Jeremaia 17:6 - Vakavakadewa Vou kei na iVola tale eso

⁶ Era na vaka e dua na kau Ena vanua dravuisiga, E bula toka Ena dua na vanua qele mamaca sara, Ena qele tuituina Ka sega ni bula tale kina E dua na ka; A sa sega ni bau kunea kina E dua na ka vinaka.

Ai Vola Tabu (Vakadewa Makawa Vakavoutaki 2021)

⁶ Ni na vaka na kau e na vanua dravuisiga ko koya, ena sega ni kunea na vinaka ni sa yaco mai. Ena tikotiko ga e na vanua mamaca e na loma ni vanua lala, e na vanua masima sa sega ni tawa.

AI VOLA TABU

⁶ ni na vaka na karuka ni talasiga ko koya, ena sega talega ni kunea na vinaka ni sa yaco; ena tikora ga na vanua dravuisiga mai veikau, e na vanua masima sa sega ni tawa.

Vakavakadewa Makawa

⁶ ni na vaka na luveniyali ni veikau ko koya, ena sega talega ni kunea na vinaka ni sa yaco mai; ena tikotiko ga e na vanua dravuisiga mai veikau, e na vanua masima sa sega ni tawa.

Ai Vola Tabu Ena Vakavakadewa Vou

⁶ Era na vaka e dua na kau Ena vanua dravuisiga, E bula toka Ena dua na vanua qele mamaca sara, Ena qele tuituina Ka sega ni bula tale kina E dua na ka; A sa sega ni bau kunea kina E dua na ka vinaka.

Jeremaia 17:6 Iomraidhean Croise

2 Tui 7:2

A vosa mai e dua na turaga ka dau sala vata kei na tui, ka kaya vua na tamata ni Kalou, “Raica, kevaka sa cakava o Jiova eso na katuba mai lomalagi, ena yaco rawa beka na ka oqo?” A sa kaya o Ilaisa, “Raica, o na kunea e matamu, ia o na sega ga ni kana mai kina.”

Jope 20:17

Ena sega ni bula tiko o koya me raica na uciwai ni waiwai olive, Se na veiuciwai sa dave mai kina na sucu kei na oni.

Jope 39:6

Au a solia vei ira me nodra koro na vanua talasiga, Ka vakalaivi ira me ra dau tiko ena veibuca ni masima.

NA SAME 1:4

Ia era sa sega ni vakaoqo o ira na tamata ca; Era sa vaka ga na qa ni sila sa uvuca tani na cagi.

NA SAME 107:34

Sa vukica na vanua bulabula me vanua dravuisiga, Me baleta na nodra ca na tamata era tiko kina.

NA SAME 92:7

Era na tubu na tamata ca me vaka na co, Ka toso cake na nodra rawa-ka na tamata i valavala ca; Ia era na qai vakarusai kece vakadua,

Aisea 1:30

O ni na qai vaka na vuni oki sa malai, Kei na i teitei sa sega ni vakasuasuataki.

Jeremaia 29:32

O koya oqo sa kaya kina o Jiova: ‘Au na totogitaki Semaia na kai Neilama kei ira na nona kawa. Sa na sega na nona kawa me na bula kei kemuni ka sa na sega ni bula tiko me na raica na veika vinaka au na vakayacora vei ira na noqu tamata baleta ni sa tukuna vei ira me ra saqati au.’

Jeremaia 48:6

‘Totolo! ni drotaka na nomuni bula! Me vaka e dua na ose kila ni veikau!’

Isikeli 47:11

Ia ena sega ga ni wai dranu na wai ki na kena veitikina lolobo, ka qiloni tu; ena biu tu ga me rawa kina na masima.

Sefanaia 2:9

O koya oqo, me vaka ni'u sa nodra Kalou bula na Isireli, au sa yalataka kina ni rau na vakarusai vakaidina o Moapi kei Emoni me vakataki Sotoma kei Komora. E rau na yaco ga me rau vanua ni keli masima kei na rusa tawa mudu, ka tubua vakalevu ena co. O ira na vo-ni-bula vei ira noqu tamata era na qai kovea na nodra i yau ka taura na nodra vanua.”

Vakarua 29:23

Ena mamaca na vanua taucoko ka ubia na sulifure kei na masima, ena sega ni dua na ka e tei rawa kina. Na co mada ga ena sega ni bula rawa kina. Na nomuni vanua ena vakataki Sotoma kei Komora, Atima kei Sepoimi, na vanua sa vakarusa o Jiova ena nona cudru katakata.

Dauveilewai 9:45

Ena siga taucoko o ya a valuta tiko kina na nodra koro o Apimeleki, a kovea na koro, vakamatei ira era tiko kina, vakama na koro ka kaburaka kina na masima.