Jeremaia 17:4 - Vakavakadewa Vou kei na iVola tale eso

⁴ O ni na biuta tu mai na nomuni vanua au a solia vei kemuni. Au na cakava mo ni qaravi ira na kemuni meca ena dua na vanua o ni sega ni kila, baleta ni sa vaka na buka na noqu cudru, ena kama tiko ka tawa mudu.

Ai Vola Tabu (Vakadewa Makawa Vakavoutaki 2021)

⁴ Ia ko iko talega, ko na kua so ni tiko e na nomu i tikotiko ka'u a solia vei iko, ia ka'u na lewai iko mo qaravi ira na nomu meca e na vanua ko sa lecava, ni sa dua na buka dou sa tutuvaka e na noqu cudru, ena waqa ka sega ni mudu.”

AI VOLA TABU

⁴ Ia ko iko talega, ko na kua so ni tiko e na nomui tikotiko kaʼu a solia vei iko, ia kaʼu na cakavi iko mo qaravi ira na nomu meca e na vanua ko sa lecava: ni sa dua na buka dou sa tutuvaka e na noqu cudru, ena waqa ka tawa mudu.

Vakavakadewa Makawa

⁴ Ia ko iko talega, ko na kua so ni tiko e na nomu i tikotiko ka'u a solia vei iko, ia ka'u na lewai iko mo qaravi ira na nomu meca e na vanua ko sa lecava: ni sa dua na buka dou sa tutuvaka e na noqu cudru, ena waqa ka sega ni mudu.

Ai Vola Tabu Ena Vakavakadewa Vou

⁴ O ni na biuta tu mai na nomuni vanua au a solia vei kemuni. Au na cakava mo ni qaravi ira na kemuni meca ena dua na vanua o ni sega ni kila, baleta ni sa vaka na buka na noqu cudru, ena kama tiko ka tawa mudu.

Jeremaia 17:4 Iomraidhean Croise

1 Tui 9:7

au na qai muduki ira tani na Isireli mai na vanua ka'u a solia vei ira; ia ena vuku ni vale oqo ka'u sa vakatabuya ki na yacaqu au na biuta tani e mataqu, ka na vukici o Isireli me vosataki ena vosa vakaibalebale, ka vosabecitaki vei ira na veimatanitu kecega.

2 Tui 25:21

ena vanua o Emaci. A sa mokuti ira mai kea o tui Papiloni ka vakamatei ira. Ena ka oqo era sa kau vakabobula kina o ira na Juta mai na nodra vanua.

Niemaia 9:28

Ena gauna ni sautu era a qai valavala ca tale e matamuni. Ia o ni a soli ira tale ki na ligadra na kedra meca me ra lewai mai vei ira. Ni ra sa veivutuni ga ka tagi vei kemuni, o ni a qai rogoci ira tale mai lomalagi, ka sa vuqa na nomuni dau vakabulai ira ena vuku ni nomuni dau yalololoma.

Aisea 14:3

Ena vakacegui ira na Isireli mai na nodra mosi kei na rarawa o Jiova, ka vakakina mai na cakacaka kaukauwa era a vakabobulataki kina me ra cakava.

Aisea 30:33

Ni sa vakarautaki makawa tu na vanua me na kama kina O koya na tui Asiria ena bukawaqa. Na kena matadravu sa titobu sara ka rabailevu, Ka sa levu sara na kena buka era sa bini cake tu. Na i cegu i Jiova, Ka sa vaka na kubou ni sulifure katakata, Ena vakawaqaca na buka.

Aisea 5:25

O koya oqo sa cudruvi ira kina na nona tamata o Jiova, Ka sa dodoka yani na ligana me totogitaki ira. Ena uneune na veiulunivanua, Ka na mai tu na yagodra era sa mate oti Ena gaunisala me vaka na benu. Ni sa yaco kece oqo e sa sega ga ni oti Na cudru ni Turaga. A sa dodoka tikoga yani na ligana.

Aisea 50:11

Oi kemuni kece o ni nakita mo ni vakarusai ira na tani, Ena vakarusai kemuni na nomuni i naki. Na Turaga sara ga vakai koya ena vakavuna me yaco na ka oqo; O ni na sota kaya kina e dua na veivakararawataki ca sara.

