Jeremaia 17:16 - Vakavakadewa Vou kei na iVola tale eso

¹⁶ Ia, au sega mada ni bau vakauqeti kemuni na Turaga mo ni kauta mai na ka oqo vei ira; au sega ni bau gadreva e dua na gauna ni leqa vei ira. Kemuni na Turaga, o ni sa kila na ka oqo, o ni sa kila na veika au tukuna.

Ai Vola Tabu (Vakadewa Makawa Vakavoutaki 2021)

¹⁶ Ia koi au, ka'u a sega ni vakatotolo ni biuta na noqu i tavi ni vakatawa me'u muri kemuni; ia na siga ca ka'u a sega ni gadreva. Ko ni sa kila ga na ka sa lako tani mai na gusuqu; ni sa tevuki ga e matamuni.

AI VOLA TABU

¹⁶ Ia koi au, kaʼu a sega ni gumatua meʼu sega ni vakatawa me muri iko; ia na siga ca kaʼu a sega ni gadreva; ko sa kila ga: na ka sa lako tani mai na gusuqu sa dodonu ga e matamu.

Vakavakadewa Makawa

¹⁶ Ia koi au, ka'u a sega ni vakatotolo ni biuta na noqu i tavi ni vakatawa me'u muri kemuni; ia na siga ca ka'u a sega ni gadreva; ko ni sa kila ga: na ka sa lako tani mai na gusuqu sa dodonu ga e matamuni.

Ai Vola Tabu Ena Vakavakadewa Vou

¹⁶ Ia, au sega mada ni bau vakauqeti kemuni na Turaga mo ni kauta mai na ka oqo vei ira; au sega ni bau gadreva e dua na gauna ni leqa vei ira. Kemuni na Turaga, o ni sa kila na ka oqo, o ni sa kila na veika au tukuna.

Jeremaia 17:16 Iomraidhean Croise

Jeremaia 12:3

Io Jiova, o ni sa kilai au, O ni sa raici au, Ka vakatovolea na lomaqu vei kemuni. Ni yarataki ira oqo Me vaka na sipi sa kau me vakamatei; Tawasei ira tani Me yacova na siga me ra vakamatei kina.

Jeremaia 13:17

Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Jeremaia 15:15

Ia sa qai kaya o Jeremaia, “Kemuni Jiova, o ni sa kila deivaki ga. Ia mo ni nanumi au mai ka vukei au. Ni sauma na veika ca sa caka vei au kivei ira era vakararawataki au. O ni sa dau vosota sara vakadede, ia ni kakua ni kauti au tani. Ni nanuma na noqu daucolata voli na veivakacacani ena vukumuni.

Jeremaia 18:20

Me i sau li ni ka vinaka na ka ca? Era sa kelia e dua na qara me'u sikalutu kina. Ni nanuma na noqu a lako mai vei kemuni ena vukudra, mo ni kakua ni vakatauca vei ira na nomuni cudru.

Jeremaia 20:7

Kemuni na Turaga, O ni sa vakaisini au, Ka'u sa veidabuitaki. O ni sa kaukauwa cake vei au, Ka vakamalumalumutaki au. Era sa vakalialiai au Na tamata kecega; Era sa dredrevaki au Ena loma ni siga taucoko.

Jeremaia 20:9

Ia ena gauna au kaya kina, “Au na guilecava na Turaga Ka sega tale ni vosa Ena vuku ni yacana.” A qai kama na nomuni vosa ena lomaqu Me vaka na buka; Sa sogolati ena suiqu. Au sa oca ena vosota tiko e lomaqu Ka'u sa sega ni rawa ni tarova.

Jeremaia 9:1

Au diva mada ga Me a dua na i keliwai Na uluqu Ka i vurevure ni wai ni mata Na mataqu, Ka me'u tagi kina ena bogi kei na siga; Me baleti ira na kai noqu era sa vakamatei.

Emosi 5:10

Oi kemuni sa daubesetaki koya sa vunauca na kena tauci cala na vakatulewa eso ka cati koya sa dau ia na vosa vakadodonu.

Cakacaka 20:20

O ni kila ni'u a sega ni vunia vei kemuni e dua na ka ena yaga vei kemuni, ena noqu vakatavulici kemuni ena veisoqoni ka caka ena matana levu kei na veivale.

Cakacaka 20:27

Ka ni'u a sa vakamacalataka vakavinaka sara vei kemuni na i naki ni Kalou, ka sega ni vunia e dua na tikina.

2 Korinica 1:12

Ni sai koya oqo na ka keitou cibitaka: Sa vakadinadinataka na neitou lewa e loma na neitou i valavala e vuravura oqo ka vakauasivi vei kemuni, ni sa caka ena yalododonu kei na yalodina vua na Kalou. Ia sa sega ni rawa oqo ena vuku vakatamata, sa rawa ga ena loloma-savu ni Kalou.

2 Korinica 2:17

Keitou sa sega ni vakataki ira eso era sa dau vakatanitaka na vosa ni Kalou, ia keitou sa vosa me vaka na tamata yalodina sa talai mai vua na Kalou, keitou sa dau vosa ena yaca i Karisito ena mata ni Kalou.

Jemesa 1:19

Kemuni na wekaqu lomani, mo ni nanuma vinaka sara oqo! Me dau totolo sara ena vakarorogo na tamata yadua, ka me berabera ga ni vosa, ka berabera ni cudru.

Jemesa 3:1

Oi kemuni na wekaqu, me kakua sara ni ra lewe levu vei kemuni me ra i vakavuvuli. Me vaka o ni sa kila, eda na lewai vakabibi cake oi keda na i vakavuvuli mai vei ira na kena vo.