Jeremaia 15:3 - Vakavakadewa Vou kei na iVola tale eso

³ Au sa lesia e va na ka rerevaki me na yaco vei ira; era na vakamatei ena i seleiwau; ena basuraka na yagodra na koli; era na kania na manumanu vuka; na yagodra ka ra na qai tiloma vakaotia na manumanu kila na veika sa vo.

Ai Vola Tabu (Vakadewa Makawa Vakavoutaki 2021)

³ Ia e va na ka ka'u na lesia me rawai ira, sa kaya ko Jiova: nai seleiwau me ia na veivakamatei, kei na koli me ia na veidresulaki, kei na manumanu vuka, kei na manumanu ni vanua me kania ka vakarusai ira.

AI VOLA TABU

³ Ia na yavusa e va kaʼu na lesia me rawai ira, sa kaya ko Jiova: nai seleiwau me ia na veivakamatei, kei na koli me ia na veidresulaki, kei na manumanu ni lomalagi, kei na manumanu ni vanua, me kania ka vakarusai ira.

Vakavakadewa Makawa

³ Ia e va na ka ka'u na lesia me rawai ira, sa kaya ko Jiova: nai seleiwau me ia na veivakamatei, kei na koli me ia na veidresulaki, kei na manumanu vuka, kei na manumanu ni vanua, me kania ka vakarusai ira.

Ai Vola Tabu Ena Vakavakadewa Vou

³ Au sa lesia e va na ka rerevaki me na yaco vei ira; era na vakamatei ena i seleiwau; ena basuraka na yagodra na koli; era na kania na manumanu vuka; na yagodra ka ra na qai tiloma vakaotia na manumanu kila na veika sa vo.

Jeremaia 15:3 Iomraidhean Croise

NA SAME 68:23

Me sisili kina na yavamuni ena nodra dra, Ka ra dramica na nomuni koli na kedra i votavota.”

Aisea 18:6

Ena qai biu tu na yagodra me kedra, Na manumanu vuka ena veidelana, Kei na manumanu kila ena dela i vuravura. Era na mai kania na yagodra na manumanu vuka Ena vula i katakata, Kei na manumanu kila ena vula i batabata.”

Jeremaia 12:9

O ira na noqu tamata digitaki Sa vaka na manumanu Sa voliti ira eso na manulevu Me veivala kaya. Kacivi ira mai na manumanu kila Me ra mai kana talega!

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 14:16

Era na mate talega na tamata e tukuni vei ira na veika oqo ena i valu kei na dausiga. Na yagodra ena viritaka ena veigaunisala mai Jerusalemi, ka na sega e dua me na buluti ira. Na ka oqo ena yacovi ira kece, ena yacovi ira na watidra, na luvedra tagane kei na luvedra yalewa. Au na sauma vei ira na nodra i valavala ca.”

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 7:33

Na yago ni tamata mate ena kedra na manumanu vuka kei na manumanu kila, ka na sega me na vakarerei ira tani.

Lele i Jeremaia 3:11

Sa vukica na noqu i lakolako ka basuraki au; Sa qai biuti au tu me'u vakaloloma.

Isikeli 14:21

Ni sa kaya vakaoqo na Kalou o Jiova, “Me na vakavica tale na noqu vakanakuitataki Jerusalemi ena va na i totogi ni veivakarusai ni noqu cudru, o ya na i seleiwau, na dausiga, na manumanu ca, kei na mate dauveitauvi, me'u muduka tani mai kina na tamata kei na manumanu!

Isikeli 33:27

Mo kaya vakaoqo vei ira, ‘Sa kaya vakaoqo na Kalou o Jiova: Me vaka na dina ni noqu bula, era na mate ga ena i seleiwau o ira ka vakatawa na veitiki ni vanua lala; ia o koya talega mai na i bili ka'u na soli koya vei ira na manumanu me ra kania; o ira ka ra tu ena vale kaukauwa vakaivalu, na ulu vatu, kei na qara vatu, era na mate ena mate dauveitauvi.

Vunau ni Soro 26:16

au na totogitaki kemuni. Au na vakavuna me yacovi kemuni na leqa me vaka na mate lelevu sa sega na kena i wali, kei na katakata ni yago me vakavuna na boko ni matamuni kei na kena lutu tikoga na yagomuni. O ni na kaburaka na sore ni kau me nomuni itei, ia ena sega ni yaga vei kemuni na vua ni nomuni i teitei baleta ni ra na kania na kemuni meca era na vakadrukai kemuni.

Vunau ni Soro 26:22

Au na tala na manumanu kila vei kemuni, era na vakamatea na luvemuni, ka vakaleqai ira na nomuni manumanu, ka vakavuna mo ni lewe lailai ga, ena lala didi kina na nomuni gaunisala.

Vunau ni Soro 26:25

Au na vakavuna mo ni valuti, ka me totogitaki kina na nomuni voroka na veiyalayalati; kevaka o ni dro lesu ki na nomuni veikoro ena vaqara bula, au na tala yani na mate dewa vei kemuni, ka soli kemuni ki na ligadra na kemuni meca.

Emosi 5:19

Sa vaka e dua na tamata sa drotaka e dua na laione, ka sa tavaki koya na bea, se vaka me lako e dua ki na dua na vale ka la'ki tatabaki e lalaga, ka qai kati koya mai e dua na gata.

Vakarua 28:26

Ni o ni sa mate, era na kania na yagomuni o ira na manumanu vuka kei na manumanu kila ni vanua ka na sega ni dua me na vakasavi ira.

Vakarua 32:24

Era na mate ena viakana kei na katakata; era na mate mai na veimate vakarerevaki. Ka'u na tala na manumanu kila me vakasasataki ira, kei na gata batigaga me kati ira.

Vakatakila 6:8

Au sa qai raica e dua na ose drokadroka siyawa. Na yaca i koya sa vodoka tiko o Mate, ka sa muri koya tiko o Etesi. Sa soli vei rau me rau lewa na dua na i kava kei vuravura, me rau ia na veivakamatei ena i valu, ena viakana, ena mate ca, kei na manumanu kila kei vuravura.