Aisea 66:24

Ia ni ra sa na lesu, era na raica na yago ni tamata mate era sa dau talaidredre vei au. Ena sega ni mate na kedra baca, ka na sega talega ni bokoci rawa na kedra buka; ka ra na ka vakasisila vei ira na tamata kecega.”

Jeremaia 12:7

Sa kaya o Jiova, “Au na vakanadakui ira na noqu tamata, Au na biuta laivi na noqu matanitu digitaki. Ka'u na soli ira na tamata au sa lomani ira Ki na ligadra na kedra meca.

Jeremaia 15:14

Au na cakava me ra qaravi ira na kedra meca ena dua na vanua era se sega ni bau kila, baleta ni sa vaka na bukawaqa na noqu cudru, ka na tawa mudu na kena waqa.”

Jeremaia 16:13

O koya oqo au sa na biuti kemuni tani kina mai na vanua oqo ki na dua na vanua o ni sa sega ni bau kila vakadua se o ira na nomuni qase. Mai kea o ni na qai la'ki qaravi ira kina na veikalou tani ena siga kei na bogi, ka'u sa na sega ni vakaraitaka vei kemuni e dua na ka vinaka.’ ”

Jeremaia 18:23

Ia, Turaga, o ni sa kila na vere ca kece era nakita me ra vakamatei au kina. Ni kakua ni vosota na nodra ca; ni kakua ni bokoca na nodra i valavala ca. Ni vakadrukai ira; ni vakayacora ena gauna ni nomuni cudru.

Jeremaia 2:14

E bobula li o Isireli? Sa sucu beka ga mai me veiqaravi? Ia ena vuku ni cava ga Era sa vakasasataki koya kina na kena meca?

Jeremaia 21:12

Raica me caka na lewa dodonu ena veisiga. Taqomaka na tamata sa vakaisini mai vei koya sa veivakaisini, kevaka o na cakava, na noqu cudru ena waqa me vaka na buka ena sega ni boko rawa.

Jeremaia 22:28

A sa kaya o Jeremaia, “Sa yaco li o Jo-akini na tui me vaka e dua na saqa kavoro sa viritaki laivi ka sa sega e dua e vinakata? A cava na ka e kau tani kina o koya kei ira na luvena ki na dua na vanua e ratou sa sega ni kila?”

Jeremaia 5:19

Ni ra taroga se cava sara mada au vakayacora kina na veika oqo, “Mo kaya vei ira Jeremaia, me vaka ni ra sa vakanadakui au ka qaravi ira na veikalou tani ena nodra vanua dina, era na qai la'ki qaravi ira na vulagi vakakina ena vanua sa sega ni nodra.”

Jeremaia 5:29

A sa kaya o Jiova, “Me'u na sega li ni lewai ira ena vuku ni veika oqo. Me'u na sega li ni ia na veivakadodonutaki ena matanitu sa vaka tu oqo?

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Lele i Jeremaia 1:12

Sa ka wale li vei kemuni sa lako voli yani? Ni raica mada ka kila, Se sa tiko e dua na rarawa Sa vaka na noqu rarawa sa caka vei au O koya sa kauta mai o Jiova Ena siga ni nona cudru kaukauwa.

Lele i Jeremaia 5:2

Na ka e neimami sa soli vei ira na kai tani; Era sa tiko ena neimami veivale na vulagi.

Isikeli 21:31

Ia ka'u na sovaraka vei iko na noqu cudru; ka'u na uvuca e delamu na bukawaqa ni noqu cudru; ka'u na soli iko ki na ligadra na tamata dauveivakararawataki, ka kedra dau na veivakarusai.

Isikeli 7:24

ka'u sa kauti ira mai na tamata lolovira ni veimatanitu me ra mai taukena na nodra veivale. Au na muduka vakadua na nodra viavialevu kaukauwa; ena vakacacani na nodra veiyasana tabu.

Vakarua 28:25

“Ena vakavuna o Jiova me ra vakadrukai kemuni o ira na kemuni meca. O ni na valuti ira mai na dua na yasana, ia o ni na dro lesu ki na veiyasana kecega; ka ra na rere na veimatanitu kecega e vuravura ni ra sa raica na ka e yacovi kemuni.