Jeremaia 17:10 - Vakavakadewa Vou kei na iVola tale eso

¹⁰ Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Ai Vola Tabu (Vakadewa Makawa Vakavoutaki 2021)

¹⁰ “Koi au ko Jiova ka'u sa dikeva na loma ni tamata, ka'u sa vakatovolea na kena ivi, me'u solia ki na tamata yadua me vaka na nona i valavala, me vaka na vua ni nona cakacaka.”

AI VOLA TABU

¹⁰ Oi au ko Jiova kaʼu sa dikeva na loma ni tamata, kaʼu sa vakatovolea na kenai ivi, meʼu solia ki na tamata yadua me vaka na nonai valavala, me vaka na vua ni nona cakacaka.

Vakavakadewa Makawa

¹⁰ Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Ai Vola Tabu Ena Vakavakadewa Vou

¹⁰ Oi au ko Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Jeremaia 17:10 Iomraidhean Croise

1 Tui 8:39

mo ni qai rogoca na nodra masu. Ni rogoci ira mai lomalagi, ka vosoti ira, ka vukei ira. Sai kemuni duadua ga sa kila na loma ni tamata. Ia mo ni qai vakayacora ga na lomamuni vua na tamata yadua me vaka na nodra i valavala,

1 Veigauna 28:9

Ia kivei Solomoni, a sa kaya, “Ia o iko, Solomoni na luvequ, mo kila na Kalou i tamamu, ka mo qaravi koya ena yalodina kei na lomasoli. Ni sa dikeva na yalo kece o Jiova, ka sa kila na i tuvatuva kece kei na nanuma ni lomada. Kevaka o na vakasaqarai koya, o na kunei koya; ia kevaka o na vakanadakui koya, ena biuti iko o koya ka tawa mudu.

1 Veigauna 29:17

Au sa kila ni o ni dau vakatovolea na yalo ni tamata kecega, ia o ni sa vinakata na tamata yalododonu. Ena dela ni yalodina kei na yalododonu, au sa solia kece yani kina oqo vei kemuni ena yalo e vinakata, ka'u sa raica na nodra marautaka na nomuni tamata era sa soqoni eke me ra kauta mai na nodra i solisoli vei kemuni.

2 Veigauna 6:30

mo ni qai rogoca mai lomalagi mai na nomuni tikotiko vakaturaga, ia mo ni bokoca ka mo ni solia vua na tamata yadua, me veiganiti kaya na nona i valavala kecega, ni o ni sa kila na lomadra yadua, ni sai kemuni duabau ga ka kila na lomadra kecega na luve ni tamata;

Jope 34:11

E dau sauma o koya na ka era cakava na tamata Ka cakava vei ira na ka sara ga e ganita me caka vei ira.

NA SAME 44:21

O ni na qai kila deivaki ga Baleta ni o ni sa kila na i naki vuni ni loma i keimami.

NA SAME 44:22

Io, ena vukumuni keimami sa vakamatei kina ena gauna kecega, Ka okati me vaka na sipi me la'ki vakamatei.

NA SAME 62:12

Ka sa vakakina na nona loloma tudei. Oi kemuni ga, na Turaga, o ni sa sauma na tamata yadua me vaka na i sau ni nona i valavala.

NA SAME 7:10

Sa noqu dauveitaqomaki na Kalou, Sa dau vakabulai ira era talairawarawa vua.

NA SAME 7:9

Ni tarova na nodra i valavala ca na tamata ca, Ka'u kerei kemuni mo ni saumi ira na yalododonu. Sa i kemuni na Kalou yalosavasava, O ni sa dau vakatovolea na vakasama kei na yalo.

Vosavakaibalebale 12:14

Na i sau ni ka o na rawata sa vakatautaki ga ena veika o sa tukuna kei na ka o sa cakacakataka; o na rawata ga na veika sa dodonu ga me kemu i sau.

Vosavakaibalebale 17:3

Na koula kei na siliva sa vakatovolei ena bukawaqa, ia na yalo ni tamata sa vakatovolei mai vei Jiova.

Dauvunau 9:3

Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Aisea 59:18

Ena totogitaki ira na nona meca me vaka ga na nodra i valavala ca, Ka vakakina vei ira era tiko sara vakayawa.

Jeremaia 11:20

A qai masu o Jeremaia, “Oi kemuni Jiova ni lewevuqa, kemuni na Turaga ni lewa dodonu; o ni sa dau vakatovolea na lomadra kei na nodra vakasama na tamata. Me'u raica mada ni o ni sa cudruvaki au vei ira na tamata oqo, baleta ni'u sa laiva na noqu bula ki na ligamuni.

