Jeremaia 17:8 - Vakavakadewa Vou kei na iVola tale eso

⁸ Sa vaka e dua na kau sa tei volekata na wai; Ka sa tete yani na wakana ki na uciwai. Sa sega ni rere ni sa yaco mai na draki katakata, Baleta ni sa drokadroka tu ga na drauna; Ni sega na uca sa sega ni taqaya Ka sa sega ni mudu na kena vua.

Ai Vola Tabu (Vakadewa Makawa Vakavoutaki 2021)

⁸ Ni na vaka na kau sa tei e na bati ni wai, ia sa vakateteva na wakana ki na bati ni uciwai. Ena sega ni kila ni sa yaco mai na katakata, a drauna talega ena drokadroka tu; ia e na yabaki ni dausiga ena sega ni nuiqawaqawa kina, ena sega talega ni mudu ni vuavuai.”

AI VOLA TABU

⁸ ni na vaka na kau sa tei e na bati ni wai, ia ki na bati ni uciwai sa vakatala kina na wakana, ena sega ni kila ni sa yaco mai na katakata, a drauna talega ena drokadroka tu; ia e na yabaki ni dausiga ena tawa nuiqawaqawa kina, ena sega talega ni mudu ni vuavua.

Vakavakadewa Makawa

⁸ ni na vaka na kau sa tei e na bati ni wai, ia sa vakateteva na wakana ki na bati ni uciwai, ena sega ni kila ni sa yaco mai na katakata, a drauna talega ena drokadroka tu; ia e na yabaki ni dausiga ena sega ni nuiqawaqawa kina, ena sega talega ni mudu ni vuavuai.

Ai Vola Tabu Ena Vakavakadewa Vou

⁸ Sa vaka e dua na kau sa tei volekata na wai; Ka sa tete yani na wakana ki na uciwai. Sa sega ni rere ni sa yaco mai na draki katakata, Baleta ni sa drokadroka tu ga na drauna; Ni sega na uca sa sega ni taqaya Ka sa sega ni mudu na kena vua.

Jeremaia 17:8 Iomraidhean Croise

Jope 29:19

Au a vaka na vunikau sa dautiko ga na wai ena wakana, Ka sa vakasuasuataki vinaka na tabana ena tegu.

Jope 8:16

Na tamata ca sa vaka e dua na vunikau bulabula, Sa tete yani na tabana ka vakaruguta na vanua.

NA SAME 1:3

Era sa vaka na veivunikau sa tei ena bati ni uciwai, Sa vuataka na vuadra ena kena gauna, Ka sa sega ni malai na drauna. Era na rawata na veika kece sara era sasagataka.

Vosavakaibalebale 11:28

O ira era vakararavi ki na nodra i yau era na lutu me vaka na lutu ni draunikau ena vula i botabota, ia era na tubu vinaka ga na yalododonu me vaka na draunikau ena vula i katakata.

Aisea 58:11

Au na qai liutaki kemuni tikoga, ka vakamamautaki kemuni ena veika vinaka. Au na maroroi kemuni mo ni qaqa tikoga. O ni na qai vaka e dua na i teitei sa vakasuasuataki vinaka, Ka vaka e dua na mata ni wai sa sega ni maca rawa.

Aisea 61:3

me'u solia vei ira era sa tagi mai Saioni; Na reki kei na marau ka sega ni rarawa, E dua na sere ni veivakacaucautaki ka sega ni sere ni rarawa. Na Turaga sara ga vakai koya ena qaravi ira; Ka ra na tete yani me vaka na kau. Na tamata yadua ena cakava na ka dodonu, Ka na qai vakacaucautaki na Kalou ena ka sa cakava.

Jeremaia 39:18

Au na taqomaki iko mo bula ka o na sega ni vakamatei. O na drotaka rawa na nomu bula baleta ni o sa vakadinati au. Sa i Jiova ga sa kaya vakaoqo.

Isikeli 31:3

Raica, au sa vakatauvatani iko kei na dua na vuni sitari mai Lepanoni, Ni sa bulabula na veitabana, Sa veikau rugurugua ka cecere sara, Ka sa tubu sara na vusona e loma ni o.

Isikeli 47:12

Ia era na tubu ena bati ni uciwai ruarua na veimataqali kau me laukana. Ena sega ni malai na drauna, se me vuavuai ca; era na sobi tikoga na vuadra ena veivula, ni sa vure na wai ni uciwai mai na tikina tabu. Era na laukana na vuanikau, ia na drauna ena wai ni veivakabulai.”