Jeremaia 2:13 - Vakavakadewa Vou kei na iVola tale eso

¹³ Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Ai Vola Tabu (Vakadewa Makawa Vakavoutaki 2021)

¹³ ni sa rua na ka ca era sa cakava, ko ira na noqu tamata: era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca ka sa lu tikotikoga.

AI VOLA TABU

¹³ ni sa rua na ka ca era sa cakava na noqu tamata; oi au era sa biuta, na mata-ni-wai bula, a ra sa taya me nodra nai keli-ni-wai, nai keli-ni-wai kaca, sa sega ni malu kina na wai.

Vakavakadewa Makawa

¹³ ni sa rua na ka ca era sa cakava, ko ira na noqu tamata; era sa biuti au, na mata-ni-wai bula, ka ra sa taya me nodra nai keli-ni-wai, nai keli-ni-wai ka ca, ka sa lu tikotikoga.

Ai Vola Tabu Ena Vakavakadewa Vou

¹³ Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na i keliwai, Na i keliwai cicila sa sega ni tawa rawa.

Jeremaia 2:13 Iomraidhean Croise

2 Tui 22:17

Era sa biuti au ka vakacaboisoro ki na kalou tani eso, ka ra sa vakacudrui au ena cakacaka kecega ni ligadra. Sa waqa kina na noqu cudru taucoko ki na vanua oqo, ka na sega ni bokoci rawa.

NA SAME 36:9

Sa i kemuni sa vakavuna na bula kecega, Ka keimami sa raica rawa na rarama mai na nomuni rarama.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 1:2

Sa sega ni vakaibalebale, sa sega ni vakaibalebale, sa kaya na Dauvunau. Sa sega ni vakaibalebale na bula.

Dauvunau 12:8

A sa kaya na Dauvunau, Sa sega ni yaga, sa sega ni yaga, sa sega ni yaga na ka kecega.

Dauvunau 2:11

Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Dauvunau 2:21

O a cakacakataka beka e dua na ka ena nomu vuku taucoko, nomu kila-ka taucoko, kei na nomu maqosa kece sara, ia o na qai laiva tu vei ira eso era sega ni daucakacaka. Sa sega sara ga na kena yaga ka sega ni dodonu.

Dauvunau 2:26

Sa solia na Kalou na vuku, na kila-ka kei na marau vei ira sa vinakata. O koya a vakacakacakataki ira na tani me ra rawa ka, ka maroroya, me na rawa ni solia na ka era rawata vei ira tale eso sa vinakata vakalevu cake o koya. Sa sega kecega na kena yaga. Sa vaka ga na vakatobo cagi.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Aisea 1:3

Na bulumakau sa kila na kena i taukei, Ka kila na asa na bai ni nona turaga. Ia o ira na Isireli sa sega ni kila, Era sa sega sara ni raica rawa na noqu tamata.

Aisea 1:4

O sa matanitu i valavala ca, Ka matatamata sa bikai ena i valavala ca. O ni sa luve ni dau caka ca. Era sa biuti Jiova; Era sa beca na Le dua Yalo Savasava ni Isireli, Ka vakanadakuya sara vakadua.

Aisea 12:3

Me vaka na kena kauta mai na marau na wai, Vei koya sa viagunu, Era sa marau vakakina na tamata ni Kalou, Ni sa vakabulai ira o koya.”

Aisea 5:13

O koya oqo era na kau kina vakabobula na noqu tamata. Era na mate na nomuni turaga ena viakana. Ka ra mate na tamata wale ena karamaca.

Aisea 55:2

Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.

Aisea 63:8

A sa kaya o Jiova. “Era sa noqu tamata ka ra na sega ni vakaisini au.” Au sa yaco me'u nodra i Vakabula

Jeremaia 1:16

Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 14:3

Era sa talai ira na nodra tamata na turaga Me ra la'ki taki wai; Era sa lako ki na veikeliwai, Ia era sa sega ni kunea kina na wai; Era sa lesu vata mai Kei na nodra saqa lala. Era sa yalo lailai ka veilecayaki, Ka ra sa ubia na uludra.

Jeremaia 15:6

O ni sa biuti au ga; Ka vakanadakui au. O koya oqo au sa dodoka kina na ligaqu Ka vakarusai kemuni, Baleta ni'u sa oca na tarovi kemuni tiko.

Jeremaia 17:13

O Jiova na i nuinui i Isireli; O ira kece era biuti koya Era na vakamaduataki. Era na yali Me vaka na yaca era volai Ena dela ni qele Baleta ni ra sa vakanadakuya na Turaga Na i vurevure ni wai ni bula.

Jeremaia 18:14

Sa bau mudu li Na lutu ni wai cevata Ena veidelana veivatu mai Lepanoni? Sa bau maca li Na kena veiuciwai batabata ni ulunivanua?

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 2:11

E bau dua li na matanitu sa veisautaka na nona kalou, Ka dina ga ni ra kalou lasu era sa qarava? Ia era sa vakaisosomitaki au na noqu tamata, Mai na Kalou ka sa vakarogoi ira, Ki na veikalou sa sega ni vukei ira rawa.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:26

Me vaka na nona vakamaduataki e dua na daubutako ni sa vesu, ena vakakina na nomuni vakamaduataki na Isireli; oi kemuni kece, na nomuni tui, na luvedra na tui, na nomuni bete kei ira na parofita.

