Jeremaia 17:9 - Vakavakadewa Vou kei na iVola tale eso

⁹ O cei e kila rawa na yalo ni tamata? Sa ka e dau veivakaisini duadua Mai na veika kecega; Sa tauvi mate vakaca sara.

Ai Vola Tabu (Vakadewa Makawa Vakavoutaki 2021)

⁹ Sa ka dauveivakaisini duaduaga na yalo ni tamata; ka sa dredre ni vinaka— ko cei me kila rawa?

AI VOLA TABU

⁹ Sa ka dauveivakaisini duaduaga na loma ni tamata, ka dredre ni vinaka: o cei me kila rawa?

Vakavakadewa Makawa

⁹ Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Ai Vola Tabu Ena Vakavakadewa Vou

⁹ O cei e kila rawa na yalo ni tamata? Sa ka e dau veivakaisini duadua Mai na veika kecega; Sa tauvi mate vakaca sara.

Jeremaia 17:9 Iomraidhean Croise

Vakatekivu 6:5

Ni sa raica o Jiova na vakasisila ni nodra i valavala na tamata ena dela i vuravura kei na ca ni nodra vakanananu ena gauna kece sara,

Vakatekivu 8:21

A sa boica na i soro ni veivinakati o Jiova ka sa kaya e lomana, “Au na sega tale ni cudruva na vuravura ena vuku ni ka ena cakava na tamata. Ni'u kila ni sa tekivu ca na vakanananu ni tamata mai na gauna e a gone kina. Au na sega tale ni vakarusa na veika bula kecega me vaka na ka au sa vakayacora oqo.

2 Samuela 11:15

A sa vola vakaoqo ena i vola: “Mo biuti Uraia ena yatu e liu ni buturara ni valu, ena vanua e katakata duadua kina na i valu. Dou qai suka tani mai ka laivi koya yani me vakamatei.”

NA SAME 51:5

Raica, au a sucu vata ga mai kei na i valavala ca, A tamata daucaka cala mai na gauna e kunekunetaki au kina o tinaqu.

NA SAME 64:7

Ia sa vanai ira na Kalou ena nona gasau ni dakaititi, Ka ra sa mavoa sara vakasauri.

Vosavakaibalebale 28:26

Sa ka lialia me da muria ga na noda nanuma, ia o koya sa muria na nodra i vakavuvuli na tamata vuku ena vakabulai.

Dauvunau 9:3

Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Aisea 1:5

A cava na vuna mo ni laumoku tale kina? A cava o ni vakadrecike tiko ga kina? Sa robota kece tu na ulumu na mate, Ka sa datuvu na yalomu.

Aisea 1:6

Mai na qeteqete ni yavamu me yaco sara ki ulumu, Sa sega ni dua na tikimu me vinaka; Sa robo ena mavoa, drakulu kei na vidikoso, Ka sa sega ni bau sava se vadretitaki, Sa sega talega ni bau vakamalumutaki ena waiwai.

Aisea 6:10

Ia sa qai kaya vei au na Turaga, “Vakagogotaka na nodra vakasama na tamata oqo, vakadidivarataka na daligadra, ka vakamatabokotaka na matadra me ra kakua ni rai rawa, se rogo rawa, se kila rawa, ka me ra na qai gole ga mai vei au ka vakabulai.”

Jeremaia 16:12

Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Maciu 13:15

Ni sa moce na lomadra na tamata oqo, Ka sa didivara mai na daligadra, Ka sa bobo na matadra. Kevaka e sega, ena rai na matadra, Ka rogo na daligadra, Ka kila na lomadra, Ka lesu mai me'u vakabulai ira.’

Maciu 15:19

Ni sa dau lako mai na loma ni tamata na vakanananu ca ka ia kina na daulaba, na dauyalewa, na dauveibutakoci, na daubutako, na veibeitaki vakailasu, kei na dauvakaucacataki ira na tamata eso.

Marika 2:17

A sa rogoca o Jisu ka sa sauma vei ira, “E sega ni yaga na vuniwai vei ira na bula vinaka, vei ira ga na tauvimate; au sa sega ni lako mai me'u kacivi ira na tamata dodonu, o ira ga na i valavala ca.”

Roma 1:21

Era sa kila tiko na Kalou, ia era sega ga ni vakarokorokotaki koya me vaka na kena dodonu, ka ra sega talega ni vakavinavinaka vua. Ia sa yaco me lialia kina na nodra vakanananu, ka butobuto na nodra vakasama.

Roma 7:11

Ni sa kaukauwa na ca ena vuku ni vakaro, ka sa vakaisini au kina ka vakamatei au.

Efeso 4:22

Mo ni biuta tani na nomuni i tovo ni bula eliu, na nomuni i tovo ni bula makawa vata kei na kena gagadre e dau veitemaki ka dauveivakarusai.

Iperiu 3:12

Kemuni na wekaqu, ni qarauna me kakua ni dua vei kemuni e tiko vua na yalo ca ka sega ni vakabauta ka me biuta laivi kina na Kalou Bula.