Jeremaia 2:17 - Vakavakadewa Vou kei na iVola tale eso

¹⁷ Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Ai Vola Tabu (Vakadewa Makawa Vakavoutaki 2021)

¹⁷ A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

AI VOLA TABU

¹⁷ A ka o qo ko sa vakayacora vei iko, se segai, ni ko sa biuti Jiova na nomu Kalou, ni sa kauti iko e na sala?

Vakavakadewa Makawa

¹⁷ A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Ai Vola Tabu Ena Vakavakadewa Vou

¹⁷ Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:17 Iomraidhean Croise

1 Veigauna 28:9

Ia kivei Solomoni, a sa kaya, “Ia o iko, Solomoni na luvequ, mo kila na Kalou i tamamu, ka mo qaravi koya ena yalodina kei na lomasoli. Ni sa dikeva na yalo kece o Jiova, ka sa kila na i tuvatuva kece kei na nanuma ni lomada. Kevaka o na vakasaqarai koya, o na kunei koya; ia kevaka o na vakanadakui koya, ena biuti iko o koya ka tawa mudu.

2 Veigauna 15:2

ka sa lako yani me sotavi Asa. A sa kaya vua, Mo ni rogoci au mai, kemuni na tui, kei kemuni kecega na Juta kei na Penijamini. Sa tiko vata kei kemuni o Jiova kevaka o ni sa tiko vata ga kei koya. Kevaka o ni na vakasaqarai koya, ena vakatara o koya mo ni kunei koya; ia kevaka o ni biuti koya, ena biuti kemuni talega o koya.

Jope 34:27

me baleta ni ra a sa muduka na nodra muri koya Ka ra buturaka na nona i vakaro kecega.

Jope 4:8

Au sa bau raica oti talega, Na tamata era bucina ka tea na ka ca; Ni ra na tamusuka dina talega.

NA SAME 107:7

A liutaki ira yani o koya, Ki na koro me ra la'ki tiko kina.

NA SAME 136:16

Sa liutaki ira yani na nona tamata ena vanua dravuisiga o koya, Ni sa sega ni mudu na nona loloma tudei.

NA SAME 77:20

O ni sa tuberi ira na nomuni tamata me vaka na i vakatawanisipi, Ka rau a veiliutaki kina o Mosese kei Eroni. A Masikili i Esava.

Vosavakaibalebale 15:10

Ena vunauci ka totogitaki o koya sa biuta na sala; ka na mate o koya e sega ni via vakadodonutaki.

Aisea 1:4

O sa matanitu i valavala ca, Ka matatamata sa bikai ena i valavala ca. O ni sa luve ni dau caka ca. Era sa biuti Jiova; Era sa beca na Le dua Yalo Savasava ni Isireli, Ka vakanadakuya sara vakadua.

Aisea 59:13

Keimami sa dau saqati kemuni, Ka dau vakanadakui kemuni, Ka dau bese ni muri kemuni. Keimami sa dau vakararawataki ira na tani Ka dau saqati kemuni. Sa ka lasu na neimami vakasama kei na neimami vosa.

Jeremaia 13:22

Kevaka o ni taroga, se cava e yaco kina na ka oqo vei kemuni? A cava sa dresulaki kina na nomuni sulu, ka vakacacani kina? E baleta ga na rerevaki ni nomuni valavala ca.

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 2:13

Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 4:18

Juta, na nomu i tovo ga kei na veika o a cakava, sa kauta mai vei iko na veika oqo; Na nomu ca ga sa vuna na ka rarawa oqo; ka sa tara sara na yalomu.

Jeremaia 44:3

Au na cakava na ka oqo baleta ni ra a vakayacora na veika vakasisila na lewena ka vakacudrui au kina. Era vakacaboisoro ki na veikalou tani, ka ra qarava na veikalou era sega ni kila, ka sokalou kina, oi kemuni kei ira na nomuni qase.

Jeremaia 5:25

Na nomuni caka cala sa kauta tani na veika oqo kei na nomudou i valavala ca sa kauta tani vei kemudou na veika vinaka.

Isikeli 39:24

Au a cakacaka vakakina vei ira me vaka na nodra sega ni yalo savasava, kei na nodra talaidredre, ka tabonaka kina vei ira na mataqu.”

Osea 13:9

“Oi kemuni na Isireli, au na vakarusai kemuni! Ia o cei li ena qai vukei kemuni?

Maika 1:5

Na ka kecega oqo ena yaco baleta ni ra sai valavala ca ka dauvorata na Kalou o ira na Isireli. O cei me na beitaki vua na nodra talaidredre na Isireli? O Samaria ga, na koro turaga! O cei sa vakadinadinataka na cala ni qaravi kalou matakau mai Juta? O Jerusalemi ga!

Tiko mai na Lekutu 32:23

Ia kevaka o ni na sega ni kitaka vakakina, raica, o ni sai valavala ca ena mata i Jiova; ia mo ni kila vakavinaka tiko ni na talevi kemuni tale mai na nomuni i valavala ca.

Vakarua 32:10

“A sa kunei ira ni ra veilakoyaki voli ena vanua dravuisiga, ena vanua lala ka liwavi cagi. A sa taqomaki ira ka qaravi ira vinaka, ka sa maroroi ira me vaka na loa ni matana.

Vakarua 32:19

“Ni sa raica na ka oqo o Jiova, a sa cudru ka besetaki ira na luvena tagane kei na yalewa.