Jeremaia 12:13

Era na tea na witi na noqu tamata, Ia era sa tamusuka na wa vakavotona; Era cakacaka vakaukauwa, Ia era sega ni rawata kina e dua na ka. Baleta na noqu cudru rerevaki Sa sega ni vua kina na veika era tea.”

Jeremaia 20:12

Kemuni Jiova ni lewevuqa, O ni sa vakatovolea na tamata dodonu. O ni sa kila Na ka sa tiko ena yalodra Kei na nodra vakasama na tamata, Ia me'u raica mada Ni o ni na sauma na ca Vei ira na kequ meca, Baleta ni'u sa vakararavi vei kemuni.

Jeremaia 21:14

Ena vakaitotogitaki iko o Jiova me baleta na veika o vakayacora. Au na vakama na nomu vale vakaturaga ka na kama yavu na veika kece sara e tu wavokita.”

Jeremaia 23:2

Oqo na ka a kaya o Jiova na nodra Kalou na Isireli me baleti ira na i liuliu ka nanumi me ra qarauni ira na nodra tamata. “O ni sa vuna na nodra veiseyaki na noqu tamata ka vakasavi ira tani; o ni sa sega ni qarauni ira. Ia oqo au sa na vakaitotogitaki kemuni ena vuku ni ka ca o ni cakava.

Jeremaia 32:19

O ni sa vuku ena lewa ka kaukauwa ena nomuni cakacaka; o ni sa raica na ka kecega era cakava.

Isikeli 11:5

A sa curumi au na Yalo i Jiova, a sa kaya vei au, “Mo qai tukuna, ‘Sa kaya vakaoqo o Jiova: Oi kemuni na Isireli, oqo na veika o ni sa dau vakananuma, ni'u sa kila na ka sa tiko e lomamuni.

Isikeli 14:5

me rawa ni'u taura na lomadra na mataqali i Isireli, o ira kecega ka ra yalo vakatani vei au ena vuku ni nodra matakau.’

Maika 7:13

Ia na vuravura ena qai yaco me vaka na vanua dravuisiga baleta ni ra sai tovo ca na lewena.

Maciu 16:27

Ena lako mai na Luve ni Tamata ena i serau nei Tamana, kei ira na nona agilosi, ka na qai saumi ira yadua na tamata o koya me vaka na nodra dui i valavala.

Maciu 6:4

me ka vuni kina na nomu i loloma. Ia na Tamamu, o koya sa raica na veika e sa vakayacori lo, ena qai sauma vei iko.

Joni 2:25

A sa sega ni yaga vua me dua e tukuna vua na ka e baleta na tamata, ka ni sa kila o koya na ka e tu e loma ni tamata.

Cakacaka 1:24

E ratou sa qai masu ka kaya, “Oi kemuni na Turaga, oi kemuni o ni sa kila na yalo ni tamata kecega, mo ni vakatakila mada mai se o cei vei rau oqo o ni sa digitaka,

Roma 6:21

A cava soti mada na veika vinaka o ni sa rawata mai na veika o ni sa qai madualaka tiko oqo? Na i tinitini ga ni veika kecega oqori na mate!

Roma 8:27

Ia na Kalou, o koya sa raica na yalo ni tamata, sa kila na vakasama ni Yalo Tabu; ni sa dau masulaki keda na Yalo Tabu me vaka na ka e vinakata na Kalou.

Vakatakila 2:23

Au na vakamatei ira talega era sa daumuri koya voli, ka ra na qai kila kina na veisoqosoqo lotu ni sai au ga ka sa dau dikeva na vakanananu kei na gagadre kecega ni tamata; ia au na sauma ga vei kemuni yadudua me veiganiti kaya ga kei na veika o ni sa cakava.

Vakatakila 20:12

Au a raici ira era sa mate oti, o ira sa cecere kei ira na tamata wale, era sa tu ena mata ni tikotiko vakaturaga, ka sa tevuki eso na i vola. Sa qai tevuki talega e dua tale na i vola, ka sai koya oqo na i Vola ni Bula. Era sa lewai na mate mai na veika era sa kitaka me vaka sa volai tu ena i vola.

Vakatakila 22:12

Sa qai kaya o Jisu, “Rogoca, sa voleka sara na noqu lako yani! Au na kauta yani na i cocovi me'u solia vua na tamata yadua me vaka na nona i valavala.

1 Samuela 16:7

Ia sa kaya vei Samuela o Jiova, “Mo kakua ni digitaka na i tuvaki ni kena i rairai se na kena balavu. Au sa sega ni digitaki koya baleta ni'u sa sega ni vakatulewa ena lewa vakatamata. Era sa raica ga na tamata na i rairai e taudaku, ia au sa dikeva na yalona.”