Jeremaia 2:19 - Vakavakadewa Vou kei na iVola tale eso

¹⁹ Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Ai Vola Tabu (Vakadewa Makawa Vakavoutaki 2021)

¹⁹ Ena kemu kuita na nomu ca, ia na nomu vuki tani ena vunauci iko. Mo kila ga ka raica ni sa ka ca ka gaga na nomu biuti Jiova na nomu Kalou; ni sa sega talega vei iko na rerevaki au, sa kaya na Turaga ko Jiova-ni-lewevuqa.”

AI VOLA TABU

¹⁹ Ena vakanakuitataki iko na nomu ca, ia na nomu vuki tani ena vunauci iko: mo mani kila ka raica ni sa ka ca ka gaga na nomu biuti Jiova na nomu Kalou, ni sa sega talega ni tiko vei iko na rerevaki au, sa kaya na Turaga ko Jiova ni lewe vuqa.

Vakavakadewa Makawa

¹⁹ Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Ai Vola Tabu Ena Vakavakadewa Vou

¹⁹ Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga ko Jiova na Kalou ni lewevuqa.

Jeremaia 2:19 Iomraidhean Croise

1 Tui 18:18

A sa kaya o Ilaijia, “Au sega mada ni bau vakaleqai ira na Isireli; o kemuni ga, kei na mataqali i tamamuni, o ni sa biuta na vunau i Jiova, ka muri ira na Peali.

2 Veigauna 12:5

A lako o Semaia na parofita vei Reopoama, kei ira na turaga ni Juta, ka ra soqoni vata yani ki Jerusalemi ena vuku i Sisaki, a kaya vei ira, Sa kaya vakaoqo o Jiova, O ni sa biuti au, ia au sa na biuti kemuni ki na liga i Sisaki.

2 Veigauna 21:10

Era a vuki tani na kai Itomi me ra kakua ni qali vei ira na Juta ka yacova na siga edaidai. Ena gauna vata o ya, a vuki tani talega kina o Lipina me kakua ni qali vua, ni a biuti koya o Jiova na Kalou ni nodra qase.

2 Veigauna 25:16

Ia ni vosa tiko o koya, a qai sauma na tui ka kaya, E a keitou lesi iko beka li mo dua vei ira na lewe ni matabose vakatui? Tikolo mada! A cava na vuna me keitou vakamatei iko kina? E a qai tiko lo na parofita, ia ni bera ni tiko lo sa kaya taumada, Ia oqo au sa qai kila ni sa loma ni Kalou me vakarusai kemuni, baleta ni o ni sa kitaka na ka oqo, ka sega ni vakarorogo ki na noqu i vakasala.

NA SAME 36:1

Sa vosa na i valavala ca ki na vu ni yalona na tamata ca, Sa vakanadakuya kina na Kalou ka sega ni rokova.

Lako Yani 33:6

Ena vuku na ka oqo, era sa sega ni daramaka tale kina na nodra i ukuuku na Isireli me vakatekivu mai na nodra sa lako tani mai na Ulunivanua o Saineai.

Vosavakaibalebale 1:31

Sa i koya oqo o ni sa sota kaya kina na ka e dodonu me yacovi kemuni ka na vakatauvimatetaki kemuni na nomuni i vakarau.

Vosavakaibalebale 1:32

Era na mate na tamata ni ra besetaka na yalomatua, ni ra sa vakadonui ira vakai ira ga.

Vosavakaibalebale 5:22

Na nodra i valavala ca na tamata ca sa vaka e dua na dai. Era sa coko ga ena nodra dui i valavala ca.

Aisea 3:9

Na i rairai ni matadra sa beitaki ira. Era sa vakaraitaka e matana levu na nodra ca me vakataki Sotoma. Era na rusa, ni ra sa kauta mai vei ira na veivakarusai.

Aisea 5:5

Ia oqo au na tukuna vei kemuni, Na ka au na cakava ki na noqu loganivaini. Au na kauta tani na veikau era tubu wavokita Ka basuraka sobu na kena bai, Au na qai laivi ira na manumanu kila me ra buturaka sobu.

Aisea 50:1

A sa kaya o Jiova, “O ni sa nanuma beka au sa vakatalai ira tani na noqu tamata Me vaka e dua na tamata sa sereka na watina? E vei ga na i vola vakadinadina ni veisere? O ni nanuma beka au sa volitaki kemuni Vua e dua sa tu vua na noqu dina? Raica o ni a kau yani vakabobula ena vuku Ni nomuni i valavala ca. O ni a kau tani ena vuku ni nomuni talaidredre.

