Jeremaia 20:11 - Vakavakadewa Vou kei na iVola tale eso

¹¹ Ia, Turaga O ni sa totaki au, O ni sa kaukauwa ka qaqa Ka ra sa tarabe O ira kece era vakararawataki au; Era na sega sara ni qaqa. Era na vakamaduataki sara vakalevu Baleta ni ra na sega ni rawa ni qaqa. Na nodra madua Ena sega ni oti rawa Ka na sega sara ni guilecavi.

Ai Vola Tabu (Vakadewa Makawa Vakavoutaki 2021)

¹¹ Ia ko Jiova ga sa tiko vata kei au me vaka e dua na tamata qaqa ka rerevaki; o koya oqo era na tarabe kina era sa vakacacani au, ka ra na sega ni gumatua. Era na madua vakalevu, ni ra na sega ni cakacaka yaco. A nodra madua sa sega ni mudu ena sega ni guileca.

AI VOLA TABU

¹¹ Ia ko Jiova ga sa tiko kei au me vaka e dua na qaqa rerevaki: o koya o qo era na tarabe kina era sa vakacacani au, a ra na sega ni gumatua: era na madua vakalevu; ni ra na tawa cakacaka yaco: a nodra madua tawa mudu ena tawa guilecavi.

Vakavakadewa Makawa

¹¹ Ia ko Jiova ga sa tiko vata kei au me vaka e dua na qaqa rerevaki: o koya oqo era na tarabe kina era sa vakacacani au, ka ra na sega ni gumatua: era na madua vakalevu; ni ra na sega ni cakacaka yaco: a nodra madua sa sega ni mudu ena sega ni guileca.

Ai Vola Tabu Ena Vakavakadewa Vou

¹¹ Ia, Turaga O ni sa totaki au, O ni sa kaukauwa ka qaqa Ka ra sa tarabe O ira kece era vakararawataki au; Era na sega sara ni qaqa. Era na vakamaduataki sara vakalevu Baleta ni ra na sega ni rawa ni qaqa. Na nodra madua Ena sega ni oti rawa Ka na sega sara ni guilecavi.

Jeremaia 20:11 Iomraidhean Croise

NA SAME 129:2

“Me tekivu sara ga mai na gauna au se gone kina, Era sa dau vakararawataki au vakaca sara na kequ meca, Ia, era sega ga ni vakadrukai au.

NA SAME 35:26

O ira kecega sa marautaka na noqu sotava na ka rarawa Me ra vakadrukai sara ka veilecayaki. Me ra qai sinai ena madua kei na rogo ca O ira kecega era sa vakacerecerei ira cake vei au.

NA SAME 40:14

O ira era saga me ra vakamatei au Me ra vakadrukai ga ka me ra veilecayaki; Me ra vakasukai lesu ka vakamadualaki O ira sa vinakata me ra vakamavoataki au.

NA SAME 47:2

Me vakarokorokotaki o Jiova, o koya sa Cecere Sara, Sa i koya na Tui Cecere, sa lewa tiko na vuravura kecega.

NA SAME 6:10

O ira na kequ meca Era na kila na madua mosimosi ni bula e vakadrukai, Ka ra na lako yani vakasauri ena veilecayaki.

NA SAME 65:5

O ni sa dau sauma na neimami masu mai na nomu dausolia na qaqa ena i valu, Ka dau vakayaco-ka me keimami vakabulai kina. Na tamata ena dela i vuravura taucoko Kei ira mai na wasa era tu yawa sa vakadinati kemuni.

NA SAME 66:5

Ni lako mai mo ni raica na ka sa cakava na Kalou, Na nona cakacaka mana ena kedra maliwa na tamata.

Aisea 41:10

Ni kakua ni rere — au sa tiko vata kei kemuni! Oi au na nomuni Kalou — ni kakua ni rerevaka e dua na ka! Au na vakaukauwataki kemuni ka vukei kemuni; Au na taqomaki kemuni ka vakabulai kemuni.

Aisea 41:14

A sa kaya o Jiova, “Kemuni na Isireli, o ni lewe lailai ka malumalumu Ia ni kakua ni rere ni'u na vukei kemuni. Oi au na Kalou Yalo Savasava ni Isireli, O koya a vakabulai kemuni.

Aisea 45:16

O ira kece era dau buli matakau Era na vakamaduataki Ka vakalolovirataki kece sara.

Jeremaia 1:18

O na vaka e dua na koro vakabai kaukauwa, o na vaka e dua na duru kaukamea ka vaka talega na lalaga parasa ki na vanua taucoko oqo; vei ira na tui Juta, vei ira na kena bete kei ira na tamata kece sara ena vanua oqo.

Jeremaia 1:19

Era na sega ni vakadrukai iko rawa, ni'u sa tikoga kei iko, sa kaya o Jiova. Au na vakabulai iko.”

Jeremaia 1:8

Kakua sara ni rerevaki ira, baleta ni'u na tiko kei iko me'u taqomaki iko,” a kaya o Jiova.

Jeremaia 15:15

Ia sa qai kaya o Jeremaia, “Kemuni Jiova, o ni sa kila deivaki ga. Ia mo ni nanumi au mai ka vukei au. Ni sauma na veika ca sa caka vei au kivei ira era vakararawataki au. O ni sa dau vosota sara vakadede, ia ni kakua ni kauti au tani. Ni nanuma na noqu daucolata voli na veivakacacani ena vukumuni.

Jeremaia 15:20

Au na qisi iko mo vaka e dua na lalaga parasa kaukauwa vei ira na tamata oqo. Era na veivala kei iko, ia era na sega ni vakamalumalumutaki iko. Au na tiko vata kei iko me'u taqomaki iko ka maroroi iko.

Jeremaia 17:18

Ni vakamaduataki ira era vakararawataki au, ia ni kakua ni vakayacora vei au. Ni vakasinaiti ira ena rere, ia ni kakua ni vakarerei au. Ni kauta mai na ka ca vei ira, ka vakarusai ira, ni vakarusai ira sara vakadua.

Jeremaia 22:22

Era na cagina tani Na nomu i liuliu ena cagi Ka ra na kau vakabobula O ira sa dau lomani iko O na vakamaduataki ka beci Baleta na veika ca kece o a cakava.

Jeremaia 23:40

Au na qai kauta mai vei ira na bula vakaloloma kei na madua levu sa guiguilecavi dredre.”

Jeremaia 32:18

O ni sa vakaraitaka na nomuni loloma tawa yalani vei ira e udolu vakaudolu, ia o ni sa totogitaki ira talega na tamata ena vuku ni nodra i valavala ca na tamadra. Sa i kemuni na Kalou levu qaqa; ka sa yacamuni o Jiova ni lewevuqa.

Taniela 12:2

E vuqa vei ira era sa mate oti era na bula tale. Eso vei ira era na bula ka sega ni mudu, ia eso ena nodra na madua kei na veivakalolomataki tawa mudu.

Roma 8:31

Na cava tale me da qai kaya ena veika kece oqo? Kevaka sa noda i to na Kalou o cei ena qai noda meca?

2 Timoci 4:17

Ia sa tu ga e yasaqu na Turaga ka sa vakaukauwataki au, me'u vunautaka rawa kina na i tukutuku vinaka vei ira kece na kai matanitu tani me ra rogoca; ka sa sega kina ni tau vei au na i totogi mate.