Jeremaia 13:18 - Vakavakadewa Vou kei na iVola tale eso

¹⁸ A sa kaya o Jiova vei Jeremaia, “Tukuna vua na tui Kei na tinana na ranadi Me rau siro sobu Mai na nodrau i dabedabe vakaturaga, Baleta na nodrau i sala vakatui rairai vinaka Sa lutu mai na uludrau.”

Ai Vola Tabu (Vakadewa Makawa Vakavoutaki 2021)

¹⁸ Mo kaya vei rau na tui kei na ranadi; “Drauvakamalumalumutaki kemudrau, drau tiko sobu; ni na lako sobu mai na kemudrau ka levu, io na nomudrau i sala vakaiukuuku.”

AI VOLA TABU

¹⁸ Mo kaya vei rau na tui kei na ranadi, Drau vakamalumalumutaki kemudrau, drau tiko sobu: ni na lako sobu mai na kemudrau ka levu, io na nomudraui sala vakaiukuuku:

Vakavakadewa Makawa

¹⁸ Mo kaya vei rau na tui kei na ranadi, Drau vakamalumalumutaki kemudrau, drau tiko sobu: ni na lako sobu mai na kemudrau ka levu, io na nomudrau i sala vakaiukuuku:

Ai Vola Tabu Ena Vakavakadewa Vou

¹⁸ A sa kaya ko Jiova vei Jeremaia, “Tukuna vua na tui Kei na tinana na ranadi Me rau siro sobu Mai na nodrau i dabedabe vakaturaga, Baleta na nodrau i sala vakatui rairai vinaka Sa lutu mai na uludrau.”

Jeremaia 13:18 Iomraidhean Croise

2 Tui 24:12

ka sa soro vua o Jo-akini na tui Juta, kei tinana, kei iratou na luvena, kei ira na nona tamata, vata kei ira na i vakalesilesi ni vale vakatui. A tauri koya vakavesu o tui Papiloni ena i kawalu ni yabaki ni nona veiliutaki vakatui e Juta.

2 Tui 24:15

A sa kauti Jo-akini yani vakavesu ki Papiloni o Nepukanesa, ka vakakina na tinana, o iratou na watina, o ira na nona vakailesilesi, kei ira na nona tamata nuitaki.

2 Veigauna 33:12

Ia ni a rarawa vakalevu sara o koya, a qai vakamamasu vei Jiova na nona Kalou ka vakamalumalumutaki koya vakalevu sara ena mata ni Kalou ni nona qase.

2 Veigauna 33:19

Na nona masu na tui kei na i sau ni masu mai vua na Kalou, na i tukutuku me baleta na i valavala ca e vakayacora ni bera na nona veivutuni, oqori na cala ka kitaka, na vanua ni qaravi kalou tani kei na i vakatakarakara ni kalou yalewa o Asera ka sa bulia, vata kei na veimatakau e cuva kina, a sa volai ena nodra i Vola Tukutuku na Parofita.

2 Veigauna 33:23

A sega ni vakamalumalumutaki koya ena mata i Jiova, me vaka ni a vakamalumalumutaki koya o Manasa na tamana, ia o Amoni oqo, a qai toro cake ga na nona i valavala ca.

Lako Yani 10:3

E rau sa mani lako yani vua na tui o Mosese kei Eroni ka kaya vua, “Sa kaya vakaoqo o Jiova, o koya na nodra Kalou na Iperiu, ‘A cava soti na kena dede mo bese tiko kina ni vakamalumalumutaki iko vei au? Laivi ira na noqu tamata me ra lako, ka me ra la'ki sokalou vei au.

Lako Yani 39:28

kei na i vau ni ulu caka ena lineni matailalai, na i sala, na i sulu e loma sa caka ena lineni muloci vakamatau,

Vosavakaibalebale 27:24

baleta ni sa sega ni ka tudei na i yau. Era sa sega talega ni ka tudei vakadua na veimatanitu.

Aisea 3:20

Na nodra i sala, na i ubi ni tabadra kei na i vau ni tolodra;

Aisea 3:26

Ena tagi ka vakaloloku na matamata ni koro Ka na vaka e dua na yalewa sa dabe tiko ena qele, ka sa luvawale.

Aisea 47:1

A sa kaya o Jiova, “Papiloni, siro sobu mai na nomu i tikotiko vakaturaga, Ka mai dabe ena qele. O a vaka e dua na gone yalewa, E dua na koro sega ni druka rawa! Sa oti na kemu totoka kei na kemu lagilagi! O sa yaco oqo mo dua na bobula!

