Jeremaia 14:7 - Vakavakadewa Vou kei na iVola tale eso

⁷ Era sa tagi mai vei au Na noqu tamata, E dina sa beitaki keimami Na neimami ca, Ia ni vukei keimami Jiova Me vaka na nomuni vosa ni yalayala. Keimami sa gole tani vakavuqa Mai vei kemuni; Keimami sai valavala ca vei kemuni.

Ai Vola Tabu (Vakadewa Makawa Vakavoutaki 2021)

⁷ “Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga; ni sa ka levu na neimami dauvuki; keimami sai valavala ca vei kemuni.

AI VOLA TABU

⁷ A neimami caka cala, Jiova, sa tukuni keimami dina me ca, ia mo cakacaka e na vuku ni yacamu ga: ni sa ka levu na neimami dauvuki; keimami sai valavala ca vei iko.

Vakavakadewa Makawa

⁷ Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Ai Vola Tabu Ena Vakavakadewa Vou

⁷ Era sa tagi mai vei au Na noqu tamata, E dina sa beitaki keimami Na neimami ca, Ia ni vukei keimami Jiova Me vaka na nomuni vosa ni yalayala. Keimami sa gole tani vakavuqa Mai vei kemuni; Keimami sai valavala ca vei kemuni.

Jeremaia 14:7 Iomraidhean Croise

Esera 9:15

Kemuni Jiova, na Kalou ni Isireli, o ni sa rui yalododonu. Ia sai keimami oqo na vo-ni-bula, ni o ni sa ia ga na veivakabulai. Keimami sa kerea na nomuni veivosoti ena vuku ni neimami cala, ni sa sega sara ni kilikili kei keimami me keimami tu e matamuni.”

NA SAME 115:1

Me caka vei kemuni taudua ga Jiova na veivakalagilagi; Me caka vei kemuni taudua ga ka me kakua ni caka vei keimami, Ena vuku ni nomuni loloma tudei kei na nomuni yalodina.

NA SAME 25:11

Ni nanuma na nomuni vosa ni yalayala i Jiova Ka bokoca na noqu i valavala ca, Ni sa rui ka levu sara.

NA SAME 79:9

Ni vukei keimami na Kalou na neimami vakabula me baleta na dokai ni yacamuni; Ni vakabulai keimami ka vosoti keimami, Me ra na vakacaucautaki kemuni kina na tamata.

Aisea 48:11

Ia au sa qai raica ni o ni sa tawa yaga. Na ka au cakava, au sa cakava ga ena vukuqu. Au na sega ni laiva na yacaqu me beci Ka'u na sega ni laiva tale vua e dua na noqu dokai Sa i koya na ka sa noqu, ka noqu taudua ga.”

Aisea 59:12

Turaga sa ka levu na neimami i valavala ca e matamuni Ka sa beitaki keimami na neimami i tovo ca. Keimami sa kila tu na kena levu.

Jeremaia 10:19

Era sa tabalaka na tagi Na lewe i Jerusalemi. Oilei, keimami sa mavoa vakaca sara! Ena sega ni mavo rawa na neimami mavoa. Ka keimami sa nanuma ga Ni sa rawa me vosoti na ka oqo!

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 3:25

Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Jeremaia 3:6

A sa kaya vei au o Jiova ena gauna a tui kina o Josaia, “O sa raica na ka sa cakava o Isireli, na yalewa sega ni yalodina ena nona sa gole tani vei au? Sa kaba cake ki na veidelana cecere kei na ruku ni veivunikau me dautagane kina?

Jeremaia 5:25

Na nomuni caka cala sa kauta tani na veika oqo kei na nomudou i valavala ca sa kauta tani vei kemudou na veika vinaka.

Jeremaia 5:6

Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 8:14

A cava e da sa dabe vakadua kina? Ni lako mai me da mai cici ki na veikoro vakabai ka mate mai kea. Sa vakararawataki keda o Jiova me da mate, sa solia vei keda na wai gaga me da gunuva baleta ni da sai valavala ca vua.

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Isikeli 20:14

Ia ka'u cakacaka ga ena vuku ni yacaqu, me kakua ni vakacacani e matadra na veimatanitu ka'u a kauti ira tani mai kina.

Isikeli 20:22

Ia ka'u a tarova na ligaqu, ka cakacaka ena vuku ni yacaqu, me kakua ni vakacacani e matadra na veimatanitu tani, ka'u a kauti ira tani mai kina.

Isikeli 20:9

Ia ka'u cakacaka ga ena vuku ni yacaqu, me kakua ni vakacacani e matadra na veimatanitu, era sa tiko kei ira, ka'u sa vakatakilai au vei ira e matadra, ena noqu kauti ira tani mai na vanua o Ijipita.

Osea 5:5

Na viavialevu i Isireli sai vakadinadina ni nona sa beitaki. Na nodra i valavala ca sa vakavuna na nodra bale, ka ra na bale vata kaya o ira na Juta.

Osea 7:10

Na nodra viavialevu na Isireli sa tukuni ira ga. Era sa sega ga ni lesu tale mai vei au, o Jiova na nodra Kalou, ka veitalia sara na veika sa vakayacori oti.

Emosi 7:2

Ena noqu raivotu ka'u a raica kina na nodra sa kania na vodre na veika drokadroka kecega ni vanua, ka'u sa qai kaya, “Kemuni na Turaga Jiova, ni vosoti ira na nomuni tamata! Era na qai bula rawa li vakaevei? Era sa rui lalai sara ka malumalumu!”

Maika 7:9

Eda sai valavala ca vei Jiova, ia oqo, sa dodonu me da vosota vakalailai mada na nona cudru. Ia, e muri ga ena qai valataka o koya na ka me baleti keda ka vakadodonutaka na cala sa vakayacori oti vei keda.

Efeso 1:12

O koya oqo me da qai vakacaucautaka kina na lagilagi ni Kalou, oi keda na i sevu ni tamata ka vakanuinui taumada vei Karisito.

Efeso 1:6

Me da vakacaucautaka kina na Kalou ena uasivi ni nona loloma-savu, ena i loloma soli wale vei keda ena vukuna na Luvena lomani!

Vakarua 32:27

Ia au sega ni vinakata me ra dokadoka kina na nodra meca, ni ra kaya ni ra sa vakadrukai ira na noqu tamata, ka ni sai au ga ka a vakamalumalumutaki ira.’

Josua 7:9

Era na rogoca na kena i tukutuku o ira na kai Kenani kei ira kece ka tiko ena vanua oqo, era na mai wavokiti keimami ka vakamatei keimami kece sara! A cava beka o ni na cakava me taqomaki kina na i rogorogo ni yacamuni?”