Jeremaia 13:16 - Vakavakadewa Vou kei na iVola tale eso

¹⁶ Ni vakarokorokotaka na Turaga Na nomuni Kalou; Ni se bera ni kauta mai na butobuto Ka bera ni qai tavutu na yavamuni Ena veiulunivanua ena buto ni yakavi; Ni se bera ni vuki me butobuto loaloa sara, Na rarama o ni nuitaka tiko.

Ai Vola Tabu (Vakadewa Makawa Vakavoutaki 2021)

¹⁶ Dou vakarokorokotaki Jiova na nomudou Kalou ni se bera ni vakayacora na butobuto, ni se bera talega ni tarabe na yavamudou e na veiulunivanua loaloa; ka dou sa yadrava na rarama, ka sa vukica ga ko koya me yaloyalo ni mate ka cakava me butobuto sara.

AI VOLA TABU

¹⁶ Dou vakarokorokotaki Jiova na nomudou Kalou, ni sa sega ni vakayacora na butobuto, ni sa sega talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Vakavakadewa Makawa

¹⁶ Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Ai Vola Tabu Ena Vakavakadewa Vou

¹⁶ Ni vakarokorokotaka na Turaga Na nomuni Kalou; Ni se bera ni kauta mai na butobuto Ka bera ni qai tavutu na yavamuni Ena veiulunivanua ena buto ni yakavi; Ni se bera ni vuki me butobuto loaloa sara, Na rarama o ni nuitaka tiko.

Jeremaia 13:16 Iomraidhean Croise

Jope 3:5

Ni cakava me siga ni vakaloloku kei na buto loaloa; Ka mo ni solega na siga oqori ena veio, ka tabonaka na matanisiga.

NA SAME 107:10

Eso era tiko ena vanua ni rarawa ka butobuto, O ira na kai vesu era sa vakararawataki ena sinucodo,

NA SAME 107:14

Sa kauti ira tani mai na vanua ni rarawa ka butobuto, Ka musulaka na kedra sinucodo.

NA SAME 29:2

Mo ni vakacaucautaka na yaca i Jiova lagilagi; Ka cuva sobu vua na Le Dua Yalo Savasava ni sa basika mai.

NA SAME 44:19

Ia, o ni sa laivi keimami tu ga e matadra na manumanu kila Ka biuti keimami duadua tu ena vanua butobuto sara.

Lako Yani 10:21

A qai kaya vei Mosese o Jiova, “Dulaka cake na ligamu ki lomalagi ka me lutu mai kina na butobuto ena vanua taucoko o Ijipita; e dua na butobuto ka rawa me ra vakila.”

Vosavakaibalebale 4:19

Ia na sala era lakova na i valavala ca sa vaka na butobuto loaloa ni bogi. Era sa bale sobu, ia era sa sega ga ni kila se na cava sa vakatarabetaki ira.

Dauvunau 11:8

Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.

Aisea 5:30

Ena siga o ya era sa tagicaki Isireli, Me vaka na rogo levu ni vadugu ni wasawasa, Kevaka e dua e raica yani na vanua, Ena raica na butobuto kei na ka rarawa, Ka sa vakabutobutotaki na rarama ena kena vei o.

Aisea 59:10

Eda sa vakayayamo voli me vaka na mataboko. Eda sa tarabe tu ena yakavi siga me vaka ena buto Me vakataki ira na mate mai bulu.

Aisea 59:9

Era sa kaya na tamata, “O koya oqo sa yawa kina vei keda na lewa dodonu, Ka sa sega ni yaco mai vei keda na ka dodonu. Eda a vaqara na rarama, ia eda a qai raica na butobuto, Eda sa qara na i serau, ia eda qai lako ena butobuto.

Aisea 60:2

Na veimatanitu tale eso ena tabonaki ena butobuto; Na ramase ni nona i serau ena tiko vata kei iko.

Aisea 8:22

se rai sobu ki na qele, ia era na sega ni raica e dua na ka; era na raica ga na leqa, kei na butobuto vakarerevaki era sa vakasavi yani kina.

Jeremaia 14:19

Kemuni Jiova, O ni sa vakanadakui Juta sara beka ga vakadua? O ni sa cati ira dina li na lewe i Saioni? A cava o ni sa mokuti keimami sara kina vakaca Me keimami kakua ni vakabulai rawa? Keimami a nuitaka na sautu, Ia sa sega ni yaco e dua na ka vinaka. Keimami nuitaka ni keimami rawa ni vakabulai, Ia sa qai kena i sosomi na rere vakaitamera.

Jeremaia 2:6

Era sa sega ni bau kauwaitaki au, Era sega ni bau vakataroga, Sa e vei o Jiova ka a kauti keimami tani Ka liutaki ira mai ena loma ni vanua dravuisiga, Ena vanua veidelana ka sukusukura, Ena vanua dravuisiga, vakadomobula, Na vanua e sega ni bau dau lakovi, Ka sega ni bau dua e tiko kina.

