Jeremaia 14:12 - Vakavakadewa Vou kei na iVola tale eso

¹² Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Ai Vola Tabu (Vakadewa Makawa Vakavoutaki 2021)

¹² Ni ra sa lolo, ka'u na sega ni rogoca na nodra tagi, ni ra sa vakacabora nai soro kama kei nai madrali, ka'u na sega ni vinakati ira. Ia ka'u na vakarusai ira ga e nai seleiwau, kei na viakana, kei na mate dauveiveitauvi.”

AI VOLA TABU

¹² Ni ra sa lolo, kaʼu na sega ni rogoca na nodra tagi; ni ra sa cabora nai soro kama kei nai madrali, kaʼu na sega ni vinakati ira: ia e nai seleiwau, kei na viakana, kei na mate dauveitauvi, kaʼu na vakarusai ira ga kina.

Vakavakadewa Makawa

¹² Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Ai Vola Tabu Ena Vakavakadewa Vou

¹² Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 14:12 Iomraidhean Croise

Jope 27:9

Ena rogoca li na Kalou na nodra tagi Ni sa yacovi ira mai na leqa?

Vosavakaibalebale 1:28

O ni sa na kaciva yani na yalomatua, ia au sa na sega ni sauma mai. O ni na vaqarai au ena veiyasana kecega, ia o ni na sega ni kunei au.

Vosavakaibalebale 15:8

Sa cata o Jiova na nodra i soro na tamata ca, ia sa taleitaka ga na nodra masu na yalododonu.

Vosavakaibalebale 21:27

A nodra i soro na tamata ca sa ka vakasisila; sa qai ca vakalevu ni cabori ena yalo vakatani.

Vosavakaibalebale 28:9

Kevaka o na sega ni muria na lawa, ena sega ni taleitaka na Kalou me rogoca na nomu masu.

Aisea 58:3

Era kaya na tamata, “Na cava me da lolo kina kevaka e sega ni raica na Turaga, A cava me da cakava kina kevaka e sega ni kauwaitaki?” Sa qai kaya vei ira o Jiova, “Raica, ena gauna o ni lolo kina O ni dui vaqara ga na ka o ni vinakata Ka tabaki ira sobu na nomuni tamata cakacaka.

Jeremaia 11:11

O koya oqo sa kaya kina o Jiova, “Au sa na kauta mai na veivakarusai era sa sega ni rawa ni drotaka. Kevaka era na tagi mai vei au, au na sega ni rogoci ira.

Jeremaia 11:14

Mo kakua sara ni masu mai vei au, se kerekere mai vei au ena vukudra na tamata oqo. Ni ra sa leqa, era sa qai kere veivuke mai vei au, Au na sega ni rogoci ira.”

Jeremaia 15:1

Ia sa qai kaya vei au o Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 21:6

Au na vakamatei ira kece sara era tiko ena koro oqo; ena tautauvata ga ki na tamata kei na manumanu kecega era na mate ena dua na mate ca levu sara.

Jeremaia 24:10

Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Jeremaia 32:24

Era sa viria cake na i kabakaba na kai Papiloni ka binia cake na qele wavokita na koro me ra vakamalumalumutaka, ka ra samuta sara tikoga. Na i valu, na viakana kei na mate ca ena vakavuna na kena soli na koro ki ligadra. Kemuni Turaga o ni sa raica ni sa yaco na ka kece sara o ni a tukuna.

Jeremaia 6:20

A cava na betena vei au na ka boi vinaka era kauta mai vei au mai Sipa, se na i saluwaki boi vinaka mai na dua na vanua yawa? Au na sega ni vakadonuya na nodra i soro kama, au na sega ni taleitaka na nodra i solisoli.

Jeremaia 8:13

Au na vakarusai ira vakadua na noqu tamata. Era na vaka na vunivaini sa sega kina na qerepi, e vaka e dua na lolo sega ni vua; na drauna mada ga sa malai tu. O koya oqo au na solia kina vei ira na veika eso sa kitaka.”

Jeremaia 9:16

Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Isikeli 14:19

“Se kevaka ka'u na vakayacora ki na vanua na mate dauveitauvi, ka sovaraka kina na noqu cudru ena mate, me'u muduka tani kina na tamata kei na manumanu;

Isikeli 14:21

Ni sa kaya vakaoqo na Kalou o Jiova, “Me na vakavica tale na noqu vakanakuitataki Jerusalemi ena va na i totogi ni veivakarusai ni noqu cudru, o ya na i seleiwau, na dausiga, na manumanu ca, kei na mate dauveitauvi, me'u muduka tani mai kina na tamata kei na manumanu!

Isikeli 8:18

O koya oqo, ka'u na vakayaco-ka kina ena cudru. Au na sega ni vakavoca na nodra bula ka'u na sega talega ni yalololoma vei ira. E dina ga ni kevaka era sa tagi vakadomoilevu ki daligaqu, au na sega ga ni rogoci ira.

Osea 5:6

Era na kauta yani na nodra sipi kei na bulumakau me cabori vei Jiova, ia sa sega ga ni kauta mai vei ira e dua na ka vinaka. Era sa sega ni kunei koya rawa, ni sa gole tani mai vei ira o koya.

Emosi 5:21

A sa kaya o Jiova, “Au sa cata na nomuni solevu vakalotu eso; ka'u sa sega ni taleitaka na nomuni soqosoqo tabu.

Maika 3:4

Sa voleka mai na gauna mo ni tagi kina vei Jiova, ia ena sega ni rogoci kemuni o koya. Ena sega ni rogoca na nomuni masu o koya, ni sa ca na nomuni i valavala.

Sakaraia 7:13

Ena vuku ni nodra a sega ni vakarorogo ena gauna au a vosa kina, au a sega ni rogoci ira kina ni ra sa masuti au.

Malakai 1:10

A sa kaya na Turaga o Jiova ni lewevuqa, “Au diva mada ga me dua vei kemuni e sogosogota na veikatuba ni Valenisoro me tarova na nomuni dau la'ki vakawaqa tiko kina na buka sa sega na betena ena noqu i cabocabonisoro. Au sa sega ni taleitaki kemuni; ka'u na sega sara ni ciqoma e dua na i madrali o ni cabora mai vei au.

Malakai 2:13

Oqo tale e dua na ka o ni sa cakava. Sa sinai na i cabocabonisoro i Jiova ena wai ni matamuni, ni o ni sa dautagi ka qoqolou baleta ni sa sega ni qai ciqoma o koya na nomuni madrali mo ni cabora vua.

Vakatakila 6:8

Au sa qai raica e dua na ose drokadroka siyawa. Na yaca i koya sa vodoka tiko o Mate, ka sa muri koya tiko o Etesi. Sa soli vei rau me rau lewa na dua na i kava kei vuravura, me rau ia na veivakamatei ena i valu, ena viakana, ena mate ca, kei na manumanu kila kei vuravura.