Jeremaia 2:23 - Vakavakadewa Vou kei na iVola tale eso

²³ O kaya rawa vakacava Ni o sega ni vakadukadukalitaki iko, Ni o a sa sega ni bau qaravi Peali? Raica mada na i valavala ca o a cakava ena qakilo, Ena kemu i rairai Sa vaka e dua na kameli yalewa sa sega ni vakacegui rawa Ena nona garova na tagane, Sa veiciciyaki ki na veiyasana kece ni sa tasere, Me vakaceguya na gagadre ni lomana.

Ai Vola Tabu (Vakadewa Makawa Vakavoutaki 2021)

²³ Ko sa kaya vakacava, ‘Au sa sega ni vaqeleqelewataki, Au a sega ni muri Peali’? Mo raica na nomu i valavala e na buca; kila mada na ka ko sa cakava— na kameli totolo ko iko sa vereverea na kenai lakolako,

AI VOLA TABU

²³ O sa kaya vakacava, Au sa sega ni vaqeleqeleataki, au a sega ni muri Peali? raica na nomui valavala e na buca, kila na ka ko sa cakava: na kameli totolo ko iko sa vereverea na kenai lakolako;

Vakavakadewa Makawa

²³ Ko sa kaya vakacava, Au sa sega ni vaqeleqelewataki, au a sega ni muri Peali? mo raica na nomu i valavala e na buca, kila mada na ka ko sa cakava: na kameli totolo ko iko sa vereverea na kenai lakolako;

Ai Vola Tabu Ena Vakavakadewa Vou

²³ O kaya rawa vakacava ni o sega ni vakadukadukalitaki iko, Ni o a sa sega ni bau qaravi Peali? Raica mada na i valavala ca o a cakava ena buca; raica na ka o sa cakava. O sa vaka na kameli kila sa via veiyacovi, ka sa veiciciyaki voli me vakaceguya na lomana,

Jeremaia 2:23 Iomraidhean Croise

Esiteri 8:16

Era a reki ka marau na Jiu ka ra dokai vakalevu.

NA SAME 36:2

Sa dau dokai koya ga vakaikoya ena nona vakasama, Ka nanuma ni na sega ni kunea na nona i valavala ca na Kalou, ka vakarusa.

NA SAME 50:21

O ni sa cakava na ka kece oqo, ka'u a galu ga, Ka o ni nanuma kina ni'u sa vakataki kemuni. Ia oqo ka'u sa vunauci kemuni kina, Ka vakotora vakamatata e matamuni na nomuni cala.

Vosavakaibalebale 28:13

O na sega ni toro cake kevaka o vunia tiko na nomu i valavala ca. Mo vakatusa ga ka biuta tani, ena qai vakaraitaka kina vei iko na Kalou na nona yaloveivosoti.

Vosavakaibalebale 30:12

Sa tu eso na tamata era sa nanuma era sa savasava, ia era sa sega ni savasava mai na nodra dukadukali.

Vosavakaibalebale 30:20

Sa vakaoqo na nona i valavala na yalewa vakawati sega ni yalodina: a sa ia na veibutakoci, a sa sisili, ka sa qai kaya, Ia au sa sega sara ni cakava e dua na cala!

Jeremaia 14:10

A tukuna o Jiova me baleti ira na tamata oqo, “Era sa vinakata me ra lako tani mai vei au vakaoqo, ka sa sega ni lewai ira rawa. O koya oqo au sa sega kina ni vinakati ira. Au na nanuma tiko na veika ca era cakava ka'u na vakaitotogitaki ira ena vuku ni nodra i valavala ca.”

Jeremaia 16:10

‘Ena gauna o sa tukuna kina na veika oqo vei ira, era na qai taroga vei iko se na cava na vuna au sa nakita kina me'u vakaitotogitaki ira ena ka ca rerevaki oqo. Era na taroga se na ka cava era sa cala kina se i valavala ca cava era sa vakayacora e matana o Jiova na nodra Kalou.

Jeremaia 2:36

A cava sa rui rawarawa kina na nomu veisautaka na lomamu? Era vakamaduataki iko o Ijipita, me vaka e a cakava o Asiria.

Jeremaia 3:2

Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Jeremaia 31:22

A cava so na kena dede Na nomuni lomaloma rua Na goneyalewa tawa vakabauta? Ni bulia tale na Turaga E dua na ka vou e vuravura; Sa yaco me kaukauwa e dua na yalewa malumalumu Me vaka e dua na tagane.”

Jeremaia 7:31

Na i cabocabonisoro o Tofeci era a tara ena Qakilo kei Inomi me ra rawa ni cabori ira kina na luvedra tagane kei na yalewa ena bukawaqa. Au a sega ni vakaroti ira me ra cakava na ka oqo, a sega tale mada ga ni bau lasika mai ena noqu vakanananu.

Jeremaia 9:14

Era sa muria ga na lomadra ena yalo kaukauwa ka qaravi Peali me vaka era a vakavulici ira kina na nodra qase.”

Osea 1:2

Ena i matai ni gauna sa vosa kina o Jiova vei Osea, ka kaya vua o Jiova, “Mo lako ka kauta me watimu e dua na yalewa dautagane, ka ra na luve ni veibutakoci na luvemu, ka ni sa dautagane vakalevu na vanua, ni ra sa vuki tani mai vei Jiova.”

Luke 10:29

Ia ni sa via vakadonui koya vakai koya ga, sa qai kaya vei Jisu, “Ia o cei na kai noqu?”

Roma 3:19

Eda sa qai kila oqo ni veika kecega sa vakaroti ena Lawa sa baleti ira era sa bula voli ena ruku ni Lawa, me vagalui kina na i ulubale kecega ni tamata ka me vakarorogo kina na vuravura taucoko ena ruku ni nona lewa na Kalou.