Jeremaia 15:6 - Vakavakadewa Vou kei na iVola tale eso

⁶ O ni sa biuti au ga; Ka vakanadakui au. O koya oqo au sa dodoka kina na ligaqu Ka vakarusai kemuni, Baleta ni'u sa oca na tarovi kemuni tiko.

Ai Vola Tabu (Vakadewa Makawa Vakavoutaki 2021)

⁶ Ko iko ko sa biuti au, sa kaya ko Jiova, ko sa lesu tikoga ki muri; o koya oqo ka'u na dodoka kina na ligaqu vei iko, ka vakarusai iko— au sa oca mai e na tarovi au tiko.

AI VOLA TABU

⁶ O iko ko sa biuti au, sa kaya ko Jiova, o sa lako kimuri: o koya o qo kaʼu na dodoka kina na ligaqu vei iko, ka vakarusai iko; au sa oca e na veivutuni.

Vakavakadewa Makawa

⁶ Ko iko ko sa biuti au, sa kaya ko Jiova, ko sa lako ki muri: o koya oqo ka'u na dodoka kina na ligaqu vei iko, ka vakarusai iko; au sa oca e na veivutuni.

Ai Vola Tabu Ena Vakavakadewa Vou

⁶ O ni sa biuti au ga; Ka vakanadakui au. O koya oqo au sa dodoka kina na ligaqu Ka vakarusai kemuni, Baleta ni'u sa oca na tarovi kemuni tiko.

Jeremaia 15:6 Iomraidhean Croise

Aisea 1:4

O sa matanitu i valavala ca, Ka matatamata sa bikai ena i valavala ca. O ni sa luve ni dau caka ca. Era sa biuti Jiova; Era sa beca na Le dua Yalo Savasava ni Isireli, Ka vakanadakuya sara vakadua.

Aisea 28:13

O koya oqo sa via vakavulici kemuni vakaveitarataravi kina o Jiova Me veitarataravi sara ga vakaiyatu, Ka vakalailai edaidai ka vakalailai tale ni mataka, Me ra na lako ka bale, Kamusu, coko ena dai ka kau sara vakavesu.

Aisea 31:3

Era sa tamata ga na kai Ijipita ka sega ni Kalou; Era sa vakalewe ga na nodra ose, ka sega ni yalo. Ni sa dodoka na ligana o Jiova, Ena malumalumu o koya sa ia na veivuke, Ka na bale o koya sa vukei, Ka rau na rusa ruarua ga.

Jeremaia 1:16

Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 13:14

Au na qai botobotolaki ira vata me vaka na saqa, o ira na qase kei ira na luvedra. Sa na sega tale na loloma, se na yalo veivosoti se yalo loloma me na tarova na noqu vakamatei ira.”

Jeremaia 2:13

Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 20:9

Ia ena gauna au kaya kina, “Au na guilecava na Turaga Ka sega tale ni vosa Ena vuku ni yacana.” A qai kama na nomuni vosa ena lomaqu Me vaka na buka; Sa sogolati ena suiqu. Au sa oca ena vosota tiko e lomaqu Ka'u sa sega ni rawa ni tarova.

Jeremaia 44:22

Ena siga sara ga edaidai sa rusa tu ga na nomuni vanua ka lala tu. Sa yaco me ka e veivakidacalataki ka ra vakayagataka na tamata na yacana me ka ni veivakamaduataki baleta ni sa sega ni vosota rawa o Jiova na nomuni tovo ca ka vakasisila.

Jeremaia 6:11

I Jiova, au sa vakasinaiti ena nomuni cudru, au sa oca na tarova.” Ia, a qai kaya vei au o Jiova, “Sova yani na noqu cudru vei ira na gone e gaunisala, kei na nodra veisoqosoqo na cauravou. Era sa kau tani na tagane vakawati kei ira na watidra ka bau yaco vei ira na qase sara.

Jeremaia 6:12

Na nodra veivale ena soli vei ira na tani ka vakakina na nodra qele kei na watidra. Au na tauca na i totogi vei ira na tamata ni vanua oqo.

Jeremaia 6:19

Rogoca mada o iko na vuravura! Au sa kauta mai na rusa vei ira na tamata oqo, na i sau ni nodra i valavala; baleta ni ra sega ni muria na noqu vosa, ka vakanadakuya na noqu i vakaro.

Jeremaia 7:16

Jeremaia, kakua ni masulaki ira na tamata oqo. Kakua ni tagi se masu ena vukudra. Kakua ni masu mai vei au baleta ni'u na sega ni rogoci iko.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Jeremaia 8:9

Era sa vakamaduataki na nomuni tamata vuku; era sa veilecayaki ka tacori. Era sa biuta na noqu vosa, ia oqo, na vuku cava sa qai tu vei ira?

Isikeli 14:9

“Ia kevaka sa vakacalai na parofita, ni sa cavuta e dua na ka, sai au o Jiova ka'u na vakacala na parofita o ya, ia ka'u na dodoka yani na ligaqu, ka vakarusai koya tani mai vei ira na noqu tamata na Isireli.

Isikeli 25:7

au sa dodoka yani kina na ligaqu me'u saqati iko, ka soli iko mo nodra i toki ni valu na veimatanitu tani; ia ka'u na muduki iko tani mai vei ira na veimataqali ka vakarusai iko tani mai na veivanua; io ka'u na vakawabokotaki iko. O na qai kila ni sai au o Jiova.”

Isikeli 35:3

ka kaya, Sa kaya vakaoqo na Kalou o Jiova: Raica, o iko na Ulu ni vanua o Sia, au sa kemu meca, ka'u sa na dodoka yani na ligaqu me tarai iko, ka'u na vakalalai iko sara.

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Osea 13:14

Au na sega ni vakabulai ira na tamata oqo mai na nodra vuravura na mate se vueti ira mai na kaukauwa nei Mate. O iko Mate, sa evei na nomu ka ni veivakararawataki? O iko Etesi, sa evei na nomu dauveivakarusai? Ena sega sara ni'u yalololoma tale vei ira na tamata oqo.

Osea 4:16

O ira na Isireli era sa tamata yalo kaukauwa ga me vaka na meule. Ena qai rawa vakaevei me'u vakani ira me vaka na luve ni sipi ena dua na vanua vinaka?

Sefanaia 1:4

“Au na vakanakuitaki ira na tamata mai Jerusalemi kei Juta taucoko. Au na vaqeyavutaka vakadua na i vovo ni veiqaravi vei Peali mai kea, ka na sega ni dua e nanuma rawa na yacadra na kena bete era sa dau qaravi koya.

Sakaraia 7:11

“Ia era sa bese ga ni via vakarorogo na noqu tamata. Era a sogota ga na yalodra