Jeremaia 20:12 - Vakavakadewa Vou kei na iVola tale eso

¹² Kemuni Jiova ni lewevuqa, O ni sa vakatovolea na tamata dodonu. O ni sa kila Na ka sa tiko ena yalodra Kei na nodra vakasama na tamata, Ia me'u raica mada Ni o ni na sauma na ca Vei ira na kequ meca, Baleta ni'u sa vakararavi vei kemuni.

Ai Vola Tabu (Vakadewa Makawa Vakavoutaki 2021)

¹² Ia, koi kemuni Jiova-ni-lewevuqa, ko ni sa vakatovolea na yalododonu, ka dikeva na ivi kei na loma ni tamata; me'u raica mada na nomuni cudruvi ira, ni ka'u sa tukuni au vei kemuni.

AI VOLA TABU

¹² Ia, ko iko Jiova ni lewe vuqa, sa vakatovolea na yalododonu, ka dikeva nai ivi kei na loma ni tamata, meʼu raica mada na nomu cudruvi ira: ni sa vei iko kaʼu sa tukuni au kina.

Vakavakadewa Makawa

¹² Ia, koi kemuni Jiova ni lewe vuqa, ko ni sa vakatovolea na yalododonu, ka dikeva na ivi kei na loma ni tamata, me'u raica mada na nomuni cudruvi ira: ni ka'u sa tukuni au vei kemuni.

Ai Vola Tabu Ena Vakavakadewa Vou

¹² Kemuni Jiova ni lewevuqa, O ni sa vakatovolea na tamata dodonu. O ni sa kila Na ka sa tiko ena yalodra Kei na nodra vakasama na tamata, Ia me'u raica mada Ni o ni na sauma na ca Vei ira na kequ meca, Baleta ni'u sa vakararavi vei kemuni.

Jeremaia 20:12 Iomraidhean Croise

2 Veigauna 24:22

Ia a sega mada ga ni bau nanuma o Joasa na tui na nona dau cakacaka ena yalodina ki vua o Jioiata, na tama i Sakaraia; ia sa vakamatei luvena ga. Ia ni vakarau mate o Sakaraia, a kaya cake mai, Me raica o Jiova na ka o sa cakava oqo, ka sauma lesu vei iko!

NA SAME 11:5

Sa dikevi ira ruarua na yalododonu kei na i valavala ca. Ka sa cata na tamata i tovo ca ena yalona taucoko.

NA SAME 139:23

Ni dikevi au na Kalou, ka kila na noqu vakasama; Ni vakatovolei au, ka kunea na nanuma ni lomaqu.

NA SAME 17:3

O ni sa kila na lomaqu, o ni sa lako mai vei au ena bogi; O ni sa dikevi au vakavinaka, O ni sa sega ni kunea vei au na vere ca,

NA SAME 54:7

O ni sa vakabulai au mai na noqu leqa kecega; Ka'u sa raica ni ra sa vakadrukai na kequ meca. Vua na i liuliu ni sere; kei na i yaya ni vakatagi vaka-wa. A Masikili i Tevita.

NA SAME 58:10

Era na marau na tamata yalododonu ni ra raica ni ra sa totogitaki na tamata i valavala ca; Era na lako kosova na nodra dra na tamata ca.

NA SAME 59:10

Sa daulomani au na noqu Kalou ka na lako mai vei au; Ena vakayacora me'u raica na nodra vakadrukai na noqu meca.

NA SAME 62:8

Kemuni na noqu tamata, ni vakadinata na Kalou ena veigauna taucoko sara. Ni tukuna vua na nomuni leqa kecega, ni sai koya ga na noda i drodro.

NA SAME 7:9

Ni tarova na nodra i valavala ca na tamata ca, Ka'u kerei kemuni mo ni saumi ira na yalododonu. Sa i kemuni na Kalou yalosavasava, O ni sa dau vakatovolea na vakasama kei na yalo.

NA SAME 86:4

Ni vakamarautaki au Turaga, Baleta ni sa lako cake yani na noqu masu vei kemuni.

Aisea 37:14

A taura na i vola o Esekaia mai vua na dauvakau i tukutuku ka wilika. Ni oti o ya, a sa qai lako yani na tui ki na Valenisoro ka la'ki biuta na i vola ena mata i Jiova,

Aisea 38:14

Sa rogo lailai ka malumalumu na domoqu, Ka'u sa tagi me vaka na ruve. Sa oca mai na mataqu ena rai cake ki lomalagi, I Jiova ni sereki au mai na leqa kece oqo.

Jeremaia 11:20

A qai masu o Jeremaia, “Oi kemuni Jiova ni lewevuqa, kemuni na Turaga ni lewa dodonu; o ni sa dau vakatovolea na lomadra kei na nodra vakasama na tamata. Me'u raica mada ni o ni sa cudruvaki au vei ira na tamata oqo, baleta ni'u sa laiva na noqu bula ki na ligamuni.

Jeremaia 12:8

Era sa saqati au na noqu tamata Me vaka e dua na laione Ena loma ni veikau; Era sa tagi vakacudrucudruya mai vei au, Ia au sa cati ira.

Jeremaia 17:10

Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Jeremaia 17:18

Ni vakamaduataki ira era vakararawataki au, ia ni kakua ni vakayacora vei au. Ni vakasinaiti ira ena rere, ia ni kakua ni vakarerei au. Ni kauta mai na ka ca vei ira, ka vakarusai ira, ni vakarusai ira sara vakadua.

1 Pita 2:23

Ni sa vakasewasewani, a sa sega tale ni veivakasewasewani lesu; ni sa vakararawataki, sa sega ni yalataka me na sauma lesu; ia sa nuitaka ga na Kalou, o koya na Daunilewa yalosavasava.

1 Pita 4:19

O koya oqo me ra qai soli ira taucoko kina vua na Dauveibuli o ira era sa vakararawataki me vaka na loma ni Kalou, ka me ra ia ga na caka dodonu.

Vakatakila 18:20

“Mo reki sara, o iko lomalagi, baleta ni sa vakarusai o koya! Mo ni reki talega, oi kemuni na tamata ni Kalou, kei kemuni na i apositolo, kei kemuni na parofita! Ni sa qai cudruvi koya vakaoqo na Kalou ena vuku ni veika sa vakayacora vei kemuni!”

Vakatakila 2:23

Au na vakamatei ira talega era sa daumuri koya voli, ka ra na qai kila kina na veisoqosoqo lotu ni sai au ga ka sa dau dikeva na vakanananu kei na gagadre kecega ni tamata; ia au na sauma ga vei kemuni yadudua me veiganiti kaya ga kei na veika o ni sa cakava.

Vakatakila 6:10

Era sa kaci ena domolevu, “Oi kemuni na Turaga kaukauwa, sa yalosavasava ka dina! A cava soti na kena dede mo ni qai ia kina na veilewai vei ira na tamata sa tiko e vuravura ka totogitaki ira ena vuku ni nodra a vakamatei keimami?”

1 Samuela 1:15

A sa vosa o Ana ka kaya, “E segai, noqu turaga, au sega sara ni mateni se gunuva na waini se na gunu kaukauwa; au sa yalewa yalorarawa ka lomabibi oi au, ni'u sa masu tiko vei Jiova, ka talaucaka vua na noqu leqa kece.