Jeremaia 17:3 - Vakavakadewa Vou kei na iVola tale eso

³ Kei na dela ni veiulunivanua, ena loma ni vanua. Au na solia vei ira na nomuni meca me ra tokitaka na nomuni yau kei na nomuni veika talei me baleta na veivalavala ca o ni sa vakayacora ena nomuni vanua.

Ai Vola Tabu (Vakadewa Makawa Vakavoutaki 2021)

³ Ko iko na noqu ulunivanua mai vanua, na nomu i yau, kei na nomu ka talei kece ka'u na solia me tokitaki ga, ia na nomu veiyasana cecere sa ia kina nai valavala ca, e na nomu i yalayala kecega.

AI VOLA TABU

³ Noqu ulu-ni-vanua mai lekutu, na nomui yau, kei na nomu ka talei kece kaʼu na solia me tokitaki ga, ia na nomu veiyasana cecere mei valavala ca kina, e na nomui yalayala kecega.

Vakavakadewa Makawa

³ Ko iko na noqu ulu-ni-vanua mai vanua, na nomu i yau, kei na nomu ka talei kece ka'u na solia me tokitaki ga, ia na nomu veiyasana cecere sa ia kina nai valavala ca, e na nomu i yalayala kecega.

Ai Vola Tabu Ena Vakavakadewa Vou

³ Kei na dela ni veiulunivanua, ena loma ni vanua. Au na solia vei ira na nomuni meca me ra tokitaka na nomuni yau kei na nomuni veika talei me baleta na veivalavala ca o ni sa vakayacora ena nomuni vanua.

Jeremaia 17:3 Iomraidhean Croise

2 Tui 24:13

A sa kauta ki Papiloni na i yau talei kecega ni Valenisoro kei na valenitui. Me vaka na vosa i Jiova, a sa musumusuka o Nepukanesa na veiyaya koula kece sara ka a cakava o Solomoni na tui Isireli me vakayagataki ena Valenisoro.

NA SAME 78:58

Era sa vakacudrui koya ena nodra veivanua ni qaravi kalou tani, Ka vakavuvutaki koya ena nodra matakau;

Aisea 27:9

Ena sega sara ni bokoci na i valavala ca nei Isireli, Me yacova ni ra sa vurumemea me vaka na lase Na veivatu ni veicabocabo ni soro kei na veikalou lasu, Ka sega tale ni duri tu e dua na matakau, Se i cabocabonisoro ni veika boi vinaka.

Jeremaia 12:12

Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Jeremaia 15:13

A sa kaya o Jiova, “Au na tala mai eso na mataivalu me ra tokitaka na veika era sa taukena kei na nodra i yau na noqu tamata, me kedra i totogi me baleta na i valavala ca era sa vakayacora ena vanua oqo.

Jeremaia 20:5

Au na laivi ira talega na kedra meca me ra butakoca na i yau kece sara ni koro oqo ka vesuka na kena veiyaya kece sara kei na ka e tu kina, era na bau kauta talega na nodra veiyau talei na tui Juta ka kauta kece ki Papiloni.

Jeremaia 21:13

Jerusalemi o sa toka e cake ena dela ni veitokaitua me vaka na vatu cere ena loma ni buca. Ia ena vala kei iko o Jiova. Baleta ni o sa kaya ni sega ni rawa ni dua me ravuti iko se basuka rawa na kemu bai.”

Jeremaia 26:18

Ena gauna a tui Juta kina o Esekaia, e a tukuna kina na parofita o Maika na kai Moreseci vei ira kece na tamata ni a kaya na Kalou Kaukauwa, ‘Ena siviyarataki o Saioni me vaka e dua na buca; Ka na vaka e dua na i binibini vatu e Jerusalemi; Na ulunivanua ni Valenisoro me dua na veikau.’

Lele i Jeremaia 1:10

Era sa dodoka yani na ligadra o ira na meca Ka tara na veika vinaka sa tu vei au, Era sa raici ira na veimatanitu Ni ra sa kaba mai na nona tikina tabu. Sa raici ira o koya ni ra sa curuma na Valenisoro, Ena tikina vakatabui vei ira na kai matanitu tani.

Isikeli 16:39

Ka'u na soli iko ki ligadra na nomu i tau, ka ra na talaraka sobu na nomu bure cecere, ka basuka sobu na nomu yasana cecere; ka ra na luvata tani mai vei iko na nomu i sulu, ka kauta tani na nomu i yaya vakaiukuuku, ka biuti iko mo luvawale tu ka sega ni vakaisulu.”

Isikeli 23:46

A kaya vakaoqo na Kalou o Jiova: “Kauti ira cake mai na lewe vuqa, ka soli vei ira me rau vakacacani ka me i toki.

Isikeli 6:3

Mo kaya vei ira, ‘Oi kemuni na veiulunivanua e Isireli, ni rogoca na vosa ni Kalou o Jiova! Sa kaya vakaoqo na Kalou o Jiova ki na veiulunivanua, na veidelana, ki na veiqakilo, kei na veibuca: “Raica, oi au, ka'u na kauta vei kemuni na i seleiwau, ia ka'u na vakarusa na nomuni yavu cecere.

Vunau ni Soro 26:30

Au na vakarusa talega na nomuni vanua ni sokalou ena veidelana, ka vakarusa na nomuni i cabocabo ni ka boi vinaka, ka binia na yagomuni mate ena dela ni yagodra na nomuni matakau ceuceu kecega; ia ena cati kemuni na yaloqu.

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.

Sefanaia 1:13

Ena kovei vakaukauwa na nodra i yau, ka vakarusai na nodra veivale. Era na sega ni tawana na veivale era sa tara tiko, se gunuva na waini mai na veivaini era sa tea tu.”