.”

Jeremaia 38:17

A qai tukuna o Jeremaia vei Setekaia ni a kaya o Jiova ni lewevuqa, na nodra Kalou na Isireli, “Kevaka o ni na soro vei ira na vakailesilesi i tui Papiloni, ena maroroi na nomuni bula, ka na sega ni vakamai na koro oqo. Oi kemuni kei na nomuni vuvale o ni na vakabulai.

Jeremaia 38:18

Ia kevaka o ni na sega ni soro, sa na soli na koro oqo ki na ligadra na kai Papiloni, ka ra na vakama; ia o ni na sega ni dro bula rawa mai vei ira.”

Jeremaia 38:23

Era na kau na watimuni kece kei ira na luvemuni vei ira na kai Papiloni, oi kemuni talega o ni na sega ni dro bula mai vei ira. Ena kauti kemuni vakavesu o tui Papiloni, ka na vakama yavu sara na koro oqo.”

Jeremaia 38:3

E a tukuna talega vei ira o Jeremaia ni a kaya o Jiova, “Au na solia na koro oqo ki na mataivalu i tui Papiloni me na vakadruka.

Jeremaia 39:16

me tukuna vei Epetimeleki na kai Eciopea ni a kaya na Turaga Qaqa na nodra Kalou ni Isireli, “Au na kauta mai na veivakarusai ki na koro oqo, ka sa sega na sautu. Me vaka au a kaya ni'u na cakava. Ia ni na yaco mai na ka oqo, o na tu voli e kea mo raica.

Jeremaia 39:8

Era a qai vakama na kai Papiloni na valenitui, na nodra veivale na tamata ka ra basuraka sobu na bai ni koro kei Jerusalemi.

Jeremaia 44:11

Sa i koya oqo sa kaya kina na Turaga Qaqa na nodra Kalou na Isireli. “Au na kauta mai vei kemuni na veivakarusai ka vakarusai Juta taucoko.

Jeremaia 44:27

Au na raica tiko mo ni kakua sara ni toro cake, ia mo ni vakarusai ga. O ni na mate kece sara na lewe i Juta o ni tiko e Ijipita ena i valu se ena mate ca me yacova ni sa sega ni vo e dua vei kemuni.

Jeremaia 52:13

A vakama na Valenisoro, na valenitui kei na nodra vale kece na tamata cecere mai Jerusalemi,

Isikeli 15:7

ka totogitaki ira. Era sa dro bula rawa mai na dua na bukawaqa, ia ena qai kani ira tale oqo na bukawaqa. Ena gauna ka'u sa totogitaki ira kina, o ni na qai kila ni sai au o Jiova.

Isikeli 24:11

Me qai toka ni sa lala ena dela ni qilaiso waqa, me katakata ka me kama na kena parasa, ka me vakawaicalataki na kena duka, ka yavu na kena veveka.

Vunau ni Soro 17:10

Kevaka e dua na Isireli se dua na vulagi e bula maliwai ira tiko e kania na lewe ni manumanu ka se dra tu, ena vagolea tani na matana mai vei koya o Jiova ka na tamusuki koya tani me kakua ni wili me nona tamata.

Vunau ni Soro 26:17

Au na saqati kemuni ka me ra samuti kemuni kina o ira na kemuni meca. Era na lewai kemuni o ira sa cati kemuni, ia o ni na rere vakalevu ka cici ni sa sega mada ga ni dua e vakasevi kemuni.

Emosi 2:5

O koya oqo ka'u na tala kina na bukawaqa vei ira na Juta, me vakama na veitikotiko ni valu kaukauwa kei Jerusalemi.”

Emosi 9:4

Kevaka me ra kau vakabobula vei ira na kedra meca, au na vakarota me ra vakamatei. Au sa vakadeitaka me'u vakarusai ira, ka sega ni vukei ira.”

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”