Jeremaia 15:1 - Vakavakadewa Vou kei na iVola tale eso

¹ Ia sa qai kaya vei au o Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.

Ai Vola Tabu (Vakadewa Makawa Vakavoutaki 2021)

¹ Sa qai kaya vei au ko Jiova, “Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo. Biuti ira tani me'u kua ni raica, me ra lako tani ga.

AI VOLA TABU

¹ A SA kaya vei au ko Jiova, Ke rau tu ko Mosese kei Samueli e mataqu, ke na sega ga ni gole na lomaqu vei ira na tamata o qo: biuti ira tani e mataqu, me ra lako tani ga.

Vakavakadewa Makawa

¹ Sa qai kaya vei au ko Jiova, Ke rau tu e mataqu ko Mosese kei Samuela, ke sega ni gole rawa kina na lomaqu vei ira na tamata oqo: biuti ira tani me'u kua ni raica, me ra lako tani ga.

Ai Vola Tabu Ena Vakavakadewa Vou

¹ Ia sa qai kaya vei au ko Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.

Jeremaia 15:1 Iomraidhean Croise

Vakatekivu 19:27

Ena mataka lailai ka tarava, a sou yani o Epara-ama ki na vanua ka a la'ki tu taumada kina ena mata i Jiova.

2 Tui 17:20

A sa sega ni taleitaki ira kecega na Isireli o Jiova, ni sa totogitaki ira ka soli ira yani ki na ligadra na meca rerevaki, ka yacova na gauna sa biuti ira tani kina mai matana.

NA SAME 106:23

Ni sa kaya na Kalou ni na vakarusai ira na nona tamata, A sa qai tucake o Mosese, na nona tamata digitaki me rau veitalanoa kei na Kalou, Ka sa tarova rawa kina na nona cudru ka sega ni vakarusai ira.

NA SAME 99:6

O Mosese kei Eroni e rau a nona bete, Kei Samuela, o koya ka a masu vua; E ratou a masuti Jiova, ka sa rogo yani vei iratou.

Vosavakaibalebale 14:35

Era sa yalovinaka na tui vei ira na nodra vakailesilesi era sa rawata vinaka na nodra i tavi, ia era sa totogitaki ira era sega ni qarava vakavinaka na nodra cakacaka.

Jeremaia 10:18

Ena vakarau kolotaki kemuni tani mai na vanua oqo o Jiova; ena vakarau vakadasilataki kemuni me yacova ni sa sega ni vo e dua vei kemuni. A sa kaya ga vakaoqo o Jiova.”

Jeremaia 11:14

Mo kakua sara ni masu mai vei au, se kerekere mai vei au ena vukudra na tamata oqo. Ni ra sa leqa, era sa qai kere veivuke mai vei au, Au na sega ni rogoci ira.”

Jeremaia 14:11

A sa kaya vei au o Jiova, “Kakua ni masuti au me'u vukei ira na tamata oqo.

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 15:19

O koya oqo sa kaya kina o Jiova, “Kevaka o na lesu mai, au na ciqomi iko tale, o na yaco tale mo noqu dauveiqaravi. Kevaka o sa tukuna ga na veika yaga ka segai na veika tawa yaga, o na yaco mo noqu parofita tale. Era na qai golevi iko mai na tamata, ka na sega tale ni yaga mo na dau lako vei ira.

Jeremaia 16:13

O koya oqo au sa na biuti kemuni tani kina mai na vanua oqo ki na dua na vanua o ni sa sega ni bau kila vakadua se o ira na nomuni qase. Mai kea o ni na qai la'ki qaravi ira kina na veikalou tani ena siga kei na bogi, ka'u sa na sega ni vakaraitaka vei kemuni e dua na ka vinaka.’ ”

Jeremaia 16:5

A sa kaya o Jiova, ‘Mo kakua ni curu ki na dua na vale e caka tiko kina na tagi. Kakua ni tagicaka e dua na tamata, se ia na veivakacegui. Au na sega tale ni vakalougatataki ira ena tiko sautu, se vakaraitaka vei ira na loloma kei na yalo loloma, sa kaya o Jiova.

