Jeremaia 20:16 - Vakavakadewa Vou kei na iVola tale eso

¹⁶ Laiva na tamata o ya Me vaka na veikoro sa vakarusa o Jiova Ka sega ni lomana. Me rogoca na domo ni tagi Ena rere ena mataka lailai, Kei na domo ni davui ni valu ena yakavi,

Ai Vola Tabu (Vakadewa Makawa Vakavoutaki 2021)

¹⁶ Ia na tamata ko ya me sa vaka ga na veikoro ka vukica ko Jiova, ka sega ni veivutuni; ia me rogoca ko koya na kaila e na mataka, kei na qoqolou e na siga levu,

AI VOLA TABU

¹⁶ Ia na tamata ko ya me vaka ga na Veikoro ka vukica ko Jiova, ka tawa veivutuni: ia me rogoca ko koya na kaila e na sabogibogi, kei na qoqolou e na siga levu;

Vakavakadewa Makawa

¹⁶ Ia na tamata ko ya me sa vaka ga na veikoro ka vukica ko Jiova, ka sega ni veivutuni: ia me rogoca ko koya na kaila e na mataka, kei na qoqolou e na siga levu;

Ai Vola Tabu Ena Vakavakadewa Vou

¹⁶ Laiva na tamata o ya Me vaka na veikoro sa vakarusa ko Jiova Ka sega ni lomana. Me rogoca na domo ni tagi Ena rere ena mataka lailai, Kei na domo ni davui ni valu ena yakavi,

Jeremaia 20:16 Iomraidhean Croise

Jeremaia 18:22

Talai ira lo eso me ra butako ena nodra veivale, ni cakava me ra tagi mai ena rere. Era sa kelia e dua na qara me'u sikalutu kina ka birika e dua na dai me'u coko kina.

Jeremaia 18:8

Ia e qai biuta na matanitu o ya na nona i tovo ca, au sa na veisautaka na lomaqu me baleta na ka au a tukuna me'u na cakava.

Jeremaia 23:14

Ia ka'u sa kunea Ni sa vakasisila ka ca vakalevu cake Na ka era sa cakava na parofita ni Jerusalemi: Era sa veibutakoci ka tukuna na veika lasu; Ka ra sa vukei ira na tamata me ra cakava na ka ca Sa sega kina e dua me tarova Na nona cakava na ka ca. Vei au, era sa vakataki Sotoma kece sara, Ka ra sai tovo ca sara me vakataki Komora.

Jeremaia 26:13

O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Jeremaia 4:19

“Ulei! au sega ni tukuna rawa Na rarawa ni yaloqu. Sa vavadugudugu vakaukauwa sara ga kina na utoqu! Au sa sega ni rawa ni galu; Au sa rogoca na domo ni davui Kei na cibi ni valu.

Lele i Jeremaia 4:6

Ni sa levu cake na kuita sa tau Vei ira na noqu tamata ka lailai sobu Na i totogi sa soli vei Sotoma; A sa vakarusai ga ena dua na gauna Mai na liga ni Kalou duadua ga.

Isikeli 21:22

Sa tu ena ligana i matau na madigi kei Jerusalemi, me dolava na gusuna ena qoqolou, me tabalaka cake na domo ni kaila, me vakatikora na i tukituki ni voro bai ki na matamata ni koro, me viria na suva, me tara na vale ni valu.

Osea 10:14

ena yacovi kemuni na i valu, ka na vakarusai taucoko na nomuni koro ni valu. Ena tautauvata kei na siga sa vakarusai Peciapeli kina o Salimoni na tui ena i valu, ka ra sa vakamatei kina o ira na marama tina kei na dui luvedra.

Osea 11:8

“I Isireli, me'u na laivi iko rawa vakacava? Me'u na biuti iko rawa vakaevei? Ena rawa beka me'u vakarusai iko me vakataki Atima, Se kitaka vei iko na ka au a cakava vei Sepoimi? Sa sega sara ni vakatara na yaloqu me'u kitaka! Na noqu lomani iko e sa rui cecere sara.

Osea 13:14

Au na sega ni vakabulai ira na tamata oqo mai na nodra vuravura na mate se vueti ira mai na kaukauwa nei Mate. O iko Mate, sa evei na nomu ka ni veivakararawataki? O iko Etesi, sa evei na nomu dauveivakarusai? Ena sega sara ni'u yalololoma tale vei ira na tamata oqo.

Emosi 1:14

Ia ka'u na vakacaudreva na buka ena bai mai Rapa, me na vakama na kena veitikotiko ni valu kaukauwa. Ena ia na qoqolou ena siga ni valu, ka na laba na cagi me vaka na covulaca.

Emosi 2:2

Au na tala na bukawaqa i Moapi, me kania na veitikotiko ni valu kaukauwa mai Kirioci. O ira na Moapi era na mate ga ena rorogo ni valu ni ra sa ia na qoqolou na sotia ka voqa na domo ni davui.

Emosi 4:11

“Au a vakarusai ira eso vei kemuni me vaka na noqu a vakarusai rau o Sotoma kei Komora, ka vaka na dudu ni buka sa ucuraki tani. Ia, o ni a sega ga ni lesu mai vei au,” sa kaya o Jiova.

Jona 3:4

A sa tekivu o Jona me lako kosova na koro, ia ni oti e dua na siga na nona lako voli, a sa vakatekivu me vunau ka kaya, “Sa vo ga e vasagavulu na siga me vakarusai kina o Ninive!”

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Sefanaia 1:16

e dua na siga e rogo kina na domo ni davui ni valu kei na nodra na vakacibi i valu na sotia era sa valuta tiko na veikoro lelevu kei na kedra valeniyadra cere i cake.

Sefanaia 2:9

O koya oqo, me vaka ni'u sa nodra Kalou bula na Isireli, au sa yalataka kina ni rau na vakarusai vakaidina o Moapi kei Emoni me vakataki Sotoma kei Komora. E rau na yaco ga me rau vanua ni keli masima kei na rusa tawa mudu, ka tubua vakalevu ena co. O ira na vo-ni-bula vei ira noqu tamata era na qai kovea na nodra i yau ka taura na nodra vanua.”

Luke 17:29

Ia ena siga sa biuti Sotoma kina o Loti, sa tau mai lomalagi na bukawaqa kei na sulifure ka vakamatei ira kecega.

Vakarua 29:22

Ena veitabatamata e muri, era na raica na luvemuni kei ira na vulagi era lako mai na veivanua yawa, na veimate ca kei na veileqa rerevaki ena kauta mai o Jiova ki na nomuni vanua.

Vakarua 29:23

Ena mamaca na vanua taucoko ka ubia na sulifure kei na masima, ena sega ni dua na ka e tei rawa kina. Na co mada ga ena sega ni bula rawa kina. Na nomuni vanua ena vakataki Sotoma kei Komora, Atima kei Sepoimi, na vanua sa vakarusa o Jiova ena nona cudru katakata.

2 Pita 2:6

A sa vakarusai rau na koro o Sotoma kei Komora na Kalou ena bukawaqa, ka sa yaco oqo me i vakaraitaki ni veika ena yaco vei ira na tamata ca ena gauna e muri.

Ai Vola I Juta 1:7

Ni vakasamataki Sotoma mada kei Komora, kei ira na veikoro lelevu era sa tiko vakavolivolita, ka ra sa ia ga na lewe ni koro na i valavala vakasisila ni veibutakoci kei na garogaro ca: era sa cudruvi ga ena bukawaqa tawamudu me i vakavuvuli vei keda kecega.