Jeremaia 17:2 - Vakavakadewa Vou kei na iVola tale eso

² Era sa nanuma tiko na luvemuni na veicabocabonisoro kei na veiduru tabu era a vakaduri cake vua na kalou yalewa o Asera ena veivunikau drokadroka, ena veidelana,

Ai Vola Tabu (Vakadewa Makawa Vakavoutaki 2021)

² ni ra sa vakananuma tiko ko ira na luvedra na nodra i cabocabo-ni-soro kei na nodra kalou yalewa e na ruku ni kau bulabula mai na veiulunivanua.

AI VOLA TABU

² ni ra sa nanuma tiko ko ira na luvedra na nodrai cabocabo-ni-soro kei na nodra kalou alewa e ruku ni kau bulabula mai na veiulu-ni-vanua.

Vakavakadewa Makawa

² ni ra sa nanuma tiko ko ira na luvedra na nodra i cabocabo-ni-soro kei na nodra kalou yalewa e ruku ni kau bulabula mai na veiulu-ni-vanua.

Ai Vola Tabu Ena Vakavakadewa Vou

² Era sa nanuma tiko na luvemuni na veicabocabonisoro kei na veiduru tabu era a vakaduri cake vua na kalou yalewa o Asera ena veivunikau drokadroka, ena veidelana,

Jeremaia 17:2 Iomraidhean Croise

2 Veigauna 24:18

Era a biuta na vale i Jiova na Kalou ni nodra qase, ka qarava na kalou yalewa ni veikau kei na nodra matakau. A yaco na cudru vei ira na Juta kei ira mai Jerusalemi me baleta na nodra valavala cala oqo.

2 Veigauna 33:19

Na nona masu na tui kei na i sau ni masu mai vua na Kalou, na i tukutuku me baleta na i valavala ca e vakayacora ni bera na nona veivutuni, oqori na cala ka kitaka, na vanua ni qaravi kalou tani kei na i vakatakarakara ni kalou yalewa o Asera ka sa bulia, vata kei na veimatakau e cuva kina, a sa volai ena nodra i Vola Tukutuku na Parofita.

2 Veigauna 33:3

A tara vou tale o koya na veitikina cecere ka a basuraka sobu o Esekaia na tamana, a sa vakaduria tale na i cabocabonisoro me nodra na Peali, ka cakava na kalou yalewa ni veikau, a soro ka qaravi ira talega na kalokalo ni lomalagi.

NA SAME 78:58

Era sa vakacudrui koya ena nodra veivanua ni qaravi kalou tani, Ka vakavuvutaki koya ena nodra matakau;

Lako Yani 34:13

Ia mo talaraka sobu na nodra i cabocabonisoro, mo vorolaka na nodra duru vatu vakatabui, ka taya laivi na nodra i vakatakarakara ni kalou yalewa o Asera.

Aisea 1:29

O ni na qai maduataka na vuni oki o ni sa dau qarava, Kei na veiwere tabu o ni sa digitaka.

Aisea 17:8

Era sa na sega tale ni qai vakararavi ki na veicabocabo ni soro era cakava ga e ligadra se vakadinati na veika era cakava ga ena ligadra, o ya na i vakatakarakara ni kalou yalewa o Asera kei na i cabocabonisoro me vakamai kina na ka boi vinaka.

Jeremaia 2:20

“Isireli, o a sa besetaka makawa sara na noqu lewa; O cata na muri au, ni o sa kaya, Au na bese ni qarava! Ia ena veidelana cecere Kei na ruku ni veivunikau drokadroka, O a sega ni yalodina vei au Me vaka na yalewa dautagane.

Jeremaia 3:23

Sa sega ni dua e veivuke vei keimami mai na veidelana se mai na veivavakoso domo levu mai na veiulunivanua. Na veivuke me baleti Isireli sa taka duadua ga mai vei Jiova na neimami Kalou.

Jeremaia 3:6

A sa kaya vei au o Jiova ena gauna a tui kina o Josaia, “O sa raica na ka sa cakava o Isireli, na yalewa sega ni yalodina ena nona sa gole tani vei au? Sa kaba cake ki na veidelana cecere kei na ruku ni veivunikau me dautagane kina?

Jeremaia 7:18

Era cabuka mai na gone, era vakawaqara na matadravu na tagane, ka ra bali valawa na marama me ra vavi keke baleta na kalou yalewa era vakatoka me ranadi ni lomalagi; era sova talega na waiwai dau vakacabori ki na veikalou tani me ra vakacudrui au kina.

Isikeli 20:28

Ia ka'u a kauti ira mai ki na vanua ka'u a bubuluitaka me'u solia me nodra: ia ena veivanua ga era raica kina e dua na ulunivanua cecere, se dua na kau rugurugua, era sa vakacabora e kea na nodra i soro kei na nodra i madrali me ka ni veivakacudrui; era vakatubura cake e kea na nodra ka boi vinaka, ka sova talega kina na nodra i sevu.

Vakarua 12:2

Ena vanua o ni sa na taukena, mo ni talaraka sobu na vanua kece era dau qarava kina na nodra kalou o ira na kena i taukei e liu; oqori ena veiulunivanua cecere, ena veidelana, kei na veiruku ni vunikau draudrau vinaka.

Dauveilewai 3:7

O ira na Isireli era sai valavala ca ena mata i Jiova, ka ra sa guilecava na nodra Kalou o Jiova, ka qaravi Peali kei Asira.