Jeremaia 19:7 - Vakavakadewa Vou kei na iVola tale eso

⁷ Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Ai Vola Tabu (Vakadewa Makawa Vakavoutaki 2021)

⁷ Ia ka'u na vakatawayagataka na lewa i Juta kei Jerusalemi e na yasana oqo, ka'u na lewa me ra bale e nai seleiwau e na matadra na nodra meca, e na ligadra talega era segata me ra vakamatei ira. Ia ka'u na solia na yagodra me kedra na manumanu vuka, kei na manumanu ni vanua.

AI VOLA TABU

⁷ Ia kaʼu na vakatawayagataka na lewa i Juta kei Jerusalemi e na yasana o qo, kaʼu na cakava me ra bale e nai seleiwau e na matadra na nodra meca, e na ligadra talega era qarai ira me ra vakamatea: ia kaʼu na solia na yagodra me kedra na manumanu ni lomalagi, kei na manumanu ni vanua.

Vakavakadewa Makawa

⁷ Ia ka'u na vakatawayagataka na lewa i Juta kei Jerusalemi e na yasana oqo, ka'u na lewa me ra bale e nai seleiwau e na matadra na nodra meca, e na ligadra talega era segata me ra vakamatei ira: ia ka'u na solia na yagodra me kedra na manumanu vuka, kei na manumanu ni vanua.

Ai Vola Tabu Ena Vakavakadewa Vou

⁷ Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Jeremaia 19:7 Iomraidhean Croise

2 Tui 21:14

Au na biuti ira tu mai na vo-ni-bula, ka soli ira yani vei ira na kedra meca me ra vakacacani ira ka butakoca na nodra vanua.

Vosavakaibalebale 21:30

Sa sega na vuku, se na kila-ka, se na i vakasala me uasivi cake mai vei Jiova.

Aisea 29:14

Raica au na cakava tale eso na ka veivakurabuitaki, Vei ira na tamata oqo, Na veika e veivakidacalataki ka veivakidroataki;

Aisea 8:10

Ni tuvana vata na nomuni i nakinaki! Ia era na sega ga ni yaco. Ni vosa ena levu taucoko! Ia ena tawayaga kece sara, Baleta ni sa tiko kei keda na Kalou.

Jeremaia 15:2

Kevaka e tarogi vei iko na vanua me ra lako kina, tukuna vei ira ni'u a sa tukuna oti. Eso era na mate ena mate veitauvi Ka o ya na vanua era na lako kina! Eso tale era na mate ena i valu Ka o ya na vanua era na lako kina! Eso era na mate ena viakana, Ka o ya na vanua era na lako kina! Eso tale ena kau vakabobula Ka o ya na vanua era na lako kina.

Jeremaia 15:9

Sa sega ni vakilai koya Na yalewa sa vakasucuma e vitu na luvena, Ka sa vuki na nona rarama me butobuto; Sa vakamaduataki na tauvi mate ni yalona. Ka'u sa laivi ira na kemuni meca Me ra vakamatei ira era sa bula tiko.” A sa kaya vakaoqo o Jiova.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 18:21

Ia oqo, kemuni na Turaga, ni laivi ira me ra mate ena i valu. Laivi ira na yalewa vakawati me ra yava ka sega ni vakawati, laivi ira na tagane me ra mate ena veimate ca, kei ira na nodra cauravou me ra mate ena i valu.

Jeremaia 21:7

A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Jeremaia 22:19

Ena bula me vaka e dua na asa, Ena yarataki tani; Ka viritaki Ena taudaku ni matamata kei Jerusalemi.”

Jeremaia 22:25

Ka soli iko vei ira era via vakamatei iko, o ira o sa rerevaki ira. Au na soli iko vei tui Nepukanesa mai Papiloni kei ira na nona sotia.

Jeremaia 32:28

Ia oqo, au sa na solia na koro oqo vei Nepukanesa na tui Papiloni kei na nona mataivalu, ka sa na samuta.

Jeremaia 34:20

Au na soli ira ki na ligadra na kedra meca kei ira era via vakamatei ira ka ra na kania na yagodra na manumanu vuka kei na manumanu kila.

Jeremaia 46:26

Au na soli ira vei ira era via vakamatei ira, vei Nepukanesa na tui Papiloni kei na nona mataivalu. Ia e muri ena qai tawa tale o Ijipita ena tamata me vaka e liu.

Jeremaia 7:33

Na yago ni tamata mate ena kedra na manumanu vuka kei na manumanu kila, ka na sega me na vakarerei ira tani.

Jeremaia 8:2

Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Jeremaia 8:8

O ni kaya rawa vakacava, ‘Keimami sa vuku ka sa tu vei keimami na i vakaro i Jiova’? Ni raica, sa veisautaki na i vakaro ena nodra mata ni peni na vunivola dauveivakaisini.

Jeremaia 8:9

Era sa vakamaduataki na nomuni tamata vuku; era sa veilecayaki ka tacori. Era sa biuta na noqu vosa, ia oqo, na vuku cava sa qai tu vei ira?

Lele i Jeremaia 3:37

O cei beka ena vakarota na kena caka, Kevaka e se bera ni vakadonuya o Jiova?

Vunau ni Soro 26:17

Au na saqati kemuni ka me ra samuti kemuni kina o ira na kemuni meca. Era na lewai kemuni o ira sa cati kemuni, ia o ni na rere vakalevu ka cici ni sa sega mada ga ni dua e vakasevi kemuni.

Vunau ni Soro 26:25

Au na vakavuna mo ni valuti, ka me totogitaki kina na nomuni voroka na veiyalayalati; kevaka o ni dro lesu ki na nomuni veikoro ena vaqara bula, au na tala yani na mate dewa vei kemuni, ka soli kemuni ki na ligadra na kemuni meca.

Roma 3:31

E kena i balebale beka oqo me sa biu laivi na Lawa ena vuku ni vakabauta? E sega, eda sa qai biuta ga na Lawa ena kena i tutu dina.

Roma 4:14

Ni kevaka sa soli na veika sa yalataka na Kalou kivei ira sa muria na Lawa, sa na qai sega ni vakaibalebale kina na vakabauta ka tawa yaga walega na vosa ni yalayala ni Kalou.

1 Samuela 17:46

Ena siga oqo, ena soli iko kina o Jiova ki ligaqu; ia au na vakamatei iko, ka tamusuka laivi na ulumu; au na solia talega na yagodra na tamata i valu ni Filisitia ena siga oqo vei ira na manumanu vuka, kei na manumanu kila ni vanua. Ena ka oqo, era na kila kece kina na kai vuravura ni tiko na nodra Kalou na Isireli,