Jeremaia 18:20

Me i sau li ni ka vinaka na ka ca? Era sa kelia e dua na qara me'u sikalutu kina. Ni nanuma na noqu a lako mai vei kemuni ena vukudra, mo ni kakua ni vakatauca vei ira na nomuni cudru.

Jeremaia 22:28

A sa kaya o Jeremaia, “Sa yaco li o Jo-akini na tui me vaka e dua na saqa kavoro sa viritaki laivi ka sa sega e dua e vinakata? A cava na ka e kau tani kina o koya kei ira na luvena ki na dua na vanua e ratou sa sega ni kila?”

Jeremaia 23:39

Ni'u na tauri ira cake ka kolotaki ira vakayawa sara mai vei au; oqori e wili kina o ira vata kei na koro ka'u a solia vei ira, vata kei ira na nodra qase.

Jeremaia 35:19

O koya oqo a kaya kina na Turaga Qaqa na nodra Kalou na Isireli. E sega ni mudu ena kawa i Rekapi na tagane me na qaravi au.”

Jeremaia 52:3

Sa toro sobu sara na veika e yaco e Jerusalemi kei Juta ka sa cudru sara kina o Jiova ka lewa me ra kau tani vakabobula. A bese ni vakarorogo o Setekaia vua na tui Papiloni.

Jeremaia 9:19

Ni rogoca Na domo ni tagi mai Saioni, “Eda sa rusa! Eda sa vakamaduataki sara ga! Sa dodonu me da biuta na noda vanua; Sa talaraki sobu na noda veivale.”

Isikeli 14:14

Kevaka mada ga e ratou tiko kina na tamata tolutolu oqo, o Noa, o Taniela, kei Jope, e ratou sa dui vakabula ga na yalodratou ena nodratou yalo dodonu, sa kaya na Kalou o Jiova.

Isikeli 22:30

Ia ka'u sa qara e dua na tamata vei ira, o koya ka na viria na bai, ka me tu ena tiki ni bai sa basuki e mataqu ena vuku ni vanua, me'u kakua ni vakarusa; ia ka'u sa sega ni kunea e dua.

Osea 9:15

A sa kaya vakaoqo o Jiova, “Sa vakatekivu mai Kilikali na nodra caka ca. Au a sa cati ira taumada mai kea. Ena vuku ni ca ni nodra i valavala, au na vakasavi ira tani mai na noqu vanua. Au na sega tale ni lomani ira; era sa talaidredre kecega vei au o ira na nodra i liuliu.

Sakaraia 3:3

E a tucake tu ena mata ni agilosi o Josua, ka daramaka tu na i sulu madra sa rairai duka.

Vakarua 9:26

Au a masu ka kaya, “Kemuni Jiova, ni kakua ni vakarusai ira na nomuni tamata, o ni a sereki ira ka kauti ira tani mai Ijipita ena nomuni gumatua kei na kaukauwa levu ni ligamuni.

Iperiu 9:24

Ni sa sega ni curu na Karisito ki na Tikina Tabu sa caka ena liga ni tamata, ka i vakatakarakara ga ni kena ka dina; ia sa curu vakadodonu sara ga ki lomalagi, me rairai ki na mata ni Kalou ena vukuda.

Dauveilewai 5:9

Sa gole na yaloqu vei iratou na komada ni Isireli, vei ira era sa bole ena yalo e marautaka. Me vakacaucautaki ga o Jiova!

1 Samuela 12:19

Era a kaya vei Samuela o ira kecega na tamata, “Mo masulaki keimami mada vei Jiova na nomuni Kalou, me keimami kakua ni mate; keimami sa kuria na neimami i valavala ca ena neimami kerea me dua na neimami tui.”

1 Samuela 12:23

Ia vei au, me'u kakua sara ni caka cala vei Jiova mai na noqu tarova na noqu dau masulaki kemuni. Ia, au na vakavulici kemuni ena i valavala vinaka ka dodonu.

1 Samuela 7:9

A kauta o Samuela e dua na lami ka sa sucu tiko vei tinana, ka la'ki vakacabora taucoko me i soro kama vei Jiova; a tagi o Samuela vei Jiova ena vukudra na Isireli, a sa rogoci koya o Jiova.