Jeremaia 22:24

A sa kaya o Jiova vei Jo-akini na luve i Jo-akimi na tui Juta, “Me vaka au sa bula dina, kevaka sara mada ga o mama ena ligaqu i matau, au na luvati iko tani,

Jeremaia 22:26

Au na kolotaki iko tani vata kei tinamu ki na dua tale na matanitu, ka sega ni dua vei kemudrau a sucu kina, o drau na mate ruarua mai kea.

Jeremaia 29:2

E a vola ni a biuti Jerusalemi o Jo-akini na tui kei na tinana na tui, kei ira na vakailesilesi ena valenitui, o ira na turaga e Juta kei Jerusalemi, vata kei ira na dautuki kaukamea.

Jeremaia 36:16

Ia ni a wiliki oti, era a veiraiyaki ena rere ka kaya vei Baruki, “Tukuna na ka oqo vua na tui.”

Lele i Jeremaia 1:6

Sa takali mai vua na goneyalewa ni Saioni na nona i ukuuku totoka kecega. O ira na kena dauveiliutaki era sa vaka na me Era sa malumalumu mai ena viakana; Sa sega na nodra kaukauwa Ni ra sa dro tani mai ligadra na dauvakasasa.

Lele i Jeremaia 1:9

A sa kunei rawarawa na nona dukadukali, Ia sa sega ni kauwaitaka na nona veisiga ni mataka; Na nona bale sobu sa ka rerevaki sara Ni sa sega ni dua me vukei koya rawa. “I Jiova, ni raica mada na noqu rarawa, Ni ra sa gumatua vei au na kequ meca!

Lele i Jeremaia 2:10

O ira na qase mai Jerusalemi Era sa dabe sobu ena qele ka vagagalu; Sa viritaki ga ki uludra na qele Ka sa vakaisulu ena sulu taga; Ia o ira na goneyalewa kei Jerusalemi, Era sa cuva ena vakarokoroko ki na qele.

Lele i Jeremaia 5:16

Sa lutu tani mai na uluda na i sala vakaturaga, Eda sa kalouca, ni da sai valavala ca!

Isikeli 16:12

Au a vakaiukuukutaki iko ena sau ni ucu, kei na sau ni daliga, ka vakaisalataki iko ena i sala lagilagi.

Isikeli 21:26

sa kaya kina vakaoqo na Kalou o Jiova: Mo luvata tani na i vauvau, ka kauta tani na i sala vakatui; ena sega ni o koya tikoga na veika sa yaco; mo laveta cake na veika sa vakalolovirataki, ka vakasivoi o koya sa cecere.

Isikeli 24:17

Mo vutugu, mo kakua soti ni qoqolou sara; mo kakua talega ni tagicaka na mate. Viria na nomu i vauvau ki ulumu; ka daramaka na nomu i vava; kakua ni ubia na tebe ni gusumu, se kania na kedra na vakaloloku.”

Isikeli 24:23

Mo ni daramaka ga na i vau ni ulumuni kei na i vava ki yavamuni; mo ni kakua ni vakaloloku se tagi. Ia o ni na yago ca ga mai ena vuku ni nomuni i valavala ca, ka ia na vutugu ena kemuni maliwa.

Isikeli 44:18

Me ra vakaivauvau ena i vau lineni, ka me ra vakatarausese leleka lineni; ia me ra kakua ni vauca ki tolodra e dua na ka, ka dau vakavu buno.

Taniela 5:20

Ia ni sa tubu na qaciqacia kei na dokadoka e lomana, ka sa cakacaka kina vakaviavialevu, sa qai sivo kina mai na nona i tutu vakatui, ka sa kau tani mai vua na nona lagilagi.

Jona 3:6

Ia ni sa rogoca na tui Ninive, a sa tucake mai na nona i dabedabe vakatui, sa luvata na nona i sulu vakatui ka daramaka na i sulu taga me la'ki tiko sobu ena dravusa.

Maciu 18:4

O koya sa levu duadua ena matanitu vakalomalagi sai koya na tamata sa yalomalumalumu ka sa vakataka e dua na gone lailai vakaoqo.

Jemesa 4:10

Ni vakamalumalumutaki kemuni ena mata ni Turaga, ena qai laveti kemuni cake o koya.

1 Pita 5:6

Ni vakayalomalumalumutaki kemuni kina ena ruku ni liga kaukauwa ni Kalou, ni na vakacerecerei kemuni o koya ena nona gauna taudonu.