Jeremaia 2:5 - Vakavakadewa Vou kei na iVola tale eso

⁵ Sa kaya o Jiova: “A cava era raica na nomuni qase ni'u cala kina, Ka vakavuna me ra biuti au? Era qarava na veimatakau tawa yaga Me vaka na tamata yalo wai Ka ra sa mani yaco kina me ra ucui ira.

Ai Vola Tabu (Vakadewa Makawa Vakavoutaki 2021)

⁵ Sa kaya vakaoqo ko Jiova, “A caka cala cava era sa kunea vei au ko ira na tamamudou ka me ra lako vakayawa tani kina vei au, ka muria na ka wale, ka ra sa sega kina ni yaga?

AI VOLA TABU

⁵ Sa vosa vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa yaco me tawa yaga?

Vakavakadewa Makawa

⁵ Sa kaya vakaoqo ko Jiova, A caka cala cava era sa kunea vei au ko ira na tamamudou, me ra lako vakayawa tani kina vei au, ka muria na ka wale, ka ra sa sega kina ni yaga?

Ai Vola Tabu Ena Vakavakadewa Vou

⁵ Sa kaya ko Jiova: “A cava era raica na nomuni qase ni'u cala kina, Ka vakavuna me ra biuti au? Era qarava na veimatakau tawa yaga Me vaka na tamata yalo wai Ka ra sa mani yaco kina me ra ucui ira.

Jeremaia 2:5 Iomraidhean Croise

2 Tui 17:15

Era sa beca na nona i lesilesi kei na nona veiyalayalati ka a cakava o koya kei ira na nodra qase, kei na i vakaro ka a solia vei ira. Era a muria na veimatakau ceuceu tawayaga ka ra sa tawayaga vakakina; era a muria na i tovo ni veimatanitu e voliti ira, ka ra talaidredre kina ki na i vakaro i Jiova me ra kakua ni vakamurimuri ira.

NA SAME 115:8

O ira era buli ira ka vakararavi vei ira Era sa vakataki ira ga na matakau era bulia!

Aisea 29:13

A sa kaya o Jiova, O ira na tamata oqo era volekati au ga ena gusudra, Ka vakarokorokotaki au ena tebe ni gusudra; Ia na yalodra sa yawa tani sara mai vei au. Na nodra rerevaka na Kalou sa dua na lawa vakatamata, Era vulica me ra dau wiligusutaka.

Aisea 44:9

Era tawa yaga o ira kece era dau caka matakau, Ka tawa yaga na matakau era cakava. O ira era qarava na veikalou oqo Era mataboko, lecaika ka ra na vakamaduataki.

Aisea 46:12

“Ni rogoci au mada na tamata vakadrecike, O ni nanuma tiko ni yawa sara na qaqa.

Jeremaia 10:8

A nodra tamata vuku kece Era sa lialia ka sesewa. E rawa li ki na veimatakau Me vakavulici ira ena dua na ka?

Jeremaia 12:2

O ni a tei ira, Ka ra sa vakawakana; Era tubu ka vua sara. Era sa vosa vakavinakataki kemuni Ena gusudra. O ni sa yali ka yawa ena lomadra.

Jeremaia 14:22

E rawa li ki na veikalou ni veimatanitu Me vakatauca na uca? Se rawa li ki na lomalagi Me vakatauca na uca? Keimami sa vakanuinui ga vei kemuni, Jiova na neimami Kalou, Ni o ni sa cakava na veika kece oqo.

Jeremaia 2:31

Ni rogoca vinaka kece sara na Isireli na vosa ni Turaga. Au a vaka li na vanua dravuisiga vei iko, se vaka e dua na vanua rerevaki? A cava o ni kaya kina na noqu tamata keimami sa lewai keimami ga, keimami na cakava ga na ka keimami vinakata, ni keimami sa galala ka keimami sa na sega ni lesu tale yani vei iko?

Jeremaia 2:4

Ni vakarorogo mada ki na vosa i Jiova Na kawa i Jekope, Na veivuvale kece sara e Isireli.

Jeremaia 8:19

Rogoca na nodra tagi Na noqu tamata Sa rogo ena loma ni vanua taucoko “Sa sega dina ni tiko mai Saioni o Jiova? Sa sega ni tiko dina mai Saioni na kena tui? A cava era sa vakacudrui au kina Ena nodra matakau, Kei na nodra matakau tawa yaga Na kai tani?

Isikeli 11:15

“Luve ni tamata, o ira na wekamu e Jerusalemi era sa veitalanoataki iko tiko kei ira na wekamu na Isireli era sa tiko vakabobula. Era sa kaya, ‘Era sa lako tani vakayawa mai vei Jiova na tiko vakabobula; sa solia ga vei keimami na vanua oqo me keimami taukena.’

Isikeli 14:5

me rawa ni'u taura na lomadra na mataqali i Isireli, o ira kecega ka ra yalo vakatani vei au ena vuku ni nodra matakau.’

Jona 2:8

O ira sa dauqarava na veimatakau tawayaga Era sa biuta tani na nodra yalodina vei kemuni.

Maciu 15:8

‘Era vakarokorokotaki au na tamata oqo ena tebenigusudra, Ia sa yawa sara mai vei au na lomadra.

Cakacaka 14:15

ka qolouvaka, “Oi kemuni na turaga, a cava o ni sa cakava kina na veika oqo? Keirau tamata talega vakataki kemuni o keirau! Ia keirau sa mai vunautaka vei kemuni na i Tukutuku Vinaka mo ni saumaki tani kina mai na veika tawayaga vakaoqo, ka vakanamata vua na Kalou bula, o koya sa bulia na lomalagi kei na vuravura, kei na wasawasa kei na veika kecega sa tu kina.

Roma 1:21

Era sa kila tiko na Kalou, ia era sega ga ni vakarokorokotaki koya me vaka na kena dodonu, ka ra sega talega ni vakavinavinaka vua. Ia sa yaco me lialia kina na nodra vakanananu, ka butobuto na nodra vakasama.

Vakarua 32:21

Era sa vakacudrui au ena vuku ni nodra matakau, ka'u sa vuvutaki ira na nodra veikalou eso, na kalou era sa sega ni kalou vakaidina. Ia ka'u na lesia ena dua matanitu me vakacudrui ira; ka'u na vakavuna me ra dauvuvu vata kei na dua na matanitu lecaika.

1 Samuela 12:21

Mo ni kakua ni goleva na veikalou buli ena liga; era na sega ni vukei kemuni se vakabulai kemuni, baleta ni ra sega ni ka dina.