Jeremaia 17:11 - Vakavakadewa Vou kei na iVola tale eso

¹¹ Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Ai Vola Tabu (Vakadewa Makawa Vakavoutaki 2021)

¹¹ Me vaka na toa ni veikau sa saulaka na yaloka sa sega ni vakalutuma, sa vakakina ko koya sa kumuna nai yau, ka segai e nai valavala dodonu; ena laiva ga ko koya e na veimama ni nona bula, ia e na kenai cavacava ena tamata lialia ga.

AI VOLA TABU

¹¹ Me vaka na toa ni veikau sa saulaka na yaloka sa sega ni vakasucuma; sa vakakina ko koya sa kumuna nai yau, ka sega e nai valavala dodonu, e na veimama ni nona bula ena laiva ga, ia e na kenai otioti ena tamata lialia.

Vakavakadewa Makawa

¹¹ Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Ai Vola Tabu Ena Vakavakadewa Vou

¹¹ Na tamata e rawata na i lavo ena sala ca E vaka na manumanu vuka e saulaka na yaloka ni manumanu tani; Ni bera ni veimama na nona bula, Sa na vakayalia na nona i yau Ia na kena i otioti, Ena kune ga ni lialia.

Jeremaia 17:11 Iomraidhean Croise

Jope 20:21

E sega sara ga ni vo e dua na ka ni sa kana o koya, Ia oqo sa mai oti koto na nona tiko sautu.

NA SAME 49:13

Raica na ka e yacovi ira era sa vakararavi ga vei ira, Io, na veika ca era na sotava na dauvakararavi ki na nodra i yau.

NA SAME 55:23

Ia, oi kemuni na Kalou, o ni na viritaki ira sobu na daulaba kei na tamata lasulasu ki na nodra i bulubulu Ni se bera ni oti na veimama ni nodra bula; Ia oi au, au na vakadinati kemuni tikoga.

Vosavakaibalebale 13:11

Na i yau e rawa vakarawarawa ena yali talega vakarawarawa, ia na i yau e rawa vakadredre ena vakalevutaki.

Vosavakaibalebale 15:27

Na daukocokoco sa vakavu leqa ki na loma ni vuvale, ia o koya sa sega ni ciqoma na veivaqumi ena bula balavu.

Vosavakaibalebale 21:6

Na i yau o rawata mai na sala vakatani ena yali yani, ia ena kauti iko mada e liu ki na katuba ni mate.

Vosavakaibalebale 23:5

Sa na rawa me takali yani vakasauri na nomu i lavo, me vaka era sa vakatabana ka vuka tani yani me vaka na ikeli.

Vosavakaibalebale 28:16

Na i liuliu sa sega ni vuku ena dau veivakasaurarataki. Ia o koya e cata na veivakaisini ena balavu na nona veiliutaki.

Vosavakaibalebale 28:20

Na tamata yalodina ena vakalougatataki vakalevu, ia o koya sa vakusakusa me vutuniyau ena totogitaki.

Vosavakaibalebale 28:22

Na tamata daunanumi koya ena dau vakusakusa me vutuniyau ka sega kina ni kila ni sa voleka na dausiga.

Vosavakaibalebale 28:8

O koya sa vutuniyau ena tubu sivia e rawata mai vei ira na tamata nona i yau sa kumuna vata ena qai nona e dua tani tale na tamata e dau lomani ira na dravudravua.

Jeremaia 22:13

Ena rusa na tamata sa tara na nona vale Ena sala e sega ni dodonu, Kei na nona i taba vale e cake ena veivakaisini; O koya sa vakacataki ira na wekana, Ka sega ni solia na kedra i sau.

Jeremaia 22:17

Ia o iko O sa raica ga na ka o gadreva vakataki iko; O sa vakamatei ira na tamata yalododonu, Ka tabaki ira sobu vakaukauwa na nona tamata. Sa vosa ga vakaoqo o Jiova.

Jeremaia 6:13

Na tamata kece, mai vei ia na cecere kei ira na tamata wale era sa via rawa ka ena sala ca; o ira talega na parofita kei ira na bete era sa bau ia na veivakaisini.

Jeremaia 8:10

O koya oqo au na solia kina na watidra vei ira na tani kei na nodra vanua vei ira eso me ra taukena. Na tamata kece sara, o ira na cecere kei ira na lolovira era sa via rawa i lavo ena sala veivakaisini. O ira sara mada ga na parofita kei na bete, era sa veivakaisini kecega.

Emosi 3:10

A sa kaya o Jiova, “Era sa sega ni kila o ira oqo na cakacaka vakadodonu, ia era sa binia ga na i tovo kaukauwa kei na butako ena nodra veitikotiko ni valu kaukauwa.

Maika 2:9

Dou sa vakasevi ira tani na nodra yada na noqu tamata mai na veivale era sa daulomana, ka dou sa butakoca vakadua mai vei ira na luvedra na noqu i solisoli vinaka kecega.

Maika 7:3

Era sa kena dau kece sara ena cakacaka ca. O ira na vakailesilesi kei ira na turaganilewa era vinakata kecega na veivaqumi, na i lavo ni veitemaki me ra taura lo. Na tamata kilai ka daurogoci na nona vosa sa dautukuna ga vei ira na ka e vinakata, ka ra sa qai daubosea vata ka sa sega kina na lewa dodonu.

Sefanaia 1:9

Au na totogitaki ira kece era sa ia na sokalou me vakataki ira na tawalotu, ka ra daubutako ka veivakamatei me ra vakasinaita kina na vale ni nodra turaga ena i yaya butakoci.

Sakaraia 5:4

Au na vakatala yani na dauveivakarusai oqo, sa kaya o Jiova ni lewevuqa, ka na la'ki curu sara ki na vale ni tamata daubutako yadua kei na vale ni tamata daububului lasu yadua. Ena tiko sara ga na rusa ena loma ni nodra veivale me vakarusai ira vakadua.”

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Maciu 23:13

“Dou na kalouca dina na daunilawa kei na Farisi! Dou tamata dauveivakaisini! Ni dou sa sogota na matanitu vakalomalagi e matadra na tamata, ka dou sa sega ni curu talega kina oi kemudou, se laivi ira era via curu me ra curu kina!

Luke 12:20

Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

1 Timoci 6:9

Ia o ira ga era gadreva me ra vutuniyau era sa lutu ki na veitemaki ka tacori ena veigagadre ca ka lialia e vuqa sa kuitaki ira na tamata ki na leqa kei na rusa.

Vei Taito 1:11

Sa dodonu me ra vagalui ni ra sa vakacacani ira kece na veivuvale e vuqa ena nodra vakatavuvulitaka na veika e sega ni dodonu me rawa ga kina na i lavo.

2 Pita 2:14

Era sa vakasamataka tu ga me ra ia na veibutakoci; era sa sega ni mamau rawa ena caka ca. Era sa dau vakacalai ira na tamata era sa dau bale vakarawarawa. Sa vakatavulici na lomadra me ra daukocokoco. Ena tau vei ira na cudru ni Kalou!

2 Pita 2:3

Ia ena nodra loma kocokoco, era na vakayagataki kemuni me ra rawa-ka kina mai na nodra i talanoa buli eso. Ia sa tu vakarau ga mai na dua na gauna balavu na nodra Dauveilewai, ka sa sega ni moce na nodra Dauveivakarusai!