Jeremaia 16:6 - Vakavakadewa Vou kei na iVola tale eso

⁶ Era na mate vata na vutuniyau kei na dravudravua ena vanua oqo, ia ena sega e tagicaki ira se buluti ira. Ena sega e dua me na tavalaka na yagona se toroya na uluna me vakaraitaka na nona rarawa.

Ai Vola Tabu (Vakadewa Makawa Vakavoutaki 2021)

⁶ A ra na mate na turaga kei na tamata wale e na vanua oqo. Era na sega ni buluti, ena sega e tagicaki ira, se tavalaki ira, se tasi ira e na vukudra.

AI VOLA TABU

⁶ A ra na mate na turaga kei na kaisi e na vanua o qo: era na sega ni buluti, ena sega e tagicaki ira, se ia na veitava, se na veitasi e na vukudra:

Vakavakadewa Makawa

⁶ A ra na mate na turaga kei na tamata wale e na vanua oqo: era na sega ni buluti, ena sega e tagicaki ira, se tavalaki ira, se tasi ira e na vukudra:

Ai Vola Tabu Ena Vakavakadewa Vou

⁶ Era na mate vata na vutuniyau kei na dravudravua ena vanua oqo, ia ena sega e tagicaki ira se buluti ira. Ena sega e dua me na tavalaka na yagona se toroya na uluna me vakaraitaka na nona rarawa.

Jeremaia 16:6 Iomraidhean Croise

2 Veigauna 36:17

Ia ni vaka tu oqo, a qai kauta mai vei ira na Kalou, na nodra tui na kai Kalidia, a mai vakamatei ira na nodra cauravou ena nodra i seleiwau ena nodra vale tabu, ka ra sega sara ni bau lomani ira na cauravou se na goneyalewa, na qase, se o koya a qase sara ka vakalairoro; a soli ira kecega na Kalou ki na liga i tui Kalidia.

Aisea 22:12

Ena siga o ya sa na kacivi kemuni o Jiova, Mo ni tagi ka vakaloloku, Mo ni toroya na ulumuni ka vakaisulu ena taga.

Aisea 24:2

NI sa tautauvata ga na ka ena yaco Vei ira na bete kei ira na tamata, Na bobula kei ira na nodra turaga, Na dauveivoli kei ira era mai volivoli, O ira na daudinau kei ira na dausoli dinau, Vei ira na vutuniyau kei na dravudravua.

Jeremaia 13:13

Tukuna vei ira ni sa kaya o Jiova, Au na vakasinaiti ira kece sara na lewe ni vanua oqo ena waini me yacova ni ra sa mateni: o ira na tui era kawa i Tevita, o ira na bete, o ira na parofita kei ira kece na lewe i Jerusalemi.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 41:5

era a yaco mai e walusagavulu na tamata mai Sikemi, Sailo kei Samaria. Era a toroya tani na kumidra, ka dresulaka na nodra i sulu, ka tavalaka na yagodra. Era a kau sila kei na ka boi vinaka me la'ki cabori ena Valenisoro.

Jeremaia 47:5

Sa yaco mai na rarawa levu Vei ira na lewe i Qasa, Ka sa rusa o Asikiloni. A cava so na kena dede Era na tagi kina Na vo-ni-bula ni Filisitia?

Jeremaia 48:37

Na tamata yadua era sa toroya na uludra kei na kumidra. Era tava kece na ligadra ka ra daramaka kece na i sulu taga.

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Jeremaia 8:2

Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Vunau ni Soro 19:27

Mo ni kakua ni kotiva me mokimokiti na tutu ni vacumuni, se toroya na tutu ni kumimuni.

Vunau ni Soro 19:28

Mo ni kakua ni tavalaka na yagomuni me i loloku ni mate, se samuqawetaka na yagomuni: Ni sai au o Jiova.

Emosi 6:11

Raica, ni sa solia o Jiova na nona i vakaro, era na vorolaki me vurumemea kece sara na vale lelevu kei na vale lalai.

Maciu 9:23

Ni sa tadu o Jisu ki na nona vale na i liuliu, sa raici ira na dauuvu i vakatagi, kei ira na lewe vuqa era sa tagiyaso tiko,

Vakarua 14:1

“Sai kemuni na tamata i Jiova na nomuni Kalou. Ni gauna o ni vakalolokutaka kina na mate, mo ni kakua ni tavai kemuni, se tasia na yadremuni me vaka era dau cakava na so.

Vakatakila 20:12

Au a raici ira era sa mate oti, o ira sa cecere kei ira na tamata wale, era sa tu ena mata ni tikotiko vakaturaga, ka sa tevuki eso na i vola. Sa qai tevuki talega e dua tale na i vola, ka sai koya oqo na i Vola ni Bula. Era sa lewai na mate mai na veika era sa kitaka me vaka sa volai tu ena i vola.

Vakatakila 6:15

Era sa qai vunitaki ira ena veiqara vatu kei na veiuluvatu ena veiulunivanua o ira na tui kei vuravura, o ira na turaga lelevu kei ira na veiliutaki vakaivalu, o ira na vutuniyau kei ira sa kaukauwa, ka vakakina o ira na bobula kei ira sa sereki.