Jeremaia 1:16

Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 13:22

Kevaka o ni taroga, se cava e yaco kina na ka oqo vei kemuni? A cava sa dresulaki kina na nomuni sulu, ka vakacacani kina? E baleta ga na rerevaki ni nomuni valavala ca.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 3:22

Lesu mai, Oi kemuni kece sa gole tani mai vei Jiova. Ena vakabulai kemuni, Ka vakavuna mo ni yalodina. O Ni sa kaya, “Io, keimami sa lako mai vei Jiova baleta ni sai koya o Jiova na neimami Kalou.

Jeremaia 4:18

Juta, na nomu i tovo ga kei na veika o a cakava, sa kauta mai vei iko na veika oqo; Na nomu ca ga sa vuna na ka rarawa oqo; ka sa tara sara na yalomu.

Jeremaia 5:22

Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Jeremaia 5:24

Era sega ni dau kaya ena lomadra, ‘Me da sa rerevaki na noda Kalou, o koya sa solia mai na uca ena kena gauna, na uca ni vula i laulau kei na vula i tubutubu ka sa dau taqomaka tiko na macawa ni gauna ni tatamusuki.

Jeremaia 5:6

Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 7:19

Ia era sa vakacudrui au li? A sa kaya o Jiova, “Sega, era sa vakararawataki ira ga vaka i ira, ka vakavuna ga na ka me ra madua kina.”’

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Isikeli 23:30

Ni o sa dautagane ena kedra maliwa na veimatanitu, ka sa vakadukadukalitaki iko ena nodra veimatakau.

Isikeli 39:24

Au a cakacaka vakakina vei ira me vaka na nodra sega ni yalo savasava, kei na nodra talaidredre, ka tabonaka kina vei ira na mataqu.”

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Osea 13:9

“Oi kemuni na Isireli, au na vakarusai kemuni! Ia o cei li ena qai vukei kemuni?

Osea 14:1

Oi kemuni na Isireli, mo ni lesu tale mai vei Jiova na nomuni Kalou. Na nomuni i valavala ca sa vakavuna mo ni sikalutu ka bale sobu.

Osea 4:16

O ira na Isireli era sa tamata yalo kaukauwa ga me vaka na meule. Ena qai rawa vakaevei me'u vakani ira me vaka na luve ni sipi ena dua na vanua vinaka?

Osea 5:5

Na viavialevu i Isireli sai vakadinadina ni nona sa beitaki. Na nodra i valavala ca sa vakavuna na nodra bale, ka ra na bale vata kaya o ira na Juta.

Osea 7:2

Era sa sega ni bau vakasamataka ni'u na dau nanuma tikoga na nodra caka cala kece sara; ia na nodra i valavala ca sa wavoliti ira, ka sa tu ga e mataqu.”

Osea 9:1

Oi kemuni na Isireli, ni muduka na nomuni dau marautaka voli na nomuni solevu me vakataki ira na veimatanitu tale eso. O ni sa vuki tani mai vua na nomuni Kalou ka sega ni yalodina vua. O ni sa volitaki kemuni ga me vaka na yalewa dautagane vua na kalou o Peali ena veivanua kece sara, ka sa gadreva na i sau ni dautagane ena rara ni samu sila.

Emosi 8:10

Au na vukica na nomuni solevu ni marau me soqo ni rarawa, kei na nomuni sere kecega me tagi; ka'u na lewa mo ni sulumaka na i sulu taga, ka me ra tasi kece na ulumuni. Au na cakava oqori me vaka na nona lolositaka na luvena tagane e duabau o tamana. Ia na kena i tinitini ena vaka e dua na siga ni rarawa levu.

Maika 1:5

Na ka kecega oqo ena yaco baleta ni ra sai valavala ca ka dauvorata na Kalou o ira na Isireli. O cei me na beitaki vua na nodra talaidredre na Isireli? O Samaria ga, na koro turaga! O cei sa vakadinadinataka na cala ni qaravi kalou matakau mai Juta? O Jerusalemi ga!

Sakaraia 7:11

“Ia era sa bese ga ni via vakarorogo na noqu tamata. Era a sogota ga na yalodra

Roma 3:18

Ka sa sega talega ni tu vei ira na rerevaka na Kalou.”

Dauveilewai 10:13

Ia, o ni a vakanadakui au ga ka cuva ki na veikalou, ia oqo au na sega ni sereki kemuni tale.