Jeremaia 2:25 - Vakavakadewa Vou kei na iVola tale eso

²⁵ Me vakaivava na yavamu Isireli, Mo kakua talega ni karamaca mai. Ia o sa qai kaya, sega, a cava na kena yaga? Au sa vinakati ira na kalou ni kai tani, Ka'u sa na muri ira ga!”

Ai Vola Tabu (Vakadewa Makawa Vakavoutaki 2021)

²⁵ Maroroya na yavamu mai na tawa vakaivava kei na nomu i tilotilo mai na viagunu. Ia ko a kaya, ‘Sa sega vei au nai nuinui, sa segai sara; ni'u sa vinakati ira na kai tani, ka'u sa na muri ira ga.’”

AI VOLA TABU

²⁵ Mo tarova na yavamu, me kakua ni tawa vakaivava; kei na nomui tilotilo, me kakua ni viagunu: ia ko a kaya, Sa ka li me yalolailaitaki? sa segai sara; niʼu a lomani ira na ka tani, ia kaʼu na muri ira ga.

Vakavakadewa Makawa

²⁵ Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Ai Vola Tabu Ena Vakavakadewa Vou

²⁵ Me kakua ni yavu na yavamu, i Isireli; Se cakava me mamaca na nomu i tilotilo mai na vakacemuri ira na veikalou tani. Ia o sa qai kaya, “Sega! Sa sega ni rawa ni'u vuki lesu. Au sa vinakati ira na kalou tani, Ka'u sa na muri ira ga!”

Jeremaia 2:25 Iomraidhean Croise

2 Veigauna 28:22

Ena gauna e ca vakalevu kina na nona leqa, sa qai levu cake ga na i valavala i Easi na tui vei Jiova.

2 Veigauna 28:23

A sa vakacaboisoro vei ira na kalou ni vanua o Siria, o ira ka vakadrukai koya ena i valu. A sa kaya, Me vaka ni a vukei ira na tui ni Siria na nodra veikalou na kai Siria, au sa na vakacaboisoro kina vei ira, ka me ra vukei au talega kina. Ia oqo sa vakavuna na nona rusa kei na nodra rusa na Isireli.

Aisea 2:6

Kemuni na Kalou, o ni sa biuti ira na nomuni tamata, O ira na kawa i Jekope. Sa sinai na vanua vei ira na daucakamana Kei ira na daucakaisausau era vakataki ira mai Filisitia, Ka ra sa robota na kai matanitu tani na vanua kecega.

Aisea 57:10

O ni sa vakaocai kemuni ena nomuni vaqarai ira na kalou tani, Ia o ni sa sega ni bau oca. O ni nanuma era sa solia vei kemuni na kaukauwa O ira na nomuni matakau, O ni sa sega ni oca kina.

Jeremaia 13:21

A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Jeremaia 13:22

Kevaka o ni taroga, se cava e yaco kina na ka oqo vei kemuni? A cava sa dresulaki kina na nomuni sulu, ka vakacacani kina? E baleta ga na rerevaki ni nomuni valavala ca.

Jeremaia 14:10

A tukuna o Jiova me baleti ira na tamata oqo, “Era sa vinakata me ra lako tani mai vei au vakaoqo, ka sa sega ni lewai ira rawa. O koya oqo au sa sega kina ni vinakati ira. Au na nanuma tiko na veika ca era cakava ka'u na vakaitotogitaki ira ena vuku ni nodra i valavala ca.”

Jeremaia 18:12

Era na qai kaya, “Sega, sa sega na betena! Keimami na cakava ga na veika keimami via cakava.”

Jeremaia 2:31

Ni rogoca vinaka kece sara na Isireli na vosa ni Turaga. Au a vaka li na vanua dravuisiga vei iko, se vaka e dua na vanua rerevaki? A cava o ni kaya kina na noqu tamata keimami sa lewai keimami ga, keimami na cakava ga na ka keimami vinakata, ni keimami sa galala ka keimami sa na sega ni lesu tale yani vei iko?

