Jeremaia 14:10 - Vakavakadewa Vou kei na iVola tale eso

¹⁰ A tukuna o Jiova me baleti ira na tamata oqo, “Era sa vinakata me ra lako tani mai vei au vakaoqo, ka sa sega ni lewai ira rawa. O koya oqo au sa sega kina ni vinakati ira. Au na nanuma tiko na veika ca era cakava ka'u na vakaitotogitaki ira ena vuku ni nodra i valavala ca.”

Ai Vola Tabu (Vakadewa Makawa Vakavoutaki 2021)

¹⁰ Sa kaya vakaoqo ko Jiova vei ira na tamata oqo, “Sa vaka ga oqo na nodra vinakata me ra lako sese, era sa sega ni tarova na yavadra; ia ko Jiova sa sega kina ni vinakati ira, ena nanuma oqo na nodra caka cala, ka cudruva na nodra i valavala ca.”

AI VOLA TABU

¹⁰ Sa vosa vakaoqo ko Jiova vei ira na tamata o qo, Sa vaka ga o qo na nodra vinakata na lako sese, na yavadra era sa sega ni tarova, ia ko Jiova sa sega ni vinakati ira kina; ena nanuma o qo na nodra caka cala, ka cudruva na nodrai valavala ca.

Vakavakadewa Makawa

¹⁰ Sa kaya vakaoqo ko Jiova vei ira na tamata oqo, Sa vaka ga oqo na nodra vinakata me ra lako sese, era sa sega ni tarova na yavadra, ia ko Jiova sa sega kina ni vinakati ira; ena nanuma oqo na nodra caka cala, ka cudruva na nodra i valavala ca.

Ai Vola Tabu Ena Vakavakadewa Vou

¹⁰ A tukuna ko Jiova me baleti ira na tamata oqo, “Era sa vinakata me ra lako tani mai vei au vakaoqo, ka sa sega ni lewai ira rawa. O koya oqo au sa sega kina ni vinakati ira. Au na nanuma tiko na veika ca era cakava ka'u na vakaitotogitaki ira ena vuku ni nodra i valavala ca.”

Jeremaia 14:10 Iomraidhean Croise

1 Tui 17:18

A sa kaya na yada vei Ilaijia, “Kemuni na tamata ni Kalou, a cava na ka o ni sa vakayacora oqo vei au? O ni sa lako beka mai mo ni mai vakatakila vua na Kalou na noqu i valavala ca, ka sa vakavuna oqo na mate nei luvequ?”

NA SAME 119:101

Au sa tarovi au mai na i tovo ca kecega, Baleta ni'u sa gadreva me'u muria na nomuni vosa.

NA SAME 95:10

E vasagavulu na yabaki au a rarawataki ira voli kina Na tamata oqo; ka kaya, “Sa so na tamata sega ni yalodina! Era sa bese ga ni muria na noqu i vakaro.

Lako Yani 32:34

Ia oqo, mo lako ka liutaki ira na tamata ki na vanua ka'u a kaya vei iko; raica na noqu agilosi ena liutaki iko, ia ena yaco ga mai na siga ka'u na totogitaki ira kina na tamata oqo ena vuku ni nodra i valavala ca.

Jeremaia 2:36

A cava sa rui rawarawa kina na nomu veisautaka na lomamu? Era vakamaduataki iko o Ijipita, me vaka e a cakava o Asiria.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, o Jiova, sa vosa vakaoqo.

Jeremaia 31:34

Ena sega ni dua me na vakavulica na wekana ka na sega ni dua ena tukuna vua na kai nona, ‘Mo kila na Turaga.’ Era na kilai au kece sara, me tekivu mai vei ira na cecere sara ka yaco vei ira na lalai sara. Au na vosota na nodra ca ka sega tale ni nanuma tiko na nodra i valavala ca.’

Jeremaia 6:20

A cava na betena vei au na ka boi vinaka era kauta mai vei au mai Sipa, se na i saluwaki boi vinaka mai na dua na vanua yawa? Au na sega ni vakadonuya na nodra i soro kama, au na sega ni taleitaka na nodra i solisoli.

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Isikeli 29:16

Ia ena sega tale na vanua era na vakararavi kina na mataqali i Isireli, me ra vakananuma tale kina na nodra caka cala ni ra golevi ira yani me kere veivuke. Ia era na qai kila ni sai au na Kalou o Jiova.

Osea 11:7

O ira na noqu tamata era sa nakita ga me ra vuki tani mai vei au. Era na tagi vakalevu ena vuku ni i vua sa vakataqari e domodra, ia ena sega ga ni dua ena laveta tani mai vei ira.

Osea 11:9

Au na sega ni totogitaki iko ena noqu cudru; Au sa sega tale vakadua ni vakarusai Isireli. Ni'u sa Kalou oi au, ka'u sa sega ni tamata. Oi au, o Koya na Yalosavasava, sa tiko vata kei iko. Au na sega ni torovi iko ena dela ni cudru.

Osea 7:13

“Era sa kalouca! Era sa biuti au ka talaidredre vei au. Era na vakarusai. Au a via vakabulai ira, ia era sa sokalou vakarairai ga vei au.

Osea 7:2

Era sa sega ni bau vakasamataka ni'u na dau nanuma tikoga na nodra caka cala kece sara; ia na nodra i valavala ca sa wavoliti ira, ka sa tu ga e mataqu.”

Osea 8:13

Era sa vakacaboisoro vei au ka ra sa kania na lewe ni manumanu sa vakacabori. Ia oi au, o Jiova, ka'u sa sega ni marautaki ira, ka'u na nanuma na nodra caka cala ka cudruvi ira kina; io au na vakauti ira lesu tale ki Ijipita!

Osea 9:9

Era sai valavala ca vakalevu me vaka mai Qibea. Ena nanuma ga na Kalou na nodra i tovo ca, ka totogitaki ira vakakina.

Emosi 3:2

“Mai vei ira na veimatanitu kece sara e vuravura, sai iko duadua ga au sa kila ka kauwaitaka vakalevu. Oqori na vuna e sa rui vakadomobula kina na nomuni i valavala ca, ka oqori talega na vuna ka'u sa cudruvi kemuni kina ena vuku ni nomuni caka cala oqo.”

Emosi 5:22

Ni o ni na cabora mai vei au na i soro kama kei na i madrali laukana, au na sega ni ciqoma. Au na sega ni ciqoma na nomuni manumanu o ni sa susuga me urouro vinaka me cabori vei au.

Iperiu 8:12

Ka'u na vosota na nodra i valavala ca Ka guilecava vakadua na nodra caka cala.”

1 Samuela 15:2

A sa kaya vakaoqo o Jiova ni lewevuqa, “Au na totogitaki ira na Amalekaiti ena vuku ni ka era a cakava vei ira na Isireli, ena nodra a saqati ira ena i lakolako mai Ijipita.