Jeremaia 2:7 - Vakavakadewa Vou kei na iVola tale eso

⁷ Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. La ni ra sa lako mai Era sa vakacacana na noqu vanua; Ka vakadukadukalitaka na vanua au solia vei ira.

Ai Vola Tabu (Vakadewa Makawa Vakavoutaki 2021)

⁷ Ia ka'u a kauti kemudou ki na vanua sautu, mo dou kania na vuana kei na kena ka vinaka. Ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

AI VOLA TABU

⁷ Ia kaʼu a kauti kemudou mai ki na vanua sautu, me kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqui votavota dou sa cakava me ka vakasisila.

Vakavakadewa Makawa

⁷ Ia ka'u a kauti kemudou ki na vanua sautu, mo dou kania na vuana kei na kena ka vinaka; ia ni dou sa curu kina, dou sa vakadukadukalitaka na noqu vanua, ia na noqu i votavota dou sa vakasisilataka.

Ai Vola Tabu Ena Vakavakadewa Vou

⁷ Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. Ia ni ra sa lako mai, Era sa vakacacana na noqu vanua; Ka vakadukadukalitaka na vanua au solia vei ira.

Jeremaia 2:7 Iomraidhean Croise

Niemaia 9:25

Era a rawa na veikoro lelevu ka vakabai ni valu ena dua na vanua vutuniyau, ka kovea na nodra veivale era sisinai tu ena veika vinaka, na veitobu-vatu ni wai, na veiloga vaini, veiolive kei na veikau vuata e levu sara. Era a qai kana ka mamau, ka ra sa urouro mai, ka marautaka na nomuni yalovinaka.

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

Aisea 19:25

Ena vakalougatataki ira o Jiova ka kaya, “Au na vakalougatataki iko Ijipita na noqu tamata kei iko Asiria ka'u sa bulia vata kei iko Isireli na noqu tamata digitaki.”

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 3:1

A sa kaya o Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya o Jiova.

Jeremaia 3:2

Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Jeremaia 3:9

Ka sa sega ni kauwaitaka vakalailai. Sa vakadukadukalitaka na vanua; sa veibutakoci ena nona sa ia ga na sokalou ki na vatu kei na veivunikau.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 32:30

Mai na i vakatekivu ni kedra i tukutuku era cakava wale tikoga na veika au sega ni taleitaka, o ira na Isireli kei ira na Juta. Era a vakacudrui au na Isireli ena veimatakau era a cakava.

Isikeli 20:24

Au sa vakayacora oqo baleta ni ra sa sega ni muria na noqu lewa, ni ra sa beca na noqu i vunau, era sa vakacacana na noqu Siga ni Vakacecegu, ka sa gole ga na matadra ki na matakau ni nodra qase.

Isikeli 20:28

Ia ka'u a kauti ira mai ki na vanua ka'u a bubuluitaka me'u solia me nodra: ia ena veivanua ga era raica kina e dua na ulunivanua cecere, se dua na kau rugurugua, era sa vakacabora e kea na nodra i soro kei na nodra i madrali me ka ni veivakacudrui; era vakatubura cake e kea na nodra ka boi vinaka, ka sova talega kina na nodra i sevu.

Isikeli 20:6

Ena siga o ya, au a yalataka vei ira ni'u na kauti ira tani mai na vanua o Ijipita, ki na dua na vanua ka'u a vakadikeva matua me nodra, na vanua sa drodro kina na wai ni sucu kei na oni, na vanua uasivi ka lagilagi mai na veivanua kecega.

Isikeli 23:35

O koya oqo, sa kaya kina na Kalou o Jiova: “Ni o sa guilecavi au, ka biuti au ki dakumu, o koya oqo mo colata kina na i sau ni nomu i valavala ca ka vakasisila ni dautagane.”

Isikeli 36:17

“Luve ni tamata, ni ra sa tiko ena nodra vanua dina na mataqali i Isireli, era sa vakadukadukalitaka na nodra i tovo kei na nodra i valavala; na nodra i valavala e mataqu sa vaka na tawa savasava ni yalewa sa yacovi koya na nona matenivula.

Osea 9:3

Era na sega ni tiko voli ga ena vanua i Jiova na Isireli, ia era na vakalesui tale ki Ijipita ka kania kakana vakatabui mai Asiria.

Maika 2:10

Dou tucake ka lako yani; sa sega ni qai vanua vinaka ni tiko vakacegu na vanua oqo. Sa vakavuna ga na nomudou i valavala ca me rusa vakadua na vanua oqo.

Tiko mai na Lekutu 13:27

Era sa tukuna vei Mosese, “Keimami sa vakadikeva oti mai na vanua o ni sa talai keimami kina; ka sa dave dina kina na wai ni sucu kei na oni, ka sai koya oqo eso na kena vuata.

Vakarua 21:23

me kakua ni lili tu ga e kea na yagona me bogi. Me bulu ga ena siga o ya, ka ni sa tu ga na cudru i Jiova vua sa rube toka ena kau. Mo ni buluta na yagona me kakua kina ni vakadukadukalitaka na vanua sa solia vei kemuni o Jiova na nomuni Kalou.

Vakarua 32:9

Ni sai votavota i Jiova o ira na nona tamata, sa wasei tani o Jekope me nona.

Vakarua 6:18

Ni cakava na veika sa dodonu ka vinaka ena mata i Jiova, ka o ni na qai vinaka kina. Ena qai taukeni na vanua vinaka sa yalataka o Jiova vei ira na nomuni qase,