Jeremaia 16:4 - Vakavakadewa Vou kei na iVola tale eso

⁴ Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Ai Vola Tabu (Vakadewa Makawa Vakavoutaki 2021)

⁴ Era na mate e na mate ca. Era na sega ni tagicaki, era na sega talega ni bulu. Era na vaka na de-ni-manumanu e dela ni soso. Ena vakaoti ira sara nai seleiwau kei na viakana, ia na yagodra ena kedra na manumanu vuka kei na manumanu ni vanua.

AI VOLA TABU

⁴ Era na mate e na mate ca; era na sega ni tagicaki; era na sega talega ni buluti; era na vaka na de-ni-manumanu e dela ni soso: e nai seleiwau, kei na viakana, era na oti kina; ia na yagodra ena kedra na manumanu ni lomalagi, kei na manumanu ni vanua.

Vakavakadewa Makawa

⁴ Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Ai Vola Tabu Ena Vakavakadewa Vou

⁴ Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 16:4 Iomraidhean Croise

2 Tui 9:10

O ira na koli era na kania na yago i Jesipeli ena vanua mai Jesirieli, ka na sega ni dua e buluta.’ ” A sa qai dolava na katuba na parofita cauravou, ka dro tani yani.

NA SAME 78:64

Era sa mate na bete ena i seleiwau, Ka ra sa sega ni rawa ni tagicaki ira na nodra vada.

NA SAME 83:10

Era a vakarusai mai Edoa, Ka sa vuca na yagodra e dela ni qele.

Aisea 18:6

Ena qai biu tu na yagodra me kedra, Na manumanu vuka ena veidelana, Kei na manumanu kila ena dela i vuravura. Era na mai kania na yagodra na manumanu vuka Ena vula i katakata, Kei na manumanu kila ena vula i batabata.”

Aisea 5:25

O koya oqo sa cudruvi ira kina na nona tamata o Jiova, Ka sa dodoka yani na ligana me totogitaki ira. Ena uneune na veiulunivanua, Ka na mai tu na yagodra era sa mate oti Ena gaunisala me vaka na benu. Ni sa yaco kece oqo e sa sega ga ni oti Na cudru ni Turaga. A sa dodoka tikoga yani na ligana.

Jeremaia 19:7

Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Jeremaia 21:6

Au na vakamatei ira kece sara era tiko ena koro oqo; ena tautauvata ga ki na tamata kei na manumanu kecega era na mate ena dua na mate ca levu sara.

Jeremaia 25:33

Ena siga o ya, Na yagodra na tamata mate ka vakamatei ira o Jiova, Ena ceburaki tu ena veiyasai vuravura kecega. Ena sega ni dua e tagicaki ira, Ena sega ni ka'u na yagodra me la'ki bulu. Era na biu tu me vaka na i benubenu.

Jeremaia 34:17

O koya oqo a kaya tale kina o Jiova, “O ni sa sega ni solia vei ira na nomuni tokani Iperiu me ra galala. Sa vinaka, au sa na solia vei kemuni na galala; na galala mo ni mate ena i valu, mate ca kei na viakana. Au na cakava me ra rere na veimatanitu kecega e vuravura ena ka kecega au na cakava vei kemuni.

Jeremaia 34:20

Au na soli ira ki na ligadra na kedra meca kei ira era via vakamatei ira ka ra na kania na yagodra na manumanu vuka kei na manumanu kila.

Jeremaia 36:30

Ia, oqo a kaya o Jiova me baleti Jo-akimi. A sega tale ni dua na nona kawa me na tiko ena i tikotiko vakatui i Tevita. Na yagona ena kolotaki tu me cilava na matanisiga ena siga ka na lutuma na tegu cevata ena bogi.

Jeremaia 44:12

Ia o ira na vo-ni-bula e Juta era sa vinakata me ra lako ka la'ki tiko ki Ijipita, era na vakarusai kece. Era na mate taucoko sara; o ira era cecere kei ira na lolovira, ena i valu se ena viakana. Era na veivakidacalataki, era na dredrevaki mai vei ira na tamata ka vakayagataka na yacadra me yaca ni veivakamaduataki.

Jeremaia 44:27

Au na raica tiko mo ni kakua sara ni toro cake, ia mo ni vakarusai ga. O ni na mate kece sara na lewe i Juta o ni tiko e Ijipita ena i valu se ena mate ca me yacova ni sa sega ni vo e dua vei kemuni.

Jeremaia 7:33

Na yago ni tamata mate ena kedra na manumanu vuka kei na manumanu kila, ka na sega me na vakarerei ira tani.

Jeremaia 9:22

A sa kaya o Jiova, “Ena tayana na yago ni tamata mate Me vaka na maniwa ena dela ni qele, Me vaka na itei ni sila sa musu Ka ra vakavoca tu na dautatamusuki.”

Lele i Jeremaia 4:9

Sa vinaka cake o ira sa mate ena i valu Mai vei ira era sa qai mate emuri, O ira sa mate vakamalua ena viakana, Ka sa sega na kakana me ra bula kina.

Isikeli 24:21

Mo kaya vei ira na mataqali i Isireli, Sa kaya vakaoqo na Kalou o Jiova: Raica, au na vakacacana na noqu Valenisoro, na vale tabu ka a nomuni i sakisaki, ka nomuni vurevure ni kaukauwa, ka i divi ni matamuni, ka taleitaki e vu ni yalomuni. Era na vakamatei ena i valu o ira na lewe ni nomuni vuvale o ni a laivi ira tu yani mai Jerusalemi.

Isikeli 5:12

E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

Sefanaia 1:17

A qai kaya o Jiova, “Au na kauta mai na ka ni veivakaleqai oqo ki na kawa tamata me ra na qai vakayayamo voli me vakataka na tamata mataboko. Era sai valavala ca vei au, ia oqo ena sovaraki yani na nodra dra me vaka na wai, ka ra na dui vuca na yagodra mate ena dela ni qele.”

Vakarua 28:22

Ena ravuti kemuni o Jiova ena mate dauveitauvi e vuqa, na vuvuce kei na katakata sivia ni yago. Ena tala o koya na lauqa balavu kei na cagi katakata me vakacacani kina na nomuni i teitei. Na veileqa kece oqo ena muri kemuni tiko me yacova na nomuni mate.

Vakarua 28:26

Ni o ni sa mate, era na kania na yagomuni o ira na manumanu vuka kei na manumanu kila ni vanua ka na sega ni dua me na vakasavi ira.