Jeremaia 19:4 - Vakavakadewa Vou kei na iVola tale eso

⁴ Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Ai Vola Tabu (Vakadewa Makawa Vakavoutaki 2021)

⁴ Ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala,

AI VOLA TABU

⁴ ka ni ra sa biuti au, a ra sa vakacacataka na tikina o qo, a ra sa vakacaudreva kina na ka boi vinaka vei ira na kalou tani, era tawa kila, se ko ira, se na nodra qase, se ko iratou na tui Juta, a ra sa vakasinaita na yasana o qo e na kedra dra na tawa cala;

Vakavakadewa Makawa

⁴ ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Ai Vola Tabu Ena Vakavakadewa Vou

⁴ Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 19:4 Iomraidhean Croise

2 Tui 21:16

A vakadavea vakayauyau o Manasa na nodra dra na lewe vuqa ka ra a sega ni cala, me yacova ni sinai kina o Jerusalemi ena kena veiyasana kecega; ia oqo sa kena i kuri na nona i valavala ca ka vakaivalavalacataki ira kina na Juta, ni ra cakava na ka ca ena mata i Jiova.

2 Tui 23:10

A sa vakacacani Tofeci talega o Josaia na tui, ka oqo na vanua ni vakacaboisoro ki na kalou tani ena Buca kei Inomi, me kakua kina ni dua tale na tamata me vakacabora na luvena tagane se na luvena yalewa me i soro kama vua na kalou o Moloke.

2 Tui 24:4

ka vakabibi na nona vakamatei ira na tamata e sega ni dua na nodra cala. A sa sega ni rawa ni vosoti Manasa o Jiova ena vuku ni veika oqo.

NA SAME 106:38

Era sa vakamatei ira na tamata dodonu oqo, na luvedra tagane kei na luvedra yalewa, Me ra i soro vei ira na kalou ni Kenani; Ka sa vakadukadukalitaki na vanua ena veivakamatei oqo.

Aisea 59:7

Na yavamuni sa ciciva na ca, ka vakusakusa mo ni vakadavea na nodra dra na tamata dodonu. O ni sa vakasamataka ga ena nomuni vakasama na i valavala ca, Ka laiva tu na veika ca kei na veika sa rusa ena veivanua o ni lakova.

Aisea 65:11

Ia ena sega ni vakakina vei kemuni o ni sa vakanadakui au Oi kemuni o ni guilecavi Saioni na noqu ulunivanua tabu Ka qarava na Kalou ni kalougata kei na veivakaleqai.

Jeremaia 1:16

Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 11:13

Ni sa tautauvata na levu ni wiliwili ni nodra kalou na kai Juta kei na levu ni wiliwili ni nodra veikoro ka ra sa tara na lewe i Jerusalemi e vuqa na i cabocabonisoro ni i madrali vakasisila vei Peali, me vaka na i wiliwili ni gaunisala ena nodra koro.

Jeremaia 15:6

O ni sa biuti au ga; Ka vakanadakui au. O koya oqo au sa dodoka kina na ligaqu Ka vakarusai kemuni, Baleta ni'u sa oca na tarovi kemuni tiko.

Jeremaia 16:11

Ia mo qai kaya vei ira ni, Sa tukuna o Jiova. Era a biuti au na nomuni qase ka ra qara ka sokalou ki na veikalou tani. Era vakanadakui au ka sega ni muria na noqu i vakaro.

Jeremaia 17:13

O Jiova na i nuinui i Isireli; O ira kece era biuti koya Era na vakamaduataki. Era na yali Me vaka na yaca era volai Ena dela ni qele Baleta ni ra sa vakanadakuya na Turaga Na i vurevure ni wai ni bula.

Jeremaia 17:20

Tukuna vei ira na tui kei ira kece na lewe i Juta ka vakakina vei ira kece sara era tiko e Jerusalemi ka dau curu ena veimatamata oqori me ra rogoca na noqu vosa.

Jeremaia 18:15

Ia o ira na noqu tamata Era sa guilecavi au; Era sa vakama na ka boi vinaka Ki na veimatakau. Era sa tarabe ena sala e dodonu Me ra lako kina, Era sa sega tale ni qai muri Ena veisala makawa, Era sa lako Ena veigaunisala a sega ni bau lakovi.

Jeremaia 2:13

Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Jeremaia 2:34

Sa dukadukali tu na nomu i sulu ena nodra dra na dravudravua kei na yalododonu, na nodra dra era sega ni bau mai butako ena nomu vale. Ia, e veitalia ga na veika kece sara oqo, o sa kaya tikoga,

Jeremaia 22:17

Ia o iko O sa raica ga na ka o gadreva vakataki iko; O sa vakamatei ira na tamata yalododonu, Ka tabaki ira sobu vakaukauwa na nona tamata. Sa vosa ga vakaoqo o Jiova.

Jeremaia 22:3

Sa kaya o Jiova mo ni cakava na ka dodonu kei na ka savasava. Ni taqomaka na tamata sa vakaisini mai vei koya sa veivakaisini, kakua ni cakava e dua na ka ca se vakasosataki ira na vulagi, se vei ira na luveniyali, se na yada; ni kakua ni vakamatei ira na tamata yalododonu ena vanua tabu oqo.

Jeremaia 26:15

Ia mo ni kila tiko kevaka o ni vakamatei au, o ni sa cala ka vakakina o ira na lewe ni koro oqo ni o ni vakamatea e dua na tamata yalo dodonu, baleta ni a talai au mai na Turaga me'u tukuna na ka kece oqo vei kemuni.

Jeremaia 26:23

E ratou a kauti Uraia lesu mai vei Jo-akimi na tui ka vakamatei koya, ena i seleiwau ka viritaka na yagona ena kedra i bulubulu na tamata wale.

Jeremaia 44:3

Au na cakava na ka oqo baleta ni ra a vakayacora na veika vakasisila na lewena ka vakacudrui au kina. Era vakacaboisoro ki na veikalou tani, ka ra qarava na veikalou era sega ni kila, ka sokalou kina, oi kemuni kei ira na nomuni qase.

Jeremaia 5:6

Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 7:6

Me kakua na i valavala veivakaisini vei ira na vulagi, na luveniyali kei ira na yada. Me mudu na vakamatei ira na tamata yalo dodonu ena vanua tabu oqo. Me kakua talega na qarava na veikalou tani de'u na qai vakarusai kemuni.

Jeremaia 7:9

O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Lele i Jeremaia 4:13

Sa yaco ga ena vuku ni i valavala ca Mai vei ira na nona parofita kei na bete, O ira sa vakadavea na nodra dra na yalododonu Ena loma ni vanua.

Isikeli 20:26

ia ka'u na vakacacani ira ena nodra i solisoli, ena noqu cakava me ra vakacabora na nodra ulumatua kecega ena loma ni bukawaqa, me'u vakataqayataki ira kina, me ra kila ni sai au o Jiova.

Isikeli 7:22

Au na vagolea tani na mataqu mai vei ira, ka ra na vakacacana kina na noqu tikina tabu; ni ra na curu kina na daubutako me ra vakacacana, ka vakalala.

Isikeli 8:11

Era sa tucake tu e matadra o ira na nodra qase na Isireli era lewe vitusagavulu, ka tucake tu ena kedra veimama o Jeasanaia na luve i Safani. Era dui taura tu e ligadra na nodra miqa ni ka boi vinaka, a kuvu cake tu na kubou ni ka boi vinaka.

Taniela 11:31

Eso vei ira na nona matasotia era na la'ki tawana ka vakacacana na Valenisoro kei na kena veitikotiko ni yadra. Era na muduka na i soro ni veisiga ka ra vakatikora na Matakau Vakasisila.

Luke 11:50

Ka me ra na tarogi kina na i tabatamata oqo ena vuku ni kedra dra na parofita kecega ka a vakadavei mai na i vakatekivu kei vuravura;

Vakarua 13:13

O ira na tamata ca mai vei kemuni era sa lako yani ka liutaki ira ka vakasesei ira na lewe ni koro ka kaya, “Me da lako ka qaravi ira na veikalou tani eso, o ira o ni sega ni kilai ira.”

Vakarua 13:6

“Ena rawa sara mada ga vua na tacimuni, se na luvemuni tagane se yalewa, se na watimuni o ni sa lomana, se e dua na wekamuni voleka me vakauqeti kemuni lo mo ni qaravi ira na veikalou tani, na veikalou o ni sega ni bau kila se ra a qarava na nomuni qase.

Vakarua 28:20

“Kevaka o ni vakayacora na veika ca ka vakanadakui Jiova, sa na kauta mai vei kemuni na veivakarusai, na veilecayaki, ka na leqa na veika kecega o ni cakava, me la'ki yacova na nomuni sa vakarusai vakusakusa kece.

Vakarua 28:36

“Ena kauti kemuni kei na nomuni tui o Jiova ki na dua na vanua tani o ni a sa sega mada ni bau bula kina e liu, se o ira na nomuni qase. O ni na qarava mai kea na veimatakau caka ena kau kei na vatu.

Vakarua 28:64

“Ena vakasavi kemuni o Jiova ki na veimatanitu kecega, ki na i yalayala kei vuravura ka dua me yaco tale ki na yasana ka dua. O ni na qarava mai kea na kalou matakau caka ena kau kei na vatu. Na veikalou o ni a sega ni sa bau qarava vakadua o kemuni, se, o ira na nomuni qase.

Vakatakila 16:6

O ira oqo era a vakadavea na nodra dra na yalosavasava kei ira na parofita, ka o ni sa solia kina vakaoqo vei ira na dra me ra gunuva. Sa rauta vinaka me ra sotava na ka oqo!”

Dauveilewai 5:8

A sa qai yaco na i valu mai vanua ena gauna era qaravi kalou tani kina na Isireli. Mai na 40,000 na tagane e Isireli, e dua li e bau tauri sasabai se moto?