Jeremaia 13:21 - Vakavakadewa Vou kei na iVola tale eso

²¹ A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Ai Vola Tabu (Vakadewa Makawa Vakavoutaki 2021)

²¹ A cava ko na qai kaya ni sa cudruvi iko ko koya? Ni sai iko ga ka vakavulici ira me ra nomu turaga, ka me ra liu. Ena sega beka ni tauvi iko na rarawa, me vaka na yalewa sa taratara?

AI VOLA TABU

²¹ A cava mo qai kaya ni sa qai cudruvi iko ko koya? ia ko iko ga ko sa vakavulici ira me ra nomu turaga, me ra liu: me sega beka na rarawa me tauvi iko, me vaka na alewa sa taratara?

Vakavakadewa Makawa

²¹ A cava ko na qai kaya ni sa cudruvi iko ko koya? ni sai iko ga ka vakavulici ira me ra nomu turaga, ka me ra liu: ena sega beka ni tauvi iko na rarawa, me vaka na yalewa sa taratara?

Ai Vola Tabu Ena Vakavakadewa Vou

²¹ A cava o ni nanuma me baleti ira na tamata o ni nanuma ni ra sa nomuni tokani era sa lesi me ra nomuni i liuliu? O ni na rarawa me vaka e dua na yalewa sa taratara?

Jeremaia 13:21 Iomraidhean Croise

2 Tui 16:7

A sa tala o Easi eso na tamata vei Tikilaci Piliseri na tui Asiria me ra kauta na i tukutuku oqo: “Oi au na nomu tamata, ka luvemu talega. Mo lako cake mai mo vakabulai au mai na ligadra na tui Siria kei tui Isireli, ka rau valuti au tiko.”

Aisea 10:3

Na cava o ni na cakava ni sa na totogitaki kemuni na Kalou? Na cava o ni na cakava, Ni sa na kauta mai vei kemuni na leqa mai na dua na vanua yawa? O cei o ni na dro vua me vukei kemuni? O ni na vunitaka e vei na nomuni i yau?

Aisea 13:8

Ena yacovi ira kecega na rere, Ka ra bikai ena vutu me vaka na taratara ni yalewa bukete. Era na veiraici vakai ira ena taqaya, Ka waqa na matadra ena madua.

Aisea 21:3

Na veika au raica ka rogoca ena raivotu, Sa vakasinaiti au ena domobula kei na rere, Kei na mosi me vaka na taratara ni yalewa bukete.

Jeremaia 2:25

Me vakaivava na yavamu Isireli, Mo kakua talega ni karamaca mai. Ia o sa qai kaya, sega, a cava na kena yaga? Au sa vinakati ira na kalou ni kai tani, Ka'u sa na muri ira ga!”

Jeremaia 22:23

O sa vakacegu ka galala ga Ena maliwa ni sitari mai Lepanoni; Ia ena vakacava ni na yacovi iko na mosi, Na mosi e vaka na nona mosi E dua na yalewa sa taratara.”

Jeremaia 30:6

Tu mada vakadua ka vakasamataka! E rawa li me vakasucuma na tagane E dua na gone? A cava au raica kina Ni ra dui biuta tu na tagane yadua Na ligadra e ketedra? Me vaka e dua na yalewa sa taratara? A cava sa vulaci kecega kina na matadra?

Jeremaia 38:22

Raica! O ira kece sara na yalewa ni Juta era sa vo ena valenitui, era sa kau vei ira na vakailesilesi ni tui Papiloni. Rogoca mada na ka era kaya ni ra a lako. Era a vakacala na tui na nona i tokani vinaka, Ni ra sa vakatulewa vakataki ira ga. Ia oqo sa lobo na yavana ena soso ka ra sa laivi koya na nona i tokani.”

Jeremaia 4:30

I Jerusalemi, o sa vakarusai! A cava o vakaisulu kina ena i sulu kulakula? A cava o tokara kina na i ukuuku koula, Ka boroya na matamu? Sa tawa yaga na nomu sauni iko! Era sa cati iko na nomu i tau; Ka ra via vakamatei iko.

Jeremaia 4:31

Au rogoca e dua na tagi, E vaka e dua na yalewa sa taratara, E dua na vutugu E vaka e dua na yalewa E vakasucuma na nona ulumatua. A domo ni tagi i Jerusalemi Ena nona cegu oca, Ka dodoka yani na ligana Ka kaya, “Au sa vakarusai! Era sa lako mai Me ra vakamatei au!”

Jeremaia 48:41

Na veikoro kei na bai ni valu ena vakarusai. Ena siga o ya era na vakarerei na sotia ni Moapi me vaka e dua na yalewa sa taratara.

Jeremaia 5:31

Era sa parofisai vakailasu na parofita kei ira na bete era sa veiliutaki ena i vakasala ni parofita, ia o ira na noqu tamata era sa vinakata na veika oqo, ia a cava o na cakava ni sa yaco mai na kena i otioti?”

Jeremaia 6:24

Keimami sa rogoca na kena i tukutuku, ka sa malai na liga i keimami; sa luvuci keimami na rarawa ka mosi me vaka e dua na yalewa sa taratara.

Isikeli 28:9

O sa kaya tiko li, ‘Oi au e dua na kalou,’ e matadra ka ra vakamatei iko, ia sa dina ni o sa tamata ga, ka sega ni kalou, ena ligadra o ira era vuetaki iko?

Maciu 24:8

A veika kece oqo sa vaka na i vakatekivu ni ka rarawa sa sotava na yalewa sa voleka ni vakasucu gone.

1 Cesalonaika 5:3

Ena gauna era na kaya kina na tamata, “Eda sa qai vakacegu ka tiko vinaka,” ena qai yaco vakidacala vei ira na rusa me vaka na kena yaco na mosi ni kete vua e dua na yalewa bukete sa taratara, ka na sega ni dua e dro tani rawa kina.