Jeremaia 20:4 - Vakavakadewa Vou kei na iVola tale eso

⁴ A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Ai Vola Tabu (Vakadewa Makawa Vakavoutaki 2021)

⁴ Ni sa kaya vakaoqo ko Jiova: Raica, au na lewa mo ka rerevaki vei iko, vei ira kece talega na wekamu. Ia era na bale e nai seleiwau ni nodra meca, ko na raica e matamu talega. Ia ko ira na Juta kecega ka'u na solia ki na liga i Tui Papiloni, ena kauti ira vakabobula ki Papiloni, ka vakamatei ira e nai seleiwau.

AI VOLA TABU

⁴ Ni sa vosa vakaoqo ko Jiova, Raica, au na cakavi iko mo ka rerevaki vei iko, vei ira kece talega na wekamu: ia era na bale e nai seleiwau ni nodra meca, a matamu talega ena kunea: ia ko ira na Juta kecega kaʼu na solia ki na ligai tui Papiloni, ena kauti ira vakabobula ki Papiloni, ka vakamatei ira e nai seleiwau.

Vakavakadewa Makawa

⁴ Ni sa kaya vakaoqo ko Jiova, Raica, au na lewa mo ka rerevaki vei iko, vei ira kece talega na wekamu: ia era na bale e nai seleiwau ni nodra meca, ko na raica e matamu talega: ia ko ira na Juta kecega ka'u na solia ki na liga i Tui Papiloni, ena kauti ira vakabobula ki Papiloni, ka vakamatei ira e nai seleiwau.

Ai Vola Tabu Ena Vakavakadewa Vou

⁴ A sa kaya ko Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 20:4 Iomraidhean Croise

2 Tui 25:7

Ni rai tu ga o Esekaia, era a qai vakamatei iratou na luvena tagane; ka ra leuta tani na yaloka ni matana ruarua; era qai vesuki koya ena sinucodo parasa ka kauti koya ki Papiloni.

NA SAME 73:19

Sa sega ni bera na nodra vakarusai Ka lako sobu yani ki na dua na i cavacava rerevaki.

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 13:19

Sa valuti na veikoro mai ra, vaka ki na ceva, sa sega ni dua me lako rawa vei ira. Era sa kau tani kece sara na lewe i Juta era sa kau kece vakabobula.”

Jeremaia 19:15

Ni sa kaya na Turaga o Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Jeremaia 20:6

Ia o iko Pasuri kei ira kece na nomu vuvale, o ni sa na kau vakavesu ki Papiloni. O na mate mai kea ka bulu kina vata kei ira na wekamu o tukuna vei ira na veika lasu oqo.”

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 29:21

Sa tukuna na Turaga Qaqa me baleti rau o Eapi na luve i Kolaia kei Setekaia na luve i Mesia, oi rau a tukuna na veika lasu vei kemuni ena yacaqu. Sa tukuna ni sa soli rau vei Nepukanesa na tui Papiloni o koya ena vakamatei rau ena matamuni.

Jeremaia 46:5

A sa kaya na Turaga, “Ia a cava ka'u sa raica?” Era sa suka lesu tale ena domobula. Sa moku mate eso na kedra meca; Era sa dro lesu vakatotolo yani Ka sega ni rai vuki tale, Ni ra sa sinai ena rere.

Jeremaia 52:24

Ia na turaganivalu liu sa kauti Seraia na bete levu, o Sefanaia e dua tale na bete e taravi koya, kei na tolu tale na vakailesilesi cecere ena Valenisoro.

Jeremaia 52:27

A vakanakuitataki ira ka vakamatei ira na tui Papiloni mai Ripila ena vanua o Emaci. Era a kau tani vakabobula na lewe i Juta mai na nodra vanua.

Jeremaia 6:25

Ni kakua ni lako ki na loma ni vanua, se muria na veigaunisala; baleta ni ra sa vakaiyaragi tu na meca, ka sa tu na rere vei keda kece sara.”

1 Samuela 2:33

Au sa na maroroya e dua vei ira na nomu kawa me bula, me qaravi au mai na noqu i cabocabonisoro, ia ena vakarusai na matana me mataboko, ka vakararawataki na yalona: ia era na bale drokadroka ena mate rarawa o ira kece na nomu kawa.