Jeremaia 18:10 - Vakavakadewa Vou kei na iVola tale eso

¹⁰ Ka qai vakayacora na veika ca na matanitu o ya, ia au na qai veisautaka na lomaqu me baleta na ka au a tukuna me'u na cakava.

Ai Vola Tabu (Vakadewa Makawa Vakavoutaki 2021)

¹⁰ kevaka ena caka ca e mataqu, me sega ni vakarorogo ki domoqu, ka'u na qai veivutunitaka na vinaka, ka'u a kaya me'u cakava me ra vinaka kina.

AI VOLA TABU

¹⁰ kevaka ena caka ca e mataqu, me sega ni vakarorogo ki domoqu, kaʼu na qai veivutunitaka na vinaka, kaʼu,, a vosa meʼu cakava me ra vinaka kina.

Vakavakadewa Makawa

¹⁰ kevaka ena caka ca e mataqu, me sega ni vakarorogo ki domoqu, ka'u na qai veivutunitaka na vinaka, ka'u a kaya me'u cakava me ra vinaka kina.

Ai Vola Tabu Ena Vakavakadewa Vou

¹⁰ Ka qai vakayacora na veika ca na matanitu o ya, ia au na qai veisautaka na lomaqu me baleta na ka au a tukuna me'u na cakava.

Jeremaia 18:10 Iomraidhean Croise

NA SAME 125:5

Ia, ni totogitaki ira ga era muria tikoga na nodra i tovo ca, Mo ni totogitaki ira talega sa biuta vakatikitiki na nomuni sala. Me qai yaco ga na tiko sautu e Isireli! A Sere ni cabecabe.

Isikeli 18:24

“Ia ni sa gole tani na tamata yalo dodonu, mai na nona caka dodonu, ka kitaka na ka ca me vaka na i valavala vakasisila kecega sa cakava na tamata ca, ena bula li o koya? A nona i valavala dodonu kece sa cakava oti, ena sega ni nanumi tale: na talaidredre a talaidredre kina, kei na nona i valavala ca sai valavala ca kina, ena mate ga kina o koya.

Isikeli 33:12

“Ia o iko na luve ni tamata, mo kaya vei ira na kai nomu, Ena sega ni vakabulai koya na yalo dodonu na nona i valavala dodonu. Ena siga sa talaidredre kina; ia na nona cala na tamata ca ena sega ni mate kina o koya ni sa vuki tani mai na nona ca; ia o koya sa yalo dodonu ena sega ni vakabulai koya na nona i valavala dodonu ena gauna sai valavala ca kina.

Isikeli 33:18

Ni sa gole tani o koya sa yalo dodonu mai na nona i valavala dodonu, ka sa cakava na ka ca, ena mate kina o koya.

Isikeli 45:20

Ia mo kitaka vaka talega kina ena i kavitu ni siga ni vula, ena vukudra yadua sa caka cala, ena vakacalaka se ena lecaika; ia mo ni sorovaka vakaoqo na Valenisoro.

Sefanaia 1:6

Au na vakarusai ira era sa vuki tani ka sa sega ni muri au, o ira era sa sega ni lako mai vei au se ra kerei au me'u dusimaki ira.”

Tiko mai na Lekutu 14:22

ena sega sara ni dua vei ira na tamata oqo me na bula tiko me yacova na vanua yalataki. Era sa raica na noqu i serau kei na cakacaka mana ka'u sa kitaka mai Ijipita kei na loma ni vanua lala; ia era sa vakatovolea na noqu dauvosota voli ena vuqa sara na gauna, ka ra sa sega ni vakarorogo ki na noqu vosa.

Tiko mai na Lekutu 14:23

Era na sega sara ni butuka na vanua ka'u sa bubului kina me'u solia vei ira na nodra qase. Ena sega sara ni dua vei ira ka besetaki au me na butuka na vanua o ya.

Tiko mai na Lekutu 14:34

O ni na sotava na i sau ni nomuni valavala ca me vasagavulu na yabaki, me tau yadua na yabaki na veivasagavulu na siga kece sara o ni a la'ki vakadikeva kina na vanua o Kenani. O ni na kila kina na i balebale ni noqu cudruvi kemuni!

1 Samuela 13:13

A qai vosa vei Saula o Samuela, ka kaya, “Na i tovo lialia sara o sa cakava oqo. O sa sega ni muria na vunau i Jiova na nomu Kalou ka a vakarota vei iko; ia kevaka o a talairawarawa kina, ke a vakataudeitaka o Jiova na nomu matanitu e Isireli me tawa mudu.

1 Samuela 15:11

“Au sa veivutuni dina ni'u a buli Saula me tui; ni sa vakanadakui au o koya, ka sega ni muria na noqu i vakaro.” A sa cudru o Samuela, ka sa tagi vei Jiova ena bogi taucoko.

1 Samuela 15:35

A sega ni raici Saula tale o Samuela me yacova na siga sa mate kina; ia, a sa tagicaka na nona bula. A sa veivutunitaka o Jiova na nona lesia me buli o Saula me nodra tui na Isireli.

1 Samuela 2:30

O koya oqo, sa lewa kina o Jiova na nodra Kalou na Isireli, ‘Au a kaya vakaidina me ra vakaitavi vakabete e mataqu na nomu lewe ni vale, kei ira na lewe ni vale i tamamu, ka sega ni mudu.’ Ia oqo sa kaya o Jiova, ‘Me yawa vei au oqo, ka ni'u sa na sega ni vosota tale, ni'u na vakarokorokotaki ira ga era sa vakarokorokotaki au; ia o ira era beci au, era na beci talega.