Jeremaia 16:12 - Vakavakadewa Vou kei na iVola tale eso

¹² Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Ai Vola Tabu (Vakadewa Makawa Vakavoutaki 2021)

¹² ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona lomaca, me ra kakua kina ni vakarorogo vei au.

AI VOLA TABU

¹² ia koi kemudou dou sa caka ca vakalevu ka vakalailai ko ira na nomudou qase; ka, raica, dou sa dui muria yadua na kaukauwa ni lomana ca, me kakua ni vakarorogo vei au:

Vakavakadewa Makawa

¹² ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Ai Vola Tabu Ena Vakavakadewa Vou

¹² Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 16:12 Iomraidhean Croise

Vakatekivu 6:5

Ni sa raica o Jiova na vakasisila ni nodra i valavala na tamata ena dela i vuravura kei na ca ni nodra vakanananu ena gauna kece sara,

Vakatekivu 8:21

A sa boica na i soro ni veivinakati o Jiova ka sa kaya e lomana, “Au na sega tale ni cudruva na vuravura ena vuku ni ka ena cakava na tamata. Ni'u kila ni sa tekivu ca na vakanananu ni tamata mai na gauna e a gone kina. Au na sega tale ni vakarusa na veika bula kecega me vaka na ka au sa vakayacora oqo.

Dauvunau 8:12

E dua na tamata ca sa cakava e 100 na ka ca, ia e sa bula tikoga. Au sa kila ni sa waraki ira era rerevaka na Kalou na marau,

Dauvunau 9:3

Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 17:9

O cei e kila rawa na yalo ni tamata? Sa ka e dau veivakaisini duadua Mai na veika kecega; Sa tauvi mate vakaca sara.

Jeremaia 18:12

Era na qai kaya, “Sega, sa sega na betena! Keimami na cakava ga na veika keimami via cakava.”

Jeremaia 22:28

A sa kaya o Jeremaia, “Sa yaco li o Jo-akini na tui me vaka e dua na saqa kavoro sa viritaki laivi ka sa sega e dua e vinakata? A cava na ka e kau tani kina o koya kei ira na luvena ki na dua na vanua e ratou sa sega ni kila?”

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Jeremaia 9:14

Era sa muria ga na lomadra ena yalo kaukauwa ka qaravi Peali me vaka era a vakavulici ira kina na nodra qase.”

Lele i Jeremaia 5:7

Era sai valavala ca na neimami qase, Ia oqo era sa yali yani, Ka keimami sa colata na nodra ca.

Isikeli 20:30

O koya oqo, mo kaya kina ki na mataqali i Isireli, Sa kaya vakaoqo na Kalou o Jiova: O ni sa vakadukadukalitaki kemuni li me muria na nodra i valavala na nomuni qase, ka cici muria na nodra kalou matakau?

Emosi 2:4

A sa kaya o Jiova, “Ni sa vakawasoma na cala i Juta, au na cudruvi ira kina ena ka oqo. Era sa biuta na noqu vakatavuvuli ka sega ni muria na noqu i vunau. Era sa vakacalai mai vei ira na kalou lasu era dau qarava taumada na nodra qase.

Malakai 3:7

O kemuni, o ni sa vakataki ira na nomuni qase era liu vei kemuni, ni o ni sa vuki tani mai na noqu lawa ka sega ni muria. Ni lesu tale mai vei au, ka'u na qai lesu yani vei kemuni. Ia o ni sa taroga, ‘A cava me keimami cakava me keimami lesu yani kina vei kemuni?’

Marika 7:21

Ni sa dau lako mai loma, mai na yalo ni tamata, na veivakanananu ca, na dauyalewa, na daubutako, na daulaba, na veibutakoci,

Vakarua 29:19

Mo ni qarauna me kakua ni dua e tu eke edaidai ka rogoca na veika e vinakati ena veiyalayalati oqo, me vakadinata e lomana. Na ka oqo ena vakarusai kemuni taucoko na tamata dodonu se tamata i valavala ca.

Vakarua 9:27

Mo ni nanumi iratou na nomuni dauveiqaravi o Eparama, Aisake kei Jekope, ka guilecava mada na nodra vakadrecike, na dukadukali kei na nodra i valavala ca na tamata oqo,

2 Timoci 3:13

Ia ena toso cake ga vakalevu na nodra veidabui kei na veivakacalai o ira na tamata ca kei ira na dauvosalasu, ni ra sa vakacalai ira eso ka vakacalai ira vakai ira talega.

Iperiu 3:12

Kemuni na wekaqu, ni qarauna me kakua ni dua vei kemuni e tiko vua na yalo ca ka sega ni vakabauta ka me biuta laivi kina na Kalou Bula.

Dauveilewai 2:19

Ni ra mate na dauveilewai era sa lesu tale ka vakayacora na veika vakasisila ka ra sa sega ni dau vakayacora na nodra qase, me ra muria na veikalou tani ka qaravi ira ka cuva vei ira. Ia era sa sega ni biuta laivi na veitovo oqo ka ni a kaukauwa na lomadra kei na nodra sala.

1 Samuela 15:23

Ni sa tautauvata na ca ni talaidredre kei na qaravi tevoro, ka tautauvata na ca ni yalokaukauwa kei na qaravi kalou matakau. Me vaka ni o sa biuta tani vakatikitiki na vosa i Jiova, sa biuti iko tani vakatikitiki talega o Jiova mai na nomu i tutu vakatui.”