Jeremaia 4:22

A sa kaya o Jiova, “Era sa lialia na noqu tamata; Era sa sega ni kilai au. Era sa vaka na gone yalo wai, Sa sega na nodra vakasama. Era sa matai ni cakava na ka ca, Ia era sa sega ni kila Na cakava na ka dodonu.”

Jeremaia 5:26

Sa kune na veivakaisini vei ira na noqu tamata era sa taura na nodra i yau na tani, era sa coriti ira na tamata me vaka na daubiri dai.

Jeremaia 5:31

Era sa parofisai vakailasu na parofita kei ira na bete era sa veiliutaki ena i vakasala ni parofita, ia o ira na noqu tamata era sa vinakata na veika oqo, ia a cava o na cakava ni sa yaco mai na kena i otioti?”

Isikeli 14:5

me rawa ni'u taura na lomadra na mataqali i Isireli, o ira kecega ka ra yalo vakatani vei au ena vuku ni nodra matakau.’

Isikeli 47:1

A sa kauti au tale o koya ki na daku ni katuba ni Valenisoro. A sa dave tiko na wai mai na ruku ni katuba ni Valenisoro ka drodro sobu vaka ki na tokalau (ni sa vuki vakakina ki na tokalau na Valenisoro). A sa drodro sobu tiko na wai mai na mua ni katuba ni Valenisoro vaka ki na ceva, mai na yasa ni cabocabonisoro.

Maika 2:8

A sa qai sauma o Jiova ka kaya, “Oi kemudou sara ga vakai kemudou sa vakavuna mo dou kedra meca na noqu tamata. Ni ra sa suka mai na i valu na tamata ka ra sa nanuma ni sa vanua vinaka duadua ni tiko vakacegu na nodra veivalevale, ia dou sa qai dau waraki ira toka mo ni butakoca na nodra kote.

Maika 6:3

A sa kaya o Jiova, “Kemuni na noqu tamata, na veika cava beka au sa vakayacora vei kemuni? Au sa vakaicolacolataki kemuni li vakaevei? Ni sauma na noqu taro.

Sakaraia 13:1

Sa qai kaya o Jiova ni lewevuqa, “Ni sa yaco mai na gauna o ya, sa na qai dolavi e dua na i vurevure ni wai me vakasavasavataki ira na kawa i Tevita kei ira na lewe i Jerusalemi mai na nodra i valavala ca kei na nodra qaravi kalou matakau.

Joni 4:10

Sa qai sauma o Jisu ka kaya vua, “Kevaka walega o sa kila na i solisoli ni Kalou kei koya sa kere gunu tiko oqo vei iko, ke o sa kerekere vua, ena solia vei iko o koya na wai ni bula.”

Joni 4:11

Sa qai kaya vua na yalewa, “E sega saka tu na nomuni i takitaki, ka sa titobu na i keliwai, o ni na kauta mai vei na wai ni bula?

Joni 4:14

ia o koya ena gunu ena wai au na solia vua ena sega ni viagunu ka tawamudu; ia na wai au na solia vua ena yaco me wai vure ena lomana ka tovure yani ki na bula tawamudu.”

Joni 7:37

Ena i otioti ni siga ni Solevu, na siga bibi duadua sara ena Solevu, sa qai tu cake o Jisu ka kaci, ka kaya, “Kevaka sa viagunu e dua na tamata, me lako mai vei au, ka gunu!

Vakarua 31:16

A qai kaya vei Mosese o Jiova, “Raica, sa toro voleka mai na gauna ni nomu mate, ka ra na sega ni dinati au na tamata oqo ena gauna o sa mate kina, ka voroka na veiyalayalati au sa vakayacora vata kei ira. Era na biuti au ka qaravi ira na veikalou tani ni vanua era sa vakarau la'ki tawana.

2 Pita 2:17

O ira na tamata oqo era sa vaka na i keliwai mamaca kei na o sa veicaginayaki ena cava. Sa vakarautaka tu na Kalou me nodra na tikina butobuto loaloa kei eli.

Vakatakila 21:6

Sa qai kaya vei au: “Sa vakayacori oti! Oi au na Alifa kei na Omeka, na i vakatekivu kei na i vakataotioti. Kivei ira sa viagunu, au na solia wale vei ira na wai mai na i vurevure ni wai ni bula.

Vakatakila 22:1

A sa qai vakaraitaka vei au na agilosi na uciwai ni bula sa makare sese sara na kena wai me vaka na karisitala, a sa drodro tiko mai na i tikotiko vakaturaga ni Kalou kei na Lami

Vakatakila 22:17

A rau sa kaya na Yalo Tabu kei na yalewa me vakamau, “Lako mai!” O ira kecega sa rogoca oqo me kaya talega, “Lako mai!” Me lako mai o ira vakayadua sa viagunu. Me ra ciqoma na wai ni bula me vaka ni sai solisoli vei ira vakayadua sa vinakata.

Dauveilewai 10:13

Ia, o ni a vakanadakui au ga ka cuva ki na veikalou, ia oqo au na sega ni sereki kemuni tale.

1 Samuela 12:10

Era sa qai tagi vei Jiova, ka kaya, ‘Keimami sa vakadinadinataka na neimami caka cala baleta ni keimami sa biuti Jiova ka qaravi Peali kei Aseteroci. Ia oqo mo ni vakabulai keimami mai na ligadra na neimami meca, ka keimami na qai qaravi kemuni!’