Jeremaia 15:5 - Vakavakadewa Vou kei na iVola tale eso

⁵ A sa kaya o Jiova, “O cei me na lomani kemuni na kai Jerusalemi, Se o cei me na tagicaki kemuni? O cei me na bau tu vakadua me taroga Se sa vakacava tiko na nomuni i lakolako?

Ai Vola Tabu (Vakadewa Makawa Vakavoutaki 2021)

⁵ “Ia ko cei li ena lomani iko, Jerusalemi, se ko cei me na tagicaki iko? Se ko cei me na lesu tale me la'ki taroga se sa vakaevei na nomu tiko?

AI VOLA TABU

⁵ Ia ko cei ena lomani iko, Jerusalemi? se ko cei me na tagicaki iko? se ko cei me na lesu tani me laʼki taroga, se vakaevei na nomu tiko?

Vakavakadewa Makawa

⁵ Ia ko cei li ena lomani iko, Jerusalemi? se ko cei me na tagicaki iko? se ko cei me na lesu tani me la'ki taroga, se sa vakaevei na nomu tiko?

Ai Vola Tabu Ena Vakavakadewa Vou

⁵ A sa kaya ko Jiova, “O cei me na lomani kemuni na kai Jerusalemi, Se o cei me na tagicaki kemuni? O cei me na bau tu vakadua me taroga Se sa vakacava tiko na nomuni i lakolako?

Jeremaia 15:5 Iomraidhean Croise

Jope 19:21

O kemudou na noqu i tokani! Dou bau lomani au mai! Sa mokuti au na liga ni Kalou.

NA SAME 69:20

Sa voroka na yaloqu na veivakacacani, Ka'u sa malumalumu sara kina Au a nuitaka me'u bau lomani, ia sa qai sega ni vakakina; Au a vaqara na vakacegu, ia au sa sega ga ni kunea.

Lako Yani 18:7

A mai lako yani o Mosese me tavaka na vugona; a sa cuva sobu e matana ka reguci koya; e rau a veivakabulataki ka lako sara yani ki na loma ni valelaca.

Aisea 51:19

Sa yaco vei iko e rua na leqa oqo: Sa vakacacani sara na nomu vanua ena i valu, Ka ra sa viakana na luvemu. A sega ni dua me lomani iko.

Jeremaia 13:14

Au na qai botobotolaki ira vata me vaka na saqa, o ira na qase kei ira na luvedra. Sa na sega tale na loloma, se na yalo veivosoti se yalo loloma me na tarova na noqu vakamatei ira.”

Jeremaia 16:5

A sa kaya o Jiova, ‘Mo kakua ni curu ki na dua na vale e caka tiko kina na tagi. Kakua ni tagicaka e dua na tamata, se ia na veivakacegui. Au na sega tale ni vakalougatataki ira ena tiko sautu, se vakaraitaka vei ira na loloma kei na yalo loloma, sa kaya o Jiova.

Jeremaia 21:7

A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Lele i Jeremaia 1:17

Sa dodoka mai na ligana o Saioni, Ia sa sega e dua me vakacegui koya; Sa veivakaroti o Jiova ena vuku i Jekope Ni ra na nona meca tale o ira sa tiko voliti koya; Sa yaco ga o Jerusalemi Me dua na ka vakasisila vei ira.

Neumi 3:7

O ira kece sa raici iko era na kidroa. Era na kaya, ‘Sa rusa o Ninive! O cei beka ena lomani koya? O cei beka ena bau via vakacegui koya?’ ”

Dauveilewai 18:15

Era a qai lako ki na vale i Maika, ka tiko kina na Livai gone o ya, era a taroga na Livai se sa vakacava tiko?

1 Samuela 10:4

E ratou na kidavaki kemuni, ka ratou na solia vei kemuni e rua na i buli madrai; ia mo ni taura oqo.

1 Samuela 17:22

A sa biuta na veika e kauta voli yani o Tevita vei koya na dauvakatawa i yaya, ka cici ki na buturara ni valu, ka tarogi iratou na tuakana se ratou bula vinaka tiko se segai.

1 Samuela 25:5

A qai tala e lewe tini na cauravou o Tevita ka kaya, “Ni lako cake ki Kameli vei Nepali, kidavaki koya ka cavuta vua na yacaqu.