Jeremaia 23:12

Na sala era muria Sa titidara ga ka butobuto; Ka'u na vakavuna me ra tarabe ka bale. Au na kauta mai vei ira na veika ca; Ka sa lako tiko mai na gauna ni nodra lewai.”

Jeremaia 4:23

Ia, au a qai raica na vuravura Ka sega na kena i tuvaki se vatukana; Ka sa sega ni dua na rarama ena lomalagi.

Jeremaia 50:6

Era sa vaka na sipi sa sese na noqu tamata ka ra sa laivi ira na kedra i vakatawa me ra sese ena veiulunivanua. Era sa veilakoyaki tu mai na dua na ulunivanua ki na dua tale na ulunivanua ka ra sa guilecava na vanua e tiko kina na nodra i tikotiko.

Jeremaia 6:21

O koya oqo sa kaya kina o Jiova, au na vakavuna me ra tarabe na tamata oqo ka bale era na mate na tama kei ira na luvedra, ka vakakina na wekadra kei ira na nodra i tokani.”

Jeremaia 8:15

Eda nuitaka na sautu, ia sa sega ni yaco mai e dua na ka vinaka; me dua na gauna ni veivakabulai, ia sa kena i sosomi na rere.

Lele i Jeremaia 4:17

Ni sa sega ni yaco mai na veivuke, Ka sa oca na mata i keimami ena vakararai. Keimami a vakararai matua Ki na matanitu sa rawa ni ia na veivueti.

Isikeli 21:15

ka me waicala kina na lomadra, ka ra bale mate e lewe vuqa ena nodra matamata ni koro. Na noqu i seleiwau ni veivakamatei sa wawa tu ena veimatamata yadua, sa taliva vinaka me ia kina veivakamatei.

Isikeli 34:12

Me vaka sa vakasaqara na nona qele ni sipi na kena i vakatawa, ni ra sa veiseyaki ena veivanua, au na vakasaqara talega vakakina na noqu qele ni sipi, ia ka'u na la'ki taqomaki ira mai na veivanua era dui veiseyaki kina ena siga ni o loaloa kei na butobuto.

Isikeli 36:15

Au na sega tale ni vakalaiva mo rogoca na nodra veibeitaki ca na veimatanitu, ni o sa na sega tale ni colata na nodra madua na tamata, o na sega talega ni vakatarabetaka na nomu matanitu, sa kaya na Kalou o Jiova.’ ”

Joeli 2:2

E dua na siga vakaturubuto, E siga ni veio butobuto levu! Sa tadu mai na mataivalu qele ni vodre levu A sa vaka na buto e solega na veiulunivanua; E se qai yaco vakadua oqo, Ka na sega ni yaco tale maimuri.

Emosi 4:13

Sa i koya ga na Kalou sa bulia na veiulunivanua, Ka sa vakavuna na cagi. Sa vakatakila na lomana vei ira na tamata; Ka sa vukica na siga me bogi. A sa lakova na veivanua cecere kei vuravura. Sa i Jiova ni lewevuqa na yacana!”

Emosi 5:18

Ena ca vei kemuni sa gadreva me yaco na siga ni Turaga! Ena vuku ni cava o ni sa vinakata kina? Sa butobuto, ka sega ni rarama.

Malakai 2:2

E dodonu mo ni dau vakarokorokotaki au ena veika o ni sa vakayacora. Kevaka o ni sa sega ni vakarorogo ki na veika au sa tukuna, au na cudruvi kemuni. Au na vagolea na noqu cudru ki na veika o ni sa dau vakararavi kina. Ia na kena dina, o ya ni'u sa cudruva oti na veika oqori, baleta ni o ni sa dau taura tu ga vakamamada na noqu i vakaro.

Joni 12:35

Sa qai kaya vei ira o Jisu, “Ena tiko vakadede vakalailai ga kei kemuni na rarama. Mo ni lako voli ga ni se tiko na rarama, me kakua kina ni yacovi kemuni na butobuto.

Josua 7:19

Sa qai vosa vei Ekani o Josua ka tukuna, “I na luvequ, mo tukuna mada vakadodonu ena mata i Jiova, na Kalou ni Isireli, ka vakatusai iko. Mo tukuna vei au na ka o sa vakayacora. Kakua sara ni tovolea mo vunitaka vei au.”

1 Pita 2:8

Ni sa kaya talega na i Vola Tabu, “Sa i koya oqo na vatu era na vakatarabetaki kina na tamata; Na vatu ena vakavuna me ra bale.” Era sa tarabe ga ena vuku ni nodra bese ni vakabauta na vosa; ia oqo sai naki ga ni Kalou me baleti ira.

1 Samuela 6:5

E dodonu mo ni cakava na i vakatakarakara ni mate vuce kei na kalavo sa vakacacana tiko na nomuni vanua, ka mo ni vakarokorokotaka na Kalou ni Isireli. Ena qai tarova beka o koya na nona veitotogitaki vei kemuni, kei ira na nomuni veikalou, kei na nomuni vanua.