Jeremaia 2:21 - Vakavakadewa Vou kei na iVola tale eso

²¹ Au a tei iko me vaka na vaini digitaki, Ka mo vaka talega na sorenikau vinaka sara. Ia raica mada na kemu i rairai! O sa vaka na vaini ni veikau Au sa sega tale ni taleitaka.

Ai Vola Tabu (Vakadewa Makawa Vakavoutaki 2021)

²¹ Ia koi au ka'u a tei iko mo vaini vinaka ga, mo kau dinadina sara. Ia ko sa qai vuki vakaevei mo kau ca ni vaini tani vei au?

AI VOLA TABU

²¹ Ia koi au kaʼu a tei iko me vaini vinaka ga, mo kau dinadina sara; ia ko sa qai vuki vakaevei me kau ca ni vaini tani vei au?

Vakavakadewa Makawa

²¹ Ia koi au ka'u a tei iko mo vaini vinaka ga, mo kau dinadina sara; ia ko sa qai vuki vakaevei mo kau ca ni vaini tani vei au?

Ai Vola Tabu Ena Vakavakadewa Vou

²¹ Au a tei iko me vaka na vaini digitaki, Ka mo vaka talega na sorenikau vinaka sara. Ia raica mada na kemu i rairai! O sa vaka na vaini ca ni veikau.

Jeremaia 2:21 Iomraidhean Croise

Vakatekivu 18:19

Au sa digitaki koya me na muria na noqu veiyalayalati ka cakava na ka vinaka kei na ka dodonu. Au na qai vakayacora na ka kece au sa yalataka.”

Vakatekivu 32:28

Sa qai kaya tale na tamata o ya, “Ena sega tale ni vakatokai me yacamu o Jekope, ia sa na vakatokai me yacamu o Isireli;” baleta ni o sa veimulomulo kei na Kalou vata kei ira na tamata, ka sa rawata na qaqa.

NA SAME 105:6

Oi kemuni na kawa i Epara-ama na nona dauveiqaravi, Oi kemuni na kawa i Jekope na nona tamata digitaki.

NA SAME 44:2

Na nomuni a vakasavi ira tani na tawa vakabauta Ka qai vakatikori ira na nomuni tamata ena nodra vanua; Na nomuni a totogitaki ira na veimatanitu Ka vakavuna me ra tiko vinaka na nomuni tamata.

NA SAME 80:8

O ni a kauta mai e dua na vuni qerepivaini mai Ijipita; O ni sa vakasava tani na veimatanitu, ka qai tea kina.

NA SAME 80:9

O ni a vakasavasavataka e dua na vanua me bula kina A sa titobu sara na vanua e curuma na wakana, ka tete yani ki na vanua taucoko.

Lako Yani 15:17

O ni a kauti ira mai ka vakatikori ira ena nomuni tikotiko cecere, ena vanua o ni a digitaka Jiova me nomuni tikotiko tabu; na Valenisoro o ni a tara ga vaka i kemuni.

Aisea 1:21

Sa yaco vakacava me dautagane na koro yalodina? Ena dua na gauna era a tiko kina na yalo dodonu Ia oqo era sa tiko ga kina na daulaba.

Aisea 27:2

Ena siga o ya, ena tukuna na Turaga na nona loganivaini vinaka.

Aisea 41:8

Ia oi kemuni na Isireli na noqu dauveiqaravi Sa i kemuni na matamata au a digitaka; Oi kemuni na kawa i Epara-ama na wekaqu.

Aisea 5:4

A cava tale beka au a sega ni cakava ena noqu loganivaini Ka dodonu me'u a cakava? Ia ni'u sa vakaraica tiko me vuataka na vuana, A cava sa qai vuataka ga kina na qerepi ca?

Aisea 60:21

O ira kece na luvemu era na cakava na ka dodonu Ka taukena na vanua ka tawa mudu. Au a tei ira, ka buli ira, Me'u vakaraitaka na noqu cecere vei ira kece.

Aisea 61:3

me'u solia vei ira era sa tagi mai Saioni; Na reki kei na marau ka sega ni rarawa, E dua na sere ni veivakacaucautaki ka sega ni sere ni rarawa. Na Turaga sara ga vakai koya ena qaravi ira; Ka ra na tete yani me vaka na kau. Na tamata yadua ena cakava na ka dodonu, Ka na qai vakacaucautaki na Kalou ena ka sa cakava.

Jeremaia 11:16

E a vakatoka o Jiova vei kemuni ena dua na gauna mo ni dua na vunivaini vakadrauna bulabula, ka so bi tu ena vuana totoka; ia oqo au na vakama na drauna ka musulaka na tabana ena dua na rorogo vaka na lutu ni yaseyase se kurukuru.

Jeremaia 11:17

E a tei Isireli kei Juta o Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Jeremaia 5:10

Au na vakaroti ira Me ra musulaka sobu na nodra vaini, Ia me ra kakua ni vakarusai ira vakadua. Au na tukuna me ra musuka laivi na veitabana, Baleta ni ra sa sega ni noqu.

Lele i Jeremaia 4:1

Sa yali yani na tatalivaliva ni koula, Ka sa veisau na i rairai ni koula dina! Na veivatu tabu era sa veituyaki Ena veitolo ni salatu kecega.

Isikeli 15:2

“Luve ni tamata, a cava e yaga cake kina na vunivaini mai vei ira kece na kau ni veikau, ka yaga vakalevu cake e dua ga na tabana mai vei ira kece na kau ni veikau?

Maciu 21:33

“Dou rogoca e dua tale na vosa vakatautauvata. E a tiko kina e dua na i taukei ni vale ka tea e dua na loganivaini, ka viribaita vakavolivolita, ka taya ena vatu na i keli ni wai, ka tara na vale ni vakatawa, ka lisitaka vei ira eso na dauteitei, ka qai lako yani ki na vanua tani.

Marika 12:1

Sa qai vakatekivu me vosa vei ira o koya ena vosa vakatautauvata: “E a tea e dua na loganivaini e dua na tamata ka viribai wavokita, ka kelia e dua na i keli ni loba waini, ka tara na vale ni kena i vakatawa, ka lisitaka vei ira eso tale na dauteitei, a sa qai lako yani ki na dua na vanua tani.

Luke 20:9

Sa qai tekivu o Jisu me tukuna vei ira na tamata na vosa vakatautauvata oqo. “E a tea e dua na tamata e dua na loganivaini, ka lisitaka vei ira eso na dauteitei, ka lako ki na dua na vanua tani ka la'ki dede tu kina.

Joni 15:1

“Oi au na vaini dina, ka sa dauqarava na loganivaini o Tamaqu.

Vakarua 32:32

O ira na nodra meca, era sa ca me vakataki Sotoma kei Komora, era sa vaka na vunivaini sa vuataka na qerepi gaga ka rawa ni veivakamatei,

Vakarua 4:37

Me baleta ni a lomani ira na nomuni qase, a digitaki kemuni kina ka kauti kemuni tani mai Ijipita ena nona kaukauwa levu.

Josua 24:31

Era sa qaravi Jiova na Isireli ena gauna kece a bula tiko kina o Josua, ka vakakina ena nodra gauna na qase era sa bula siviti Josua ka ra kila na veika kece sa cakava o Jiova ena vukudra na Isireli.