Jeremaia 22:20

Kemuni na lewe i Jerusalemi, Ni lako cake ki Lepanoni Ka kacivaka, Ni lako ki na vanua o Pasani Ka kailavaka; Ni la'ki kailavaka Mai na veiulunivanua mai Moapi, Baleta ni ra sa vakarusai kece O ira era dau lomani iko.

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, o Jiova, sa vosa vakaoqo.

Jeremaia 44:17

Keimami na vakacaboisoro ki na kalou yalewa ka vakatokai na radini lomalagi ka sova na i soro liviraki vua, me vaka keimami a dau cakava kei ira na neimami qase, ira na neimami tui, ira na neimami i liuliu mai na veikoro e Juta kei na veigaunisala mai Jerusalemi. Ia keimami a sautu kina ena kakana, tiko vinaka ka sega na leqa.

Lele i Jeremaia 1:2

A sa tagi vakalevu ena bogi taucoko, Sa drodrova na baluna na wai ni matana; Ena kedra maliwa na nona daulomani Sa sega e dua me vakacegui koya rawa; Era sa liumuritaki koya na nona i tokani kece, Ka yaco me ra nona meca tale.

Lele i Jeremaia 4:4

Era sa laivi ira ga na luvedra Me ra ciba ena viakana ka karamaca; Era sa kere kakana na luvedra, Ka sega ni dua e vakacegui ira kina.

Isikeli 20:32

Ia na ka sa tubu oqori e lomamuni, ena sega sara ni yaco ni o ni sa kaya, ‘Laiva me keimami vakataki ira na veimatanitu tani, kei na veimataqali ni veivanua, me keimami qarava na kau kei na vatu.’ ”

Osea 2:3

Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Osea 2:5

Ni sa kitaka ga na dautagane na tinadra: o koya sa kunekunetaki ira sa ia ga na i valavala e veivakamaduataki, ni sa kaya, “Au na muri ira na tagane eso ka'u sa domona — era sa solia na qau madrai kei na mequ wai, na noqu vutika ni sipi kei na noqu lineni, na noqu waiwai olive kei na mequ waini.”

Malakai 3:14

O kemuni o ni sa kaya, ‘Sa sega na betena na qaravi Kalou. A cava na kena yaga me da cakava kina na veika sa tukuna, se me da vakaraitaka vei Jiova ni lewevuqa na noda sa veivutunitaka na veika eda sa vakayacora?

Luke 15:22

Ia sa kacivi ira ga na nona tamata dauveiqaravi o tamana ka kaya vei ira, ‘Dou kauta vakatotolo mai na i sulu vinaka sara ka vakasulumi koya kina, ka daramaka na mama ki ligana, kei na i vava ki yavana.

Luke 16:24

A sa kaci ka kaya, ‘I Tamaqu Epara-ama! Ni yalololoma mai vei au, ka talai Lasarusa mada mai me la'ki tonia na nona i qaqalo ena wai ka mai vakabatabatataka na yamequ, baleta ni sa ka levu na noqu vakararawataki ena yameyame ni buka oqo!’

Roma 8:24

Ni sai koya na noda vakanuinui oqo eda sa vakabulai kina. Ia kevaka eda sa raica rawa tiko na ka eda nuitaka tiko, sa qai sega tale ni okati oqori me i nuinui dina. Se o cei mada e dau nuitaka me yaco e dua na ka sa raica rawa tiko?

Vakarua 28:48

Ena ka oqo, o ni na qaravi ira kina na kemuni meca ena talai ira mai o Jiova. O ni na viakana, ka viagunu, ka luvaiwale, ka gadreva na veika kecega. O Jiova ena vakararawataki kemuni sara vakalevu me yacova na nomuni sa vakarusai.

Vakarua 32:16

Na nodra qaravi kalou tani sa loma vuvu kina o Jiova; na nodra i tovo vakasisila sa vakavuna me cudru.