Jeremaia 19:2 - Vakavakadewa Vou kei na iVola tale eso

² Ka curu ena matamata ni koro o Poliseti vaka ki na Qakilo kei Inomi. Me'u la'ki vunautaka e kea na vosa ni Turaga, ka a solia vei au.

Ai Vola Tabu (Vakadewa Makawa Vakavoutaki 2021)

² ia dou lako vata yani ki na buca ni luve i Inomi, mai nai curucuru ki na Matamata-ni-koro mai Potiseti, ia mo vunautaka mai kea na vosa ka'u na tukuna vei iko,

AI VOLA TABU

² ia dou lako yani ki na buca ni luve i Inomi, mai nai curucuru ki na matamata-ni-koro mai cake, ia mo vunautaka maikea na vosa kaʼu na tukuna vei iko,

Vakavakadewa Makawa

² ia dou lako vata yani ki na buca ni luve i Inomi, mai nai curucuru ki na matamata-ni-koro mai na tu-i-cake, ia mo vunautaka maikea na vosa ka'u na tukuna vei iko,

Ai Vola Tabu Ena Vakavakadewa Vou

² Ka curu ena matamata ni koro o Poliseti vaka ki na Qakilo kei Inomi. Me'u la'ki vunautaka e kea na vosa ni Turaga, ka a solia vei au.

Jeremaia 19:2 Iomraidhean Croise

2 Tui 23:10

A sa vakacacani Tofeci talega o Josaia na tui, ka oqo na vanua ni vakacaboisoro ki na kalou tani ena Buca kei Inomi, me kakua kina ni dua tale na tamata me vakacabora na luvena tagane se na luvena yalewa me i soro kama vua na kalou o Moloke.

2 Veigauna 28:3

A bau la'ki vakama talega o koya na ka boi vinaka ena Buca o Inomi, ka sa vakacabori ira me ra i soro kama na luvena ena bukawaqa, me vaka na nodra i valavala velavela na veimatanitu tani, ka vakasavi ira tani kina o Jiova e matadra na Isireli.

2 Veigauna 33:6

A sa vakacabori ira na luvena ena Buca o Inomi me ra nona i soro kama. A sa dau lakovi ira na daurairai, ka qarava na i vakatakilakila kei na caka i sausau; a dau curuma na nodra i soqosoqo na dau vakadraunikau kei na vakaluveniwai. A sa valavala ca vakalevu sara o Manasa ka vakavuna me cudru vakalevu kina o Jiova.

Niemaia 3:29

A taravi ira o Setoki na luve i Ima ka viri bai taudonuya ga na nona vale. A sa qarava na cakacaka ni viri bai ena tikina e tarava o Semaia na luve i Sekonaia, na i vakatawa ni Matamata ena Tokalau.

Jeremaia 1:7

Ia sa kaya ga vei au o Jiova, “Kakua ni tukuna ni o sa rui gone, ia mo lako ga vei ira na tamata au sa talai iko kina, ka tukuna vei ira na ka kecega au sa vakarota vei iko.

Jeremaia 11:6

A qai kaya o Jiova vei Jeremaia, “Mo la'ki kacivaka na veivosa kece oqo ena veikoro e Juta kei na veigaunisala mai Jerusalemi. Ni rogoca na veivosa ni veiyalayalati ka muria.

Jeremaia 18:2

Lako sobu mada ki na nona vale na dautuli kuro, au na qai vosa vei iko mai kea.”

Jeremaia 26:2

A tukuna na Turaga o Jiova vei Jeremaia, “Mo la'ki tu ena rara ni vale tabu ka tukuna na veika kece sara au vakaroti iko kina vei ira na tamata kece era lako mai ena veikoro e Juta me ra qarava na Kalou e kea. Kakua sara ni vunia e dua na ka.

Jeremaia 3:12

Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Jeremaia 32:35

Era sa tara na veicabocabonisoro vei Peali ena Buca o Inomi me ra vakacabora kina na luvedra tagane kei na luvedra yalewa vua na kalou o Moloke. Au a sega ni vakaroti ira me ra cakava na ka oqo, e a sega mada ga ni'u bau vakasamataka ni ra na cakava na ka vakasisila vakaoqo, ka vakavuna na nodra i valavala ca na lewe i Juta.”

Jeremaia 7:2

Lako ki na matamata ni vale i Jiova ka la'ki vunautaka kina na vosa oqo, ‘Kemuni kece na lewe i Juta o ni dau curu ki na matamata oqo mo ni qaravi Jiova.’

Jona 3:2

“Mo lako ki na koro levu o Ninive ka la'ki vunautaka vei ira na tamata na i tukutuku ka'u na solia vei iko.”

Maciu 10:27

Na ka au tukuna vei kemudou ena buto, dou tukuna ena rarama, kei na ka dou rogoca ni vakasolokakanataki e daligamudou, dou kacivaka ena dela ni vale.

Cakacaka 20:27

Ka ni'u a sa vakamacalataka vakavinaka sara vei kemuni na i naki ni Kalou, ka sega ni vunia e dua na tikina.

Cakacaka 5:20

“Dou lako, dou la'ki tu e Valenisoro ka tukuna vei ira na tamata na veika kecega baleta na bula vou oqo.”

Josua 15:8

ka cabeta cake na buca i Peniinomi ena ceva ni baba ka toka kina o Jerusalemi, na nodra koro na Jepusaiti. Mai kea a gole cake na i yalayala ki na dela ni ulunivanua ka toka ena ra ni Buca o Inomi ena ucu ni Buca o Refaimi ka gole